Тренинг: 4 класс оқушыларының танымдық процесін дамыту

Анықтама

Өткізілген топ: 4 «А», 4 «Ә», 4 «Б», 4 «В», 4 «Г», 4 «Д», 4 «Е», 4 «Ж»

Жүргізілген жұмыс: «Түстер» жаттығуы, «Зейінді бол!» жаттығуы, «Кім жоғын тауып ал» жаттығуы, «Керісіншелер елі» жаттығуы, Релаксацияға байланысты жаттығу. «Өзіңмен – өзің».

Мақсаты: Оқушылардың танымдық процестерін дамыту, есте сақтау, ойлау, зейін қабілетін дамыту.

«Түстер» жаттығуы

Жүргізуші: балалар мен сендерге қазір қызыл, көк, сары немесе жасыл түстерді көрсетемін. Қай балаға жасыл түс түссе, ол жасыл түсті үш заттың атын атау керек. Айтқан затты қайталап айтуға болмайды. Мысалы, жасыл түсті алған оқушы жапырақ деп айтуға болады.

«Зейінді бол!» жаттығуы

Жүргізуші: Балалар барлығымыз орнымыздан тұрамыз қазір мен сендерге сөздер оқимын, сол сөздердің ішінен сендер жануарлардың атын естігенде қол шапалақтауларың керек, ал құстың аттарын естігенде аяқтарыңмен топырлатасыңдар, балықтардың атауларын айтқанда, балық ұқсап жүзулерің керек. Қарақат, алабұға, алма, түлкі, сандық, көгершін, сауысқан, шортан, жолбарыс, теледидар, қарға, аю, гүл, тотықұс, кит, акула, бауырсақ, қоян, ақ шағала, шабақ, арыстан, қарлығаш, торғай, қалам, карбыз, дельфин, шортан, қағаз, қарындаш, аққу, бекіре, сазан, піл, бегемот, дала, зебра, тырна, үйрек.

«Кім жоғын тауып ал»

Ойыншылардың барылығы көздерін жұмуы керек. Осы уақытта жүргізуші бір баланы иығынан түртеді, ол дыбыссыз жәй кетіп қалады. Жүргізуші белгі бергенде барлығы көздерін ашып, кім жоқ екенін тауып алуы керек. Кім жоғын ең бірінші тауып алса, сол жеңімпаз болады. Ойын есте сақтау қабілетін және бақылауды тексереді.

 «Керісіншелер елі».

Мақсаты: Ойша әрекетету қабілетін жаттықтыру.

Жаттығудың жүргізілуі: балалар шеңбер бойына отырады. Жетекші үш әріптен тұратын сөзді айтып, доп лақтырады. Допты ұстаған ойыншы әріптерді кері атайды (күн-нүк, көз-зөк, сан-нас). Аударылған сөздердің мағынасы болмауы мүмкін. Ойынның күрделену ісөздің ұзақтығына байланысты.

Аяқ Тал Тас Қаз Нан Тор

Қол Ара Бал Гүл Түн Құт

Лақ Күн Зат Өрт Қар Шар

Көз Піл Тіл Қас Бор Көл

Релаксацияға байланысты жаттығу. «Өзіңмен – өзің».

Балалар орындықтарында отырып, көздерін жұмады. Әуен ойнайды. Ыстық жазды елестетейік. Алтын күн аспанда өз шуақтарымен қызыл құмды қыздырып тұр. Сендер табандарыңмен оның қызуын сезесіңдер. 
Сендер мөлдір теңіздің жағасында асықпай жүріп бара жатырсыңдар. Ол сендерге сыбырлап: «Сәлеметсің бе, балақай! Айналаға қарашы, табиғат-ана неткен сұлу! Оның әдемілігіне сүйсінудің өзі қандай бақыт! Күнді көріп, оның шуақтарына қыздырынған қандай бақыт! Құстардың сиқырлы үнін тыңдаған, осы күнге қуанған қандай бақыт! Сенің осындай кең дүниеде бар екенің қандай бақыт» - дейді. 
Жаздың күнгі саябақты көз алдарыңа елестетіп, барлық дыбыстарды сезініңдер.
- Өздеріңді бақытты сезіндіңдер ме? Оны қалай түсіндіңдер? 

Қорытынды: Оқушылар ойын, жаттығуларға жүргізушінің нұсқауын мұқият орындай отырып, белсенділікпен қатысты. Өз ойларын ашық жеткізе білді. Өткізілген тренинг жаттығулар тартымды өтіп, оқушыларға ұнады, кейін оқушылар арасындағы қарым – қатынас нығая түсті.