Тәрбие сағат "Тәуелсіз елім - тірегім" 8 "Б" сынып

Сынып: 8 «Б»

Сынып жетекшісі: Дюсенбаева. А.Е

Сынып сағатының түрі:

Өтетін мерзімі:

11.12.17 ж

Сабақтың тақырыбы:

«Тәуелсіз елім – тірегім»

Жалпы мақсат:

Еліміздің тәуелсіздік алу жолындағы   ата-бабаларымыздың ерлігін паш ету, оқушыларғажелтоқсан құрбандарымен, желтоқсан оқиғасына қатысқан аға-апалардың ерлігін үлгі етіп көрсету.

Негізгі мақсаттар:

Оқушылардың туған өлкемізге деген сүйіспеншілігін, сезімдерін ояту.

Елін, жерін сүюге, Отанын қастерлеуге, шыншылдыққа тәрбиелеу.

Күтілетін нәтижелер:

Еліміздің тәуелсіздік алу жолындағы ата-бабаларымыздың ерлігімен таныс болады.

Желтоқсан құрбандарымен, желтоқсан оқиғасына қатысқан аға-апалардың ерлігін үлгі етеді.

Оқушылардың туған өлкемізге деген сүйіспеншілігі, сезімдері оянады

Елін, жерін сүюге, Отанын қастерлеуге, шыншылдыққа тәрбиеленеді.

Құндылықтарды дарыту:

Оқушы бойына туған еліне деген сүйіспеншілігін, сезімдерін ояту. Елін, жерін сүюге, оның әрбір дүниесін қастерлеуге тәрбиелеу.

Түйінді идеялар:

Тәуелсіздіктің тар жол, тайғақ кешуінен, беттен қағар желінің есуінен тайсалмауға тиіспіз.

(Нұрсұлтан Назарбаев)

Сынып сағатының кезеңдері:

Сынып сағатындағы жоспарланған іс-әрекет:

Пайдаланатын ресурстар:

Сабақ басы

2 мин

5 мин

Ұйымдастыру кезеңі:

Сәлемдесу, түгелдеу, сабаққа дайындық.

«Шаттық шеңбері» Оқушыларды сабаққа ынталандыру, сәттілік тілеу.

Балалар, мен сендерді бүгінгі сабақта көргеніме қуаныштымын. Бүгінгі сабағымыз сәтті өтсін деп, қолымыздан қысып ұстап бір-бірімізге жақсы лебіз білдірейік. (көңіл күйлеріміз

жақсы болсын, денсаулығымыз мықты болсын, мына бейбіт өмірде тату тәтті өмір сүріп, бақытты болайық).

- Бір-бірімізге не тілейміз?

- Сәттілік тілейміз.

Әр оқушы үстелдің үстінен ұнаған түстерін таңдап алып, (қызыл, сары, жасыл) орындарына жайғасады.

Оқушылар 3 топқа бөлінеді.

I. топ: Болашақ

II. топ: Бейбіт

III. топ: Жарқын

5 мин

Сабақтың ортасы.

3 мин

7 мин

7 мин

Сабақтың соңы

3 мин

Кері

байланыс

-Балалар сендердің алдарыңда қиылған қағаздар жатыр сол қағаздарды

құрастырып, суреттерде не бейнеленгеніндігін айтып өтеміз.

Ой қозғау:

I. топ: Болашақ II. топ: БейбітIII. топ: Жарқы

О сы желтоқсан оқиғасында көптеген жас боздақтарымыз қыршынынан қиылды. Ата- аналар баласынан айырылып кеуделері өксікке толды.

Ерлерді ұмытпаса ел ұмытпас, - деп Мағжан Жұмабаев ағамыз айтқандай дүниені дүр сілкіндіріп, Қазақ елінің бостандық туын көтерген ерлеріміз мәңгі есте қалары сөзсіз. 

Міне, көзді ашып жұмғанша, осы жылы Қазақ халқы тәуелсіздігіне 26 жыл толмақ. Тәуелсіздікке жету – оңай жолмен келген жоқ, ол бәрімізге мәлім. Бұл қазақ халқының ғасырлар бойы көздеген арман-мұраттарының орындалуы. Тәуелсіз мемлекетке айналу, бізге үлкен серпіліс, күш берді.

Балалар бүгінгі сабағымыз осы айтылған мәліметтермен тығыз байланысты. Сендер мәліметтер беру арқылы біздің бүгінгі тәрбие сағатымыздың тақырыбы мен мақсатын ашып кеттіңдер.

Тәрбие сағатымыздың тақырыбы: «Тәуелсіз елім – тірегім»

Тәрбие сағатымыздың мақсаты:Еліміздің тәуелсіздік алу жолындағы   ата-бабаларымыздың ерлігін паш ету, оқушыларға желтоқсан құрбандарымен, желтоқсан оқиғасына қатысқан аға-апалардың ерлігін үлгі етіп көрсету.

Мен бүгінгі сабағымды Нұрсұлтан Әбішұлы Назарбаевтың мына бір қанатты сөзімен бастағым келіп отыр.

Тәуелсіздіктің тар жол, тайғақ кешуінен, беттен қағар желінің есуінен тайсалмауға тиіспіз.

Қазіргі таңда біз ашық аспан, жарық күн сәулесі түсіп тұрған бейбіт те тәуелсіз мемлекетте өмір сүріп жатырмыз.
Қазақ халқы еркіндікке жету үшін қаншама қиын-қыстау кезеңдерді бастан кешірді. Соның бірі 1986 жылғы 17-18 желтоқсандағы қазақ жастарының көтерілісі еді. 
Өрімдей жастардың Орталық алаңға шығып, Қазақстан тәуелсіздігін талап еткен оқиғасы халықтың есінде мәңгі сақталады.
Қазақ жастары ел егемендігі үшін «Қазақ елінің өз көсемі сайлансын!» - деген тілек білдірген еді. Бірақ сол кездегі үкімет басшыларының бұйрығымен оларға күш көрсетіліп, «Бұзақылар», «Ұлтшылдар», «Нашақорлар» - деген кінә тағылып жазаланды.
1991 жылдың 16-желтоқсанында Қазақстан өз тәуелсіздігін жариялады. 
Мінекей балалар, бізге тәуелсіздік оңайлықпен келген жоқ. Қиын да қатал тоқырау замандарды бастан өткіздік.Олай болса өткенімізге көз жүгіртіп көрейік.

Қазақстан халқының тәуелсіздікке жету жолындағы қиыншылықтарын бейне роликтер арқылы көрсету.

Біз тәуелсіздікке аңсап, зарығып жеттік. Енді сол тәуелсіздіктің қасиетті белгілерін де ерекше қадірлеуіміз, қастерлеуіміз керек. Әрбір азамат Қазақстанның туын, елтаңбасын, әнұранын тұмардай қасиет тұтуы  қажет.Сонымен қатар Елбасының «Болашаққа бағдар: рухани жаңғыру» бағдарламасының басым бағыттары мен міндеттерін білу және латын әліпбиіне өту, сонымен қатар 30 елдің қатарына кірубасты мақсатқа айналып отыр.

топ: Болашақ

Тәуелсіздіктің қасиетті белгілерін атап көрсетіңіздер?

Жауап:Туымыз, Елтаңбамыз, Әнұранымыз

Т у – мемлекеттің егемендік пен біртұтастықты білдіретін басты рәміздерінің бірі. Ту ежелден елдің халқын біріктіру және оны белгілі бір мемлекеттік құрылымға сәйкестендіру міндетін атқарып келеді.Тәуелсіз Қазақстанның Мемлекеттік туы ресми түрде 1992 жылы қабылданды. Оның авторы – белгілі суретші ШәкенНиязбеков.

Егеменді Қазақстанның Елтаңбасы 1992 жылы ресми түрде қабылданды. Оның авторлары – белгілі сәулетшілер Жандарбек Мәлібеков пен Шот-Аман Уәлиханов.
Қазақстан Республикасының Мемлекеттік елтаңбасы дөңгелек нысанды. Бұл – Ұлы дала көшпенділері айрықша қастер тұтқан өмір мен мәңгіліктің символы.

Әнұран.Тәуелсіз Қазақстанның тарихында еліміздің мемлекеттік әнұраны екі рет – 1992 және 2006 жылдары бекітілді. Елдің дыбыстық рәмізінің танымалдығын арттыру мақсатында 2006 жылы жаңа мемлекеттік әнұран қабылданды. Оның негізі ретінде халықтың арасында кеңінен танымал «Менің Қазақстаным» патриоттық әні таңдап алынды. Ол әнді Шәмші Қалдаяқов 1956 жылы Жұмекен Нәжімеденовтің сөзіне жазған болатын. Қазақстан Президенті Нұрсұлтан Назарбаев әнге мемлекеттік әнұран жоғары мәртебесін беру және анағұрлым салтанатты шырқалуы үшін музыкалық туындының бастапқы мәтінін өңдеді. Қазақстан Парламенті 2006 жылы 6 қаңтарда палаталардың бірлескен отырысында «Мемлекеттік рәміздер туралы» Жарлыққа тиісті түзету енгізіп, еліміздің жаңа мемлекеттік әнұранын бекітті.

II. топ: Бейбіт

1. «Болашаққа бағдар: рухани жаңғыру» бағдарламасының басым бағыттарын атап беріңіз.

Жауап:1. Бәсекелік қабілет
2. Прагматизм
3. Ұлттық бірегейлікті сақтау
4. Білімнің салтанат құруы  
5. Қазақстанның революциялық емес, эволюциялық дамуы
6. Сананың ашықтығы
III. топ: Жарқын

«Болашаққа бағдар: рухани жаңғыру» бағдарламасының таяу жылдардағы міндеттерін атап беріңіз.

Жауап:1) Қазақ тілін біртіндеп латын аліпбиіне көшіру жұмыстарын бастау.

2) «Жаңа гуманитарлық білім.Қазақ тіліндегі 100 жаңа оқулық» жобасы

3) Туған жер бағдарламасы.

4) «Қазақстанның киелі жерлерінің географиясы» жобасы.

5) «Жахандағы заманауи қазақстандық мәдениет» жобасы

6) «Қазақстандағы 100 жаңа есім» жобасы.

Ал енді балалар! осы тәуелсіздікте жеткен жетістіктерімізді, атаулы күндерді еске түсіріп көрейікші.

1991 жылғы 16-шы желтоқсан (Қазақстан Тәуелсіздігін жариялады)

1991 жылғы 1 – желтоқсан (Еліміздің Президенті болып Н.Ә.Назарбаев сайланды)

1992 жылы 4- маусым ( Мемлекеттік рәміздер қабылданды)

1992 жылы 11-желтоқсан (Әнұран қабылданды)

1993 жылы 15 қараша ( Ұлттық ақша теңге айналымға енді.)

1995 жылы 30 тамыз ( Қазақстан Конституциясы қабылданды)

1996 жылы 16-желтоқсан ( Алматыда Тәуелсіздік монументі ашылды)

1997 жылы (Астана Ақмола қаласына көшірілді)

1998 жылы 7 мамыр (Ақмола қаласы Астана болып өзгертілді)

1997 жыл 1-шілде (Тіл туралы заң қабылданды)

2012жыл. 1-желтоқсан(Тұңғыш Президент күні болып жарияланды)

2017 жылдың 10 маусым мен 10 қыркүйек (Дүниежүзілік ЭКСПО-

2017 «Болашақ энергиясы» көрмесі өтті)

ЭКСПО -2017 көрмесіне қанша мемлекет, көрмені тамашалауға қанша адам келді?

(ЕХРО-2017 көрмесіне 115 мемлекет және 22 халықаралық ұйым қатысты. Көрмені тамашалауға 3 млн адам келді)
14. 2017 жыл 12 сәуір. (Елбасының «Болашаққа бағдар: руханижаңғыру» мақаласы жарық көрді)

«Тілек ағашы»

Оқушылар сабақ соңында осы тілек ағашына жақсы жылы лебіздерін білдіріп стикерлер арқылы жабыстырады.

«Мозайка» әдісі.

Бейне фильм

Постер құру

«Сұрақтар қобдишасы»

әдісі

Рефлексия

-Сабақ /оқу мақсаттары шынайы берілді.

- Оқушылар еліміздің тәуелсіздік алу жолындағы   ата-бабаларымыздың ерлігіне куә болды.

- Берілген тапсырмаларды орындап, өз ойларын ортаға сала білді.

Сабақты бекіту

-Иә төрткүл дүниені дүр сілкіндірген әйгілі желтоқсанның арман тілегі орындалып, елімізде

«Тәуелсіздік таңы» атты. Ендеше Тәуелсіздігіміздің тұғыры биік, халқымыздың

еңсесі жоғары, егемендігіміз баянды болсын, деп тілейік.

  Би: Тәуелсіздік күніне арналған флешмоб