Тәрбие сағаты "Әке, ана, бала" тәрбие сағаты

«Әкеге қарап ұл өсер»

Әкелер байқауы

Мақсаты:

Жанұядағы әке,ана мен бала арасындағы қарым - қатынасты нығайту, рухани ұлттық салт – дәстүрімізді жаңғырту мақсатында, әке мен ана орнының ерекше екенін ұғындыру. Бала тәрбиесіндегі ата-ананың алатын орнының ерекше екендігін түсіндіру. Ата-анаға деген бала махаббатын ояту. Мектеп, ұстаз, ата-ана бірлігін нығайту. Аға ұрпақтың ізімен жүретін намысшыл, ер мінезді ,жігерлі тұлғаны дамыту.

Түрі: сайыс

Қатысушылар: 2,3,4 сынып ата-аналары мен балалары

Көрнекілік:

Слаид, ата-ана, бала туралы мақал-мәтелдер.

Барысы:

Жүргізуші:

Қайырлы күн, құрметті ұстаздар, ата – аналар мен оқушылар!

Әке – асқар тау,

Ана – қайнар бұлақ,

Бала – жағасындағы құрақ – деген мақал өмір шындығы екені анық. Бала қыран болу үшін оны самғатып ұшырататын әке де қыран болуы керек» деп отбасылық тәрбиеге ерекше тоқталған.

Олай болса біздің сыныптар арасында ұйымдастырылып отырған «Әке, ана, бала» атты сайысымызға қатысушы отбасыларымызды ортаға шақырайық, қошеметпен орындарына отырғызайық:

1. 2 «а» сыныбынан Дәлел отбасы

2. 2 «ә» сыныбынан Дәлелхан отбасы

3. 2 «б» сыныбынан Байсов отбасы

Жүргізуші:Сайыс кезеңдерімен таныс болыңыздар

1. Таныстыру

2. «Ұтымды жауап» ситуациялық жағдайлар шешу

3. «Өнерліге өріс кең» сайысқа қатысушы ата-аналар өз өнерлерін көрсетеді (өлең айту, билеу, қолдан жасаған бұйымы болса соны таныстыру, өлең оқу, шығарған өлеңдері болса оқу, баласының өнерін көрсетуіне немесе баласы екеуі бірлесіп өнер көрсетуіне болады)

4. «Жалғасын тап...» мақал мәтелдер айту

5. «Тауып көрейік» Дәптердегі жазуын табу

Өнерпаздар өнерін салыстырып,

Бәйге үшін терлетер шабыстырып,

Әділдікті қолдайтын баға беріп,

Жіберейік қазыларды таныстырып.

Бүгінгі сайысымыздың әділ бағасын беретін әділ қазылар алқасымен таныс болайық :

Жүргізуші

Әр бір отбасында ата - ананың орны бөлек. Бала әкеден ақыл, анадан мейірім алады. Әке - отбасының асыраушысы, қамқоршысы, тірегі, ана - отбасының ұйытқысы, жылуы, шуағы. Ата - анаға баладан жақсы ешкім жоқ. «Бала - адамның бауыр еті» деген нақыл сөз бар. Сондықтан қай ата - ана болмасын баласының білімді, мәдениетті тәртіпті, әдепті болуын қалайды. Ұлтымызда «Бала туғанда ақ қағаздай болып туады, оған шимай қалай салынса, бала тәрбиесі де солай сияқты» деген Ж. Ж. Руссо.

1-кезең. «Таныстыру» Олай болса, мен кезекті сайысқа қатысушы әкелер мен балаларға беремін. Өздеріңізді таныстырып өтсеңіздер.

2-кезең. «Ұтымды жауап» ситуациялық жағдайлар шешу.

1.  Балаңыз 13 жастағы жасөспірім. Ол қазір өтпелі кезеңді бастан өткізуде. Жазды күні сіз оған ұялы телефон және компьютер сатып алып бердіңіз. Енді ол оны айналшақтап, қолынан тастамайды. Тамақтанса да, теледидар алдында да, тіпті сабаққа дайындалып отырған кезде де үнемі алаңдап отырады. Сіздің әрекетіңіз қандай болар еді?

2. Балаңыз күнде 1 – сабаққа кешігіп келеді. Қалай жөнге келтіресіз?

3. Балаңыз жақсы оқиды. Тәртіпті, сыпайы болып өсіп келеді. Жаңа үй сатып алуыңызға байланысты оны басқа мектепке ауыстырдыңыз. Сабаққа белсенділігі төмендеген сияқты. Мінезіне де өзгерістер енгендей. Бұрынғыдай емес, ашуланшақ. Бірнеше рет себебін сұрағаныңызбен еш нәрсе айта қоймады. Енді не істейсіз?

4. Баламен сөйлесе білу де үлкен өнер. 4-6 жастағы бала күніне көптеген сұрақ қоятын көрінеді. Мысалы: Түн неге қараңғы? Күн қайда кетті? Ұшақ қалай ұшады? Деген сияқты таусылмайтын сауалдар көп. Сіздің балаңыз да осындай сауалдары көп болса, жауап беруге тырысасыз ба, жоқ, әлде елеусіз қалдырасыз ба?

5.Кейбір ата - аналардың баласының әрбір істеген іс - әрекетіңе көңілі толмай: «Сен сала алмайсың, сен істей алмайсың?»- деп айтып жататынын байқаймыз. Бала іс – әрекетіне теріс баға беруге қалай қарайсыз?

6. Сізге мектептегі мұғалімдерден «Сіздің балаңыз басқа балаларды ұрады» деген бірнеше шағым айтылды. Тағы көрші ата-аналардан да «біздің баланы ұрды» деген сөз естуге тура келді дейік. Не істейсіз? Балаңызды қалай тәрбиелейсіз?

7.Балаңыз мектептегі бір мұғаліммен тіл табыса алмай жүр. Балаңызға қандай кеңес айтасыз?

3-кезең «Өнерлі өрге жүзер» сайысқа қатысушы әкелер өз өнерлерін көрсетеді (өлең айту, билеу, қолдан жасаған бұйымы болса соны таныстыру, өлең оқу, шығарған өлеңдері болса оқу, баласының өнерін көрсетуіне немесе баласы екеуі бірлесіп өнер көрсетуіне болады)

4-кезең «Жалғасын тап...» мақал мәтелдер айту (әкелер бала туралы, балалары әке туралы мақалдар айту жарысы)

Дәлел отбасы

Әке көрген – оқ жонар, шеше көрген – он пішер.

2.Бала жас шыбық сияқты (қалай исең солай иіледі)

3.Бала жақсы болса қуаныш– ( жаман болса – қиналыс)

Дәлелхан отбасы

1.Анасы қандай болса – (баласы сондай)

2.Әкесіне қарап ұлын, Шешесіне қарап қызын таны

3. Ата-ананың қадірін

Балалы болғанда білерсің;

Ағайынның қадірін

Жалалы болғанда білерсің.

Байсов отбасы

1.Ананың сүті—бал, Баланың тілі — бал.
2.Атаңа не қылсаң, Алдыңа сол келер
3. Болатын бала — пысық, Жауатын күн — ыстық.

1. Қарға баласын «аппағым» дейді, Кірпі баласын «жұмсағым» дейді
2. Әкесіне тартып ұл тумас, Шешесіне қарап қыз тумас
3. Ана жақсылығын, Ауырсаң білерсің. Қайын жақсылығын, Қыдырсаң білерсің.

5-кезен. «Тауып көрейік». Бұл кезеңнің мақсаты әр ата-ана өз баласының жазуын қаншалықты білетінін анықтау.

Жүргізуші:

Мұғалім: “Ертеде бір адам ғұламаға келіп:

- Баланы неше жастан бастап тәрбиелеген дұрыс? – деп сұрапты.

Ғұлама:

- Балаңыз қаншада? – деп өзіне сұрақ қояды.

- Бес – ақ ай толды, – дейді анау. Сонда ғұлама басын шайқап:

- Бес айға кешіккен екенсіз, – деген екен “. Халық арасына кең тарылған бұл аңыздың айтпағы баршаға түсінікті. Яғни, баланы туған сәтінен бастап тәрбиелеу керек.

Демек, бала тәрбиесінің негізін құятын ең алдымен – ата – ана.

«Әкесінің баласына қалдырған ең үлкен мұрасы – оны жақсы тәрбиелеуі» дей отырып, баласын оқытып, күнін көре алатындай мамандық иесі етіп қалдыру, балаларды жақсы көріп, оларға көңіл бөлу, баласына ат қою, баласын сау етіп өсіру – бұлар әке мен ананың басты міндеттерінің бірі.

Әкенің ақылы керек екен,

Таптырмас ой-сана береді екен.

Алтыннан жасалған үш әріпке,

Өмірде еш нәрсе теңелмеген.

Марапаттау.

Бүгінгі сайысқа келіп, ой бөлісіп, өнерлеріңізді көрсетіп, ұтымды жауап айтып, балаға беріп жатқан тәрбиелеріңізбен бөліскендеріңіз үшін көп көп рахмет! Келесі кездескенше сау – саламатта болыңыздар.

«Еңбек ауылындағы мектепке дейінгі шағын орталығы бар №22 орта мектеп»

Сайыс сабақ

«Әкеге қарап ұл өсер»

«Еңбек ауылындағы мектепке дейінгі шағын орталығы бар №22 орта мектеп»

Ашық сабақ

«Ақиқат пен шындық»

2 «Ә» сынып

Тұмарбекова Д.Ж