«Табиғатты қорғау - Отанды қорғау»

«Табиғатты қорғау - Отанды қорғау»

Ғалам үлкен ... ғалам шексіз ... және бұл шексіздікте кішкентай жасыл-көк әлем бар. Бұл әлем - жер планетасы. Ол өмір сүретін жалғыз шексіздік. Сіз бен біз онымен өмір сүрудің ерекше мүмкіндігіне, құдіретті нығыметке ие болдық. Бізге мұнда өте ыңғайлы жұмақтың төріндей жылы және жайлы.

Жер Ана – өмір сыйлаған құшағы байлық пен ырыздыққы толы Табиғат Ана жасампаз өмірдің өзегі. Кең пейілді мейірімді анадай табиғаттың бір бөлшегі ретінде оны қорғауға әр саналы азамат парасаттылық танытуға тиіс. Табиғат – біздің Жерұйығымыз, туған Отанымыз. Ол бәрімізді бауырына басқан, кең құшағына сидыртқан қамқоршымыз. Табиғат пен үйлесімділік тапқан адамда өзара тепе-теңдік орнайды. Табиғатпен үйлесімдікте болған адам өзін тапқан және таныған адам болып есептеледі. Бұл- өмір заңдылығы. Табиғат бізге тәуелсіз, тексіз адам ғана табиғатқа үстемдік жасап оны өзіме бағындырамын дер ойлайды.Табиғаттың бір бөлшегі ретінде біз оған тәуелдіміз. Ол – ұлық, патшадай әмірші. О ны ешкім жеңбек емес. Табиғаттың тылсым дүниесін бағындырам дегендер, оны диссонансқа алып келеді.

Ғалымдардың пайымдауынша жәндіктердің кем дегенде бір түрінің толық жойылып кетуі біздің планетамыздағы бірқатар тіршілік иелерінің жойылып кетуіне әкелуі мүмкін екенін дәлелдеді. Бұл қорқынышты ма? Әрине, қорқынышты!!!...

Бірақ, біз ойланбастан жоюды жалғастырып жатырмыз және табиғатты аяусыз құртуға қадам жасаудамыз. Біз табиғат сыйлықтарын өз мақсаттарымызға қалай болса солай пайдалануға дағдыланғанбыз. Біз оған қандай пайда мен зиян келтіретінімізді сирек ойлаймыз. Ұзақ уақыт бойы біз Табиғат Анамызға ештеңе бермей тек алуды білдік. Нәтижесінде табиғи ресурстар жұтаңдап, планетамыз тұрмыстық қоқыспен ластанды. Біз экологиялық апат алдында тұрмыз! Өзімізден кейінгі ұрпаққа, балаларымызға не қалдырамыз? Олардың көзіне қалай қараймыз? Арымыз мазаламай ма? Сондықтан Табиғат- Ананы өз анамыздай жақсы көріп, қорғауымыз қажет! Өйткені Табиғат Ана бізді қоректендіреді, бар асылы мен байлығын береді.

Әрине, мені бұл мәселе әлемдік қауымды толғандырады. Бұл – әлемдік мәселе. Атап айтқанда: ауаның, судың ластануы. Бұл әрбір қазақстандықтың да жүрегін ауыртатын мәселе болуға тиіс. Айрықша қауіп - Арал тағдыры тұр. Балқаш көлі өз көлемін жоғалтуда. Семей өңірі мен Байқоңыр ғарыш айлағы да өзекті мәселелер...

Кейінгі жылдары әлемде барлық табиғат қорлары бұрын болмаған антропогендік өзгерістерге ұшырап отыр. Солардың ең бастысы- әлемдік климаттатың өзгеріске ұшырауы. Күн мен жел энергиясы сарқылмайтын қор болғанымен, өнеркәсіптіктің қарқындап дамуына байланысты ауаға зиянды газ бен шаңдар көтеріліп, адамдар денсаулығына айрықша қауіп төндіруде. Осы сияқты апатты құбылыстар өнеркәсібі шоғырланған үлкен қалаларда өріс алып отыр. Ауа мен судың ластануы Дүниежүзілік мұхиттар мен теңіздердің тартылып, мұхитар мұздарының еруіне ықпалын тигізуде.

Менің Ұлы Отанымда керемет, ерекше, сұлу, көрікті жерлер бар, оларды сақтау керек. Өзіңіз үшін, келер ұрпақ үшін сақтаңыз. Біз Хан Тәңірі шыңын, Көлсай көлдерін, Шарын шатқалын, Қазақстанның інжу-маржаны-Бурабайды сақтауға міндеттіміз.

Менің туған өлкемде де ерекше көз тарталық көркем табиғат бейнесін көрсететін, абыройын асыратын әдемі жерлер, қорғалатын қорықтар көп. Қорықтар бұл табиғат нысанын қорғаудың ең жоғары көрсеткіші. Қорық аумағында кен өндіру, құрылыс салу, аң-құс ату, балық аулау, шөп шабу, мал жаю және ағаш дайындау сияқты табиғат байлықтарына нұқсан келтіретін әрекеттерге тыйым салынады. Қостанай өңірінің имиджі, Қазақсанның бренді болып саналатын Наурызым мемлекеттік қорығы 1934 жылдан бастап ел игілігіне жарап келе жатыр. Мұнда сирек кездесетін аң, құс, жануарлар жердің, көлдің көркін ашып, халықтың көзайымына айналған. Мәселен, қызғылт фламинго, тырналар мен аққулар айдын көлдің сәніне айналған.

Біздің табиғатымыз-бұл біздің тарихымыз, мәдениетіміз. Немістің ұлы ақыны Гете былай деген: "табиғат - барлық жасаушылардың жаратушысы". Шынында да, табиғат әрқашан жазушыларға, суретшілерге, композиторларға шабыт көзі болды. Ол Абай мен Пушкинді, Құрманғазы мен Чайковскийді, Қастеев пен Васнецовқа шабыт сыйлады.

Табиғатты сақтай отырып, біз Отанымызды, өмірдің өзін қорғаймыз...