Тәрбие сағаты: Қоғамдық орындарда өзіңді ұстай білу

Қазақстан Республикасының Білім және ғылым министрлігі
“М.О. Әуезов атындағы педогогикалық колледжі” КМҚК

“Бекітемін”___________
Әдіскер:Нургазы.М.Т
“Келісемін”__________
Сынып жетекші:

ТӘРБИЕ САҒАТЫНЫҢ ЖОСАРЫ

Тақырыбы: Қоғамдық орындарда өзіңді ұстай білу.
Өтетін орны:√32. ЖОББМ КММ
Мерзімі:11.10.21
Тобы:29«ә»
Машыққер:Кактаева Алқа Аскербекқызы
Баға: “____” ___________
Баға: “____” ____________

Семей, 2021

Тәрбие сағатының мақсаты: Балаларды жақсы мен жаман іс - әрекеттерді
ажырата білуге үйрету; қоғамдық орындарда өзін ұстау , адамдармен
сыпайылықпен сөйлесуге дағдыландыру;
Білімділік: Оқушыларды ізденімпаздыққа, тапқырлыққа, шыдамдылыққа
және өз ойын мәдени түрде жеткізуге, білуге үйрету.
Тәрбиелік: Тәртіптілікке, ізгілікке ұмтылдыру, есте сақтау қабілеттерін
арттыру. Қоғамдық орындарда өзін мәдениетті ұстауға, ұқыптылыққа,
дербестікке тәрбиелеу.
Дамытушылық: Оқушылардың логикалық ойлау мен өзіндік түйін жасау,
ой қорыту дағдыларын дамыту;
Тәрбие бағыты: Көпмәдениетті және көркем эстетикалық тәрбие.
Формасы: әңгімелесу
Әдіс – тәсілдері: ойын түрлері, жеке жұмыс жасау, түсіндіру, көрсету, сұрақ
– жауап.
Көрнекілік : слайд, таратпа суреттер, стикерлер
Техникалық құлардар: бейнеролик, компьютер
Жабдықталуы : қағаздар, стикерлер

ТӘРБИЕ САҒАТЫНЫҢ ҚҰРЫЛЫМЫ \40 МИНУТ\
1. Кіріспе бөлім
1. Ұйымдастыру кезеңі
1.
2.
3.
4.
5.
6.

\5 мин\

2. Негізгі бөлім
Техникалық қауіпсіздік ережелері /7мин\
Ой қозғау \3 мин\
Бейнеролик. Этика заңдылықтары \5мин\
«Әдептілік - әдемілік» ойыны \5мин/
Әңгіме: «Әдепті сөз». \5 мин\
Тыныштық сәті. Орманға саяхат /5мин/
3. Қорытынды

7. Рефлексия.

/5мин/

ТӘРБИЕ САҒАТЫНЫҢ БАРЫСЫ \40 МИНУТ\
1.Ұйымдастыру
Сәлеметсіздерме оқушылар. Көніл күйлерініз қалай? Бүгін сіздермен
«Қоғамдық орындарда өзіңді ұстай білу» деп аталатын тәрбие сағатын
өткізетін боламын .Тәрбие сағатымызды бастамас бұрын, шеңбер бойына
тұрып, бір- бірімізге жақсы тілектерімізді айтайық.
«Жарқын күн»- оқушылар бір-біріне жақсы тілектер айтады.

2 . Ой қозғау.
Балалар жалпы қоғамдық орындарда өзіңді ұстай білу дегенді қалай
түсінесіздер? (Оқушылар өз пікірлерін ортаға салады)
3. Бейнеролик . Этика заңдылықтары
Оқушылар ойларыңызға рахмет, енді этика заңдылықтарына байланысты
бейнеролик тамашалайық. (Видео материалды қарап, өз пікірлерін білдіреді)
Оқушылар пікірлерінізге рахмет. Енді келесі «Әдептілік -әдемілік» деп
аталатын ойын ойнайық.
4. «Әдептілік -әдемілік» ойыны
Сіздерге әр қоғамдық орындардың суреттері берілген. Сол бойынша
қоғамдық орында өзін қалай ұстау керек ережелерін айтып шығасыздар.
Ойлануға 2 минут уақыт беріледі. (2,3 қыздан бірігіп)
5)Әңгіме: «Әдепті сөз».
Әдептілік туралы әңгіме оқып беремін. Оның мағынасын талдатып,
сұрақтарға жауап беру.
Асан атам «Әдептілік сөзден білінеді. Әділет ағаңа ұқсап, әділетті сөздерді
үйреніп ал, балам» деп, маған өсиет айтады. Ағатайым институт оқып жүр.
Ол жақында демалысқа келеді. Мен оның әрбір ізетті, инабатты іс-қимылына
назар аударып, әдепті сөздерін ұғып, жадымда сақтап, өзім де әдепті сөздерді
қолдана бастадым.

Әділет ағам келем деген уақыттан кешігіп келді. Ол танадай нұр көздерінен
нұр шаша күлімдеп, атамды аймалай құшып амандасты:
-Кешіріңіз, ата, кешігіп келдім...
-Айыбы жоқ балам, «Жолаушының жолы біледі» деген.
-Ғафу етіңіз, сізге сыйлайтын сый-сыяпатым да көңілдегідей емес.
-Оқасы жоқ, балам! «Ізетке найза болмайды» деген. Маған инабатың мен
ілтипатың бәрінен де қымбат.
-Қош келдіңіз! Қуаныштымын, -дедім мен. Ағатайым бетімнен сүйіп:
-Атамның тілін алып жүрсің бе?
-Маған сеніңіз, - дедім.
-Атасының жанашыр қамқоршысы, күні ғой бұл жарығым! –деп атам мені
мақтай бастағанда асыра мақтауды жөнсіз көріп, іштей қысылдым. Кейбір
«еркелігім» есіме түсті.Ағайы шешеммен, әкеммен, аталарыммен
кездескенде қандай әдепті сөздер айтар екен деп, оның әрбір қимылына,
әсерлі сөзіне ықылас қойып, қасынан қалмай жүрмін.
-Балам, сөредегі кітаптарды сәндеп, реттеп қой, -деді көкем.
-Құп олады, -деді Әділет аағатайым
-Әділжан, мына жуылған киімдерді үтіктеші, -деді аанам
-Сізге қызмет етуге әзірмін, апа, -деді ол.
-Мына ініңді әдептілік, инбаттылық, имандылық дегендердің не екенін үйрет,
балам,- деді аатам
-Сөзіңізге құлдық, ата, «Кішіден ізет, үлкеннен парасат» деуші едіңіз
ғой.Мен ағатайымның әдепті сөздерін өзімнің өнегелі сөздерді жазып жүрген
дәптеріме жаза бастадым. Әдепті сөздерді мен осылай үйрендім
Сұрақтар:
1)Әділет ағасынан қандай әдепті сөздер естіді?
2)Әдепті сөздерді Әділет қалай үйренді?
(Оқушылар сұрақтарға жауап береді). Жақсы, ал енді аздап демалып алайық.
6. Тыныштық сәті: Орманға саяхат
Арқаңызды тік ұстап отырыңыз. Көзіңізді жұмып, терең тыныс алыңыз.
Әрбір тыныс алған сайын неғұрлым көбірек босаңсып, сабырлы болуға
тырысыңыз. Қазір біз орманға серуенге шығамыз. Өзіңіздің сынып есігіне

қарай беттеп, есікті ашқаныңызды, дәлізбен өтіп, далаға шыққаныңызды
елестетіңіз. Таза ауаны жұтып, шашыңызды желбіреткен желдің лебін және
бетіңізді сәл – пәл қыздырған күн сәулесін сезініңіз. Орманға қарай жүре
бастаңыз. Келе жатқанда абай болыңыз, жәндіктерді басып кетпеңіз. Бір
минут тоқтап айналаға көз салыңыз. Табиғаттың әсемдігі мен балғындығын
сезініңіз. Гүлдердің біріне жақындап, еңкейіп, оның нәзіктігі мен
жұқалығына зейін салыңыз. Оны иіскеңіз және хош иісін жұтыңыз.
Айналадағы бар нәрсені бақылап, ары қарай жүре беріңіз. Гүлдер, гүлдер мен
ағаштардың иісі, құстардың дауысы және жәндіктердің ызыңы. Орманға
ендей түсіңіз, қараңызшы, ағаштар биіктей әрі қалыңдай түсті. Жарық пен
көлеңкенің ойынын қызықтаңыз, жапырақтардың сыбдырын тыңдаңыз. Біз
өзімізді орманда бақытты әрі қауіпсіз сезінеміз. Алаңқайға шығып, осында
бірнеше минут демалыңыз. Түбіне барып отырғыңыз келетін ағашты
таңдаңыз. Ағашқа жақындаңыз да, оны діңінен құшақтаңыз. Оның
қуаттылығын сезініңіз, ондағы өмір қуатын сезінуге және ұғынуға
тырысыңыз. Енді оның діңіне арқаңызды сүйеп отырыңыз. Көзіңізді
жұмыңыз, терең тыныс алыңыз және қоршаған айналаның жым – жырт
тыныштығына көңіл бөліңіз. (Осы жерде мұғалім 1 – 2 минут үзіліс жасауына
болады).
Бізге қалайша жеңіл, әрі тыныш және бақытты сезіну қандай! Табиғат неткен
ғажап! Оны қалайша сүйетініміз бен қадірлейтінімізді, бірде бір тірі жәндікке
зиян тигізбес үшін қамқорлық жасауды түсінеміз. Сіздің өз ағашыңыз бар
екенін және кез келген уақытта оған келе алатыныңызды есте ұстаңыз. Ал
қазір мектепке қайтуға дайындалыңыз. Орныңыздан тұрып, айналаға тағы бір
көз қырын салыңыз. Келген жолыңызбен кері қайтыңыз, жолыңыздағы
жәндіктерді басып кетпеңіз. Міне, мектептің алдына да келдік. Айналаңызға
тағы бір қараңыз, таза ауаны терең жұтыңыз, есікті ашып, өз орныңызға
қайтып келіңіз. Осы жым – жырттық, тыныштық, қанағат сезімін өзіңізде
сақтаңыз. Көзіңізді ашып, айналаға күлімсіреңіз!
7. Рефлексия
Ал енді демалып алдық, енді тәрбие сағатымызды қортындылайық.

(Алма ағашына бүгінгі сабақтан не түйдім,не үйрендім,не ұнады соның
барлығын стикерлерге жазып , алма ағашына жабыстырады)