Тақырыбы: Үлгеімі төмен оқушылармен жұмыс

Үлгерімі төмен оқушылармен жұмыс

Үлгермеушілік тұрақтылығына байланысты үлгермеушіліктің 3 түрін бөліп көрсетуге болады:

1. Жалпы және тұрақты үлгермеушілік - ұзақ уақыт бойы барлық немесе көптеген пәннен үлгермеу.

2. Жекелеген, бірақ салыстырмалы тұрақты үлгермеушілік – бұл бір немесе екі үш қиын пәндерден үлгермеу.

3. Эпизодтық тұрғыдағы үлгермеушілік – бірде жеңіл пәннен бірде екінші пәннен үлгермей қалу.

I категория себептері ретінде: оқушының алдыңғы дайындығының төменгі деңгейі әр түрлі себептерге байланысты қолайсыз жағдайлар (дене кемістіктері, ауру, тұрмыс жағдайының нашарлығы, ата-ананың қамқорлығының жоқтығы); оқушы тәрбиесінің жетіспеушілігі (жалқаулық, тәртіпсіздік); ақыл – ойының дамуының әлсіздігі.

II категория алдыңғы сыныптардағы кемшіліктер, оқылатын пәнге деген оқушының қызығушылығының жетіспеушілігі, оқудағы қиындықтарды жеңуде ерік әлсіздігі;

III категория дұрыс оқытпау, оқудағы бақылаусыздық, сабаққа дұрыс қатыспау, сабақтағы зейінсіздік, үй тапсырмаларын жүйелі орындамау.

Балалардың артта қалуы мен нашар оқуын болдырмау және алдын алу жұмыстары көп уақытты, ынта-жігерді қажет етеді.Осы қиыншылықтардың себебі –баланың ақыл-ой ерекшеліктерінің,ақыл сапаларының қалыптаспағаны, ал бұл ерекшеліктер мидың кейбір органикалық аномалияларымен байланысты, сондықтан олар сыртқы әсерлерге тез көне алмайды.Өз іс-тәжірибеме сүйене келе,химия пәнінен үлгерімі төмен оқушылар жайлы мәліметтерді үнемі толық жинақтап,саралап отырамын.Оның қорытындысын жасап,оқушыға берілетін тапсырманы құрғанда үнемі еске алу қажет.Өйткені,әр баланың түсіну,орындау,қабылдау деңгейіне байланысты.Сонда ғана жетістікке жетуге болады.Мысалы,мына үлгіде көрсетілгендей етіп жасауға болады.

Үлгерімі нашар оқушылармен жұмыс істегенде төмендегі ережелерді сақтау қажет:

• Оқушыға тосын сұрақ бермеу, тез жауап беруді талап етпеу, оқушыға ойланып, дайындалуына уақыт беру.

• Жауапты ауызша емес, жазба түрінде талап еткен дұрыс.

• Ауқымды, көлемі үлкен, әр-түрлі, күрделі материалдарды қысқа мерзімде игеруін талап етуге болмайды. Ол материалды ақпаратқа байланысты бөліп беру.

• Бұндай оқушыларға жаңа тақырып бойынша жауап беруін талап етуге болмайды. Үйде дайындалуға мүмкіндік беріп, келесі сабақта сұраған жөн.

• Жауап сұрап, ынталандыру арқылы оқушының өзінің күшіне, біліміне деген сенімін арттыру. Бұл сенімдік оған емтихан, бақылау жазған кезде көмек етеді.

• Оқушы жауапты дайындап жатқан кезде оған көңіл бөлу, көмектесу қажет.

Балалар нені түсінеді, неден нәтижесі бар, не қолдарынан келеді, соны жақсы көреді. Кез келген бала жақсы баға алғысы келеді. Сыныптастары мен мұғалімнің көмегімен алғашқы жетістіктерге жетуі өте маңызды. Мұғалім шын жүректен баланың көрсеткіштеріне қуанғанын көрсете білуі керек.Сондықтан,формативтік бағалаудың әсері өте жоғары деп ойлаймын.Сонымен қатар,баланы әр қырынан көре білу үшін қабілетін толық зерттеу қажет.Өзімнің іс-тәжірибемнен мына кестелерді көрсетуге болады.

Үлгерімі төмен оқушылардың қабілетін зерттеу

Мұғалім сабақ барысында үлгерімі төмен оқушыны анықтап, олардың пәнді меңгеруін, түсінуін есепке алып, диагностика жүргізіп отыруы қажет. Бұл оқушының пәннің қай жерінде олқылығы бар екендігін анықтауға және оның себебін анықтауға көмектеседі. Бұл себептер төмендегідей болуы мүмкін:

Химия пәнінен диагностикалау

Оқушы: ___________________________ Сынып______ тоқсан ______

Сонымен бірге,пән бойынша жылдық жоспар құрып,іске асуын қамтамасыз ету қажет.Ол жоспар әр балаға да арналып жасалуы мүмкін,ол ұстаздың шеберлігіне байланысты.Сонымен қорытындылай келе, үлгерімі нашар оқушымен жұмыс ұстаздың шеберлігіне байланысты болады.Қазіргі заман талабына сай сабақтағы әртүрлі әдіс-тәсілдер арқылы «сөйлемейтін» оқушыны сөйлетіп»,дарынды оқушыны танып білуге жол ашады.