Тренинг "Мен жаңашыл мұғаліммін"

Мұғалімдермен өткізіледі

Тренинг: «Мен жаңашыл мұғаліммін»

Мақсаты: Мұғалімдердің эмоциналды көңіл-күйлерін көтеру арқылы білім берудің мазмұның жаңарту жағдайында педагогикалық –психологиялық қолдау көрсету, өзіне деген сенімділіктерін арттыру.

Психолог сөзі: Құрметті мектеп мұғалімдері! Сіздерді Ұстаздар күнімен құттықтай отырып, бүгін сіздермен«Білім берудің мазмұнын жаңарту жағдайында білім беру мен тәрбие үрдісін педагогикалық-психологиялық қолдау»шығармашылық тақырыбыма сай білім саласында жаңартылған білім беру мазмұнына көшуге байланысты тренинг өткізгелі отырмын. Бұл тренингтен сіздер өздеріңізге көп ақпараттармен қатар өз жұмыстарыңызға шабыт алады деп ойлаймын.

Қазіргі заман талабына сай латын әліпбиіне көшуді қолға алып жатқандықтан және мұғалім жан-жақты өзін дамытып отырғанда ғана үлкен жетістікке жететінін ескере отырып, бүгінгі тренингте бір-бірімізбен жапон әліпбиімен танысамыз.

1.Танысу: ағылшынша танысу

My name is Janar

2. Жаттығу «Қар қиыршықтары»

Нұсқау: Ақ қағазды алып ортасынан бүктеймізде, оң бұрышын жыртып аламыз.Тағы да бүктеймізде оң жақ бұрышын жыртып аламыз.Осылайша мүмкіндігінше жалғастырамыз. Енді барлығымыз өзіміздің қар қиыршықтарымызды ашып қараймыз.

Психолог сөзі: Байқап қарасаңыздар, әрқайсысыңыздың қар қиыршығыңыз әртүрлі болып шықты. Бұл дегеніміз айтылған тапсырма бірдей болғанымен, әр адамның қабылдауы әртүрлі. Сондықтанда қазіргі жаңартылған білім беру мазмұнына көшуде әр мұғалімнің ойы, пікірі көзқарасы әртүрлі. Сіздер өздеріңіз алған білімге толық қанағаттанып, әрқайсысыңыз өз алған білімдеріңізбен жұмыс жасап, өздеріңізге толық сенген адам ғана жеңіске жететінін ұмытпаңыздар.

3-тапсырма «Формативті және суммативті бағалау»

Жаңартылған білім беру мазмұны бойынша оқушыларды бағалаудада өзгерістер болып жатыр. Енді сол бағалаулар арқылы біз өзімізді формативті және суммативті бағалау бойынша бағалайықшы.

Формативті бағалау бұл күнделікті бағалаудеп аталады.Яғни біз өзімізді 3 күн бойы қалай бағаладық? Соған жауап берелікші.

1 күн- Әйел

2 күн-Ана

3күн-Мұғалім дәл қазір өзімізді өзіміз бағалап айтайық.

Формативті бағалау арқылы бағаладық.

Енді өзімізді суммативті бағалайық.

1 айдан кейін Мен қандай боламын?

4-тапсырма «Блум таксономиясы бойынша бұл өмірге, қызметіне ой шолу»

Мұғалімдер өз- өздеріне сұрақ қойып жауап береді.

Осы Блум таксономиясы бойынша әр мұғалімге өзінің өміріне, қызметіне байланысты білген , түсінген, қолданған, талдаған, жинақтаған және бағалағантәжірибелерімен ой бөлісу ұсынылды.

5-тапсырма «Даралықтан- даналыққа»

Әр мұғалім өздеріне ұнаған даналық сөздерді таңдап, өз ойларымен бөліседі. Мұғалімдерге осы даналық сөздер бойынша жігерлендіру сөздері айтылады.

1. Нағыз өмір- үйреншікті жылы аймақтан шыққанда басталады.

2. Дамудың болмауы құлдырауға әкеп соғады.

3. Біреуді өзгереді екен деп ешқашан үміттенбе. Өзгерісті ылғи өзіңнен баста.

4. Өмірде өзгені емес, өзіңді басып озуға ұмтыл.

5. Ешкім сізден ақылды емес, тек олар сәл ертерек бастаған.

Кері байланыс: «Бір сөзбен әдісі»

Мұғалімдерге 12 сөз жазылған парақша таратылады. Сол парақшаға тренингтен алған әсерлерімен бөлісіп, өздерінің жүрегіне жақын болған сөзді таңдайды.

Төзімсіздік. Ашу. Қуаныш. Немқұрайлылық. Қанағаттану. Шабыт. Зерігу. Алаңдау. Тыныштық. Сенімділік.

Қорытынды.Психолог сөзі:Бір дана келе жатса, алдынан тас тиелген ауыр арбаны итеріп келе жатқан адамды кездестіреді. «Сен не істеп келе жатырсың?»- деп сұрайды дана одан. Ол: «Көрмей тұрсың ба, мына қарғыс атқыр арбаны сүйреп келемін», - деп жауап береді. Алдынан екінші арбаны сүйреген кісі шығады. Сондай сұраққа ол «Не істейін ойнап жүрген жоқпын, ақша табудың амалын жасап жүрмін»,- дейді. Тап сондай арбамен үшінші адам келеді. «Ал сен не істеп келесің?» деген сауалға ол: «мен ана тұрған қасиетті мешітті салып жатырмын» - деп қуана жауап беріпті. Барлығының да салып жатқандары мешіттің құрылысы екен деп айта келе мұғалімдерге ұстаздық жолында шаршамай, талмай балаға деген риясыз көңілмен жұмыс жасауларына шығармашылық табыс тіледі.