Таңдау сабақ. Өлкетану

«А.Қарсақбаев атындағы орта мектебі» КММ

Козбагарова Гульнар Мажитовна география пәні мұғалімі

«Өлкетану» курсының бағдарламасы

Түсініктеме хат

Қазіргі заман талабына сай маман даярлау мен болашақ маман иелерін оқыту бүгінгі таңдағы басты мақсаттар мен міндеттердің бірі екендігі белгілі. Білім берудің тиімді түрлеріне қол жеткізу үшін оқыту үрдісін жүйелі түрде жоспарлау, қолдану, бағалау қажет. Бұл оқушы мен мұғалімнің жүйелі де жоспарлы іс-әрекетінің нәтижелерінің бір көрінісі. Бағдарлама 34 сағат (1 жыл) 7- сыныптар аралығына жоспарланған. Оқушының шығармашылық қабілетін, ізденімпаздылығын, тұжырымдылық қабілетін дамытуды алға мақсат етіп қойдым.

Мақсаты:

Туған өлке табиғатын зерттеп, оның проблемаларын шешу жолдарына оқушыларды бағыттай отырып, олардың белсенділігін, ізденімпаздылық қабілетін қалыптастыру, шығармашылық дағдыларын дамыту.

Міндеттері:

• Оқушылардың география пәнінен алған білімдерін дамыта отырып, ғылыми-зерттеу жұмысына жұмылдыру, дарындылықтың шығармашылығын арттыру;

• Оқушылардың Отанын сүюге, туған өлкесінің тарихын, жер бедерін, табиғатын зерттеп таныстыру арқылы пәнге деген қызығушылығын арттыру;

• Ізденімпаздылығын, іздену жұмысына ғылыми көзқарас қалыптастыру;

• Оқушылардың жас ерекшелігіне, білімді қабылдаудағы психологиялық-педагогикалық ерекшеліктеріне сүйене отырып, білім жүйесін күрделендіре түсу;

• Оқушыларды зерттеу, сарамандық және зертханалық жұмыстарын өз беттерінше жасай әрі саралай білуге дағдыландыру;

• Өзіндік ой-пікірін тарихи, пәндік тұрғыдан талдай алуы, шығармашылық логикалық ойлау қабілетін дамыту;

• Сөз мәдениетін, кәсіби тілдік шеберлігін дамыту:

Бағдарлама бағыттары:

• Оқушының пәнге деген сүйіспеншілігін артырып, келешек мамандық таңдауына көмектесу;

• Оқушыларды туған жердің табиғатын зерттей отырып экологиялық білім беру;

• Оқушыларды адамгершілікке баулу, ойын нақты, тапқыр сөйлеуге, ақылды, салмақты ой айтуға баулу;

• Қазақстанның келешек өркендеп өсуіне өз үлесін қосатын жеке тұлға тәрбиелеу;

• Оқушылардың ғылыми –техникалық прогресс жетістіктерін меңгеріп, жергілікті жердің экономикасын арттыруға үлес қосу;

• Оқушылардың жеке зерттеушілік жобаларын қорғай отырып оқушы шығармашылығын, дарындылығын дамыту;

Ғылыми идеялылығы:

Қасиетті Жамбылдың төрінде бұл,

Сөйлейді ескерткіштер деміл-деміл.

Батырларым тарихтың төрінде жүр,

Ақындарым әрдайым көңілде жүр.

Бұл жерде данышпан да, дана да өткен,

Бір өзі мыңға татыр дара да өткен.

Ауданымның даңқты шежіресі,

Күн сайын толығады жаңа бетпен.

Ақын ағаның жырындағыдай құт атамекенді танып білмесек онда өзіміздің туған жеріміз жайында ештеңе білмегеніміз. «Өлкетану» курсын жүргізе отырып, жергілікті жердің географиялық орнын, оның табиғи ерекшеліктері мен байлықтарын, су көздерін, топырағы мен жануарлар, өсімдіктер дүниесін жан-жақты зерттейміз. Келешек ұрпаққа елдің экономикасын дамытуға, экологиясын, тарихы және табиғи ескерткіштерін қорғау жолында кешенді еңбек етуге баули отырып, зерттеушілік қабілетін дамыту.

Бағдарламаның ерекшеліктері:

• Табиғатты зерттеу барысында жергілікті жердің табиғат ерекшеліктерін зерттей отырып танымдық қабілеттерін арттыру;

• Жергілікті жердің табиғи ерекшеліктерін, оның байлықтарын таныта отырып география ғылымына тың жаңалықтар енгізуге талпындыру;

• Өлкемізді зерттей отырып оқушы бойында туған жерге деген сүйіспеншілігін арттыра отырып, ғылымға қызығушылығын ояту;

• Жүйелілігі мен бірізділігінің сақталуы;

Күнтізбелік жоспар (34 сағат)

 Пайдаланған әдебиеттер:

1.Н.Ә.Назарбаевтың Қазақстан халқына жолдауы. «Қазақстан жолы 2050: бір мақсат.бір мүдде, бір болашақ » .17 қаңтар .2014

2.Х.Муфталов,Ә Жұмабаев. Мектептегі өлкетану.Алматы1978.

3.Ә.Бірмағамбетов. Туған өлкені зерттеушілер .Алматы .Мектеп .1986

3.География және табиғат журналы ,2014ж № 3.

4.Ақындар мен батырлар елі «Мирас» баспасы 2009 ж.

5.Атамекен газеті 30 қазан 2009 ж.