Мақсаты: Оқушыларды өзін-өзі тәрбиелеуге баулу арқылы, Дұрыс әрекет құндылығының мәнін ашу

• Міндеттері: Оқушыларды қоғамға риясыз қызмет жасауға баулу;

• Оқушылардың бойындағы сүйіспеншілікпен және шынайылықпен жұмыс істеу қасиеттерін дамыту;

• Оқушыларды жауапкершілікке, ұқыптылыққа тәрбиелеу.

Ресурстар:

Сабақтың барысы:
1.Ұйымдастыру кезеңi. Мұғалім оқушылардың сабаққа қатысуын тексереді.

«5Т» ережесі

Балалар ережені есімізге түсіріп, бүгінгі күнімізді татулықпен өткізейік.

Сергітусәті:

Алдын ала топтағы оқушы санына сай ұзын (70 см) және көбірек түрлі-түсті қысқа (10 см) ленталар дайындалады. Жағымды әуен арқылы барлық қатысушылар бір шеңберге топтасады. Мұғалім қолындағы лентелерде көрсетіп: «Менің қолымда түрлі-түсті, ұзын-қысқа лентелер бар. Шын мәнінде, бұлар жай ленталар емес, біздің шығармашылығымыздың ұшқындары. Аңызға сүйенсек, егер таза жүректі адамдар бір жерге жиналса, бұл ұшқынды әдемі алқаға айналдырады екен. Қазір ұзын ленталарды әрқайсысың алып, өз мойындарыңа тағып, ұшын байлауларыңды сұраймын. Содан соң түрлі-түсті қысқа жіптен алып бір-біріңнің мойындарыңдағы алқаға жағымды тілек айтып байласаңыздар. Осылайша қысқа жіптер алқамыздың моншақтарына айналады»

Барлығы байлап болған соң, осы күннен естелік ретінде сақтап қою ұсынылады.
2.Үй тапсырмасын тексеру: «Жүрегім соғып тұрғанда» әңгімесін оқу.

Сұрақтар:

1. Мәтіндегі «Әркімнің өз жолы бар, әркімнің өз ұшар көгі бар» деген ойды қалай түсіндіңіздер?

2. Әр адамның өз ойы, көзқарасы, өз пікірі болмаса не болар еді деп ойлайсыздар?

3. Абайдың «Керек іс бозбалаға – талаптылық...» деген ойын қалай түсінесіздер?

Талаптану, өз ойы, сөзі, ісіне жауапкершілікпен сын көзімен қарау адамды қандай игіліктерге жеткізеді?

Мұғалім сұрақтардың көмегімен оқушыларды «әркімнің өз жолы өз ойы» және «талапты ерге нұр жауар», «талаптану, талаптылық» ұғымдарын түсінуге жетелейді

Интер белсенді тақта, оқулық, дәптер

Оқулық, №11 сабақ, 47-бет,

жұмыс дәптерлері

Көрнекі құралдар

3.Позитивті мәлімдеме : ...Өзіңе сен, өзіңді алып шығар,

Еңбегің мен ақылың екі жақтап. Абай

1.Өзіңе деген сенімділікті қалай түсінесіздер?

2. «Еңбегің мен ақылың екі жақтап» сөзінің мағынасын қалай түсінуге болады?

3.Жалпы дәйексөздің мағынасын қалай түсінесіздер?

Дәйексөзді оқушылармен бірге талқылап, қорытынды жасап, оны дәптерге жазуды ұсынады.

Жұмыс дәптерлері.

4.Оқиғаларды әңгiмелеу: «Адамгершілік» әңгімесі.

Ұстаз айтты:

– Адамгершілік деген не?

– Адамдарға махаббат.

– Білім деген не?

– Ол – адамдарды білу. Адал кісіні адал еместерден биік қойсаң, адал еместерді адалдыққа тартасың.

Ұстаз айтты:

– Адам баласы жанымыздан ағып өтіп бара жатқан өзен суы сияқты: біздің жанымыздан өтіп кеткенмен күндіз-түні өзінің жүрісін тоқтатпайды.

Ұстаз айтты:

– Ғалым кісі табанды әрі тиянақты болмаса болмайды, өйткені оның өзіне артқан жүгі ауыр және жүрер жолы ұзақ. Оның жүгі – адамгершілік, ол ауыр болмай қалай болсын. Ол өз жолын өлгенде ғана аяқтайды – бұдан ұзақ жол бар ма?!

1.Қалай ойлайсыңдар ұстаздың ойымен келісесіңдер ме,ұстаздың ойы туралы не айтар едіңдер?

Конфуций. – Даналардан шыққан сөз. – Жастар баспасы. – 2003. – 123 бет.

5.Шығармашылық іс-әрекет

Оқушыларды 3 топқа біріктіру және топтық жұмыс «Мен кіммін?», «Менің іс-әрекетімдегі немесе мінез-құлқымдағы жетілдіруді қажет ететіндер» тақырыбында бір күндік, бір апталық, бір айлық жоспар жасап талқылағаннан кейін сабақтың дәйексөзін еске түсіріп, шығармашылық тапсырмадан кейінгі қорытындылармен байланыстыру

Флипчарттар, баяу әуен қойылады.

6.Топпен ән айту

Сөзі Тұманбай Молдағалиевтікі, Әні Нұрғиса Тілендиевтікі «Құстар қайтып барады» әнін орындайды.

Интер белсенді тақта

караоки,

7.Үй тапсырмасы: 49 – 50-бет. Әкім Ысқақтың «Тоғыз тағлым» әңгімесін оқып, сұрақтарға жауап беру.

оқулық

8.Сабақтың соңғы минуты Оқушылар көздерін жұмып, сабақта не ұнағанын еске түсіріп, оны жүрегінде сақтайды.. Мұғалім оқушыларға өз мақсаттарына жетулеріне тілек білдіріп бүгінгі сабақ үшін рақмет айтады.

Баяу композиция қойылады.