Ұстaз-ұлық емес,ұлы қызмет

«Ұстaз-ұлық емес,ұлы қызмет»

Кемел азамат үш түрлі жағдайда үш түрлі кейіпте болады:
алыстан көрсең – тәкаппар, айбынды,
жақыннан көрсең – ізетті, мейірбан,
өзін тыңдасаң – тура, қатқыл.
Конфуций.

Иә, Аягүл Төреқызы дегенде жалпы жұрт ол кісінің ұстаздық образын елестетеді. Оның еңбекқорлығын, оның әр оқушыны танитынын, 1-11 сынып оқушыларының барлығының атын атай алатынын, оқушының ата-аналарына өз балаларын ұлықтап танытуын, білім сайыстарына кеткен оқушыны баптап, рухтандырып, жүректеріне сенім орнатып жіберуін, т.б. ондаған, жүздеген қасиеттерін көріп жүрген жандар біледі, айтады.«Ұстаз-ұлық емес,ұлы қызмет» Қазіргі дамыған жаһандану заманында мамандық түрлері өте көп.Бірақ, солардың ішінде мейірімділікті, ұлтжандылықты,шеберлік пен ептілікті, білімділікті,жан-жақтылықты,үнемі ізденісті талап ететін ұстаз мамандығы сияқты мамандық кемде-кем шығар. Нағыз ұстаз атана білу,оны мақтан тұту,қадірлеп,қастерлеу –әр мұғалімнің борышы. Кез-келген жерде сыйлы қонақ,ақылшы,кеңесші болып жүретін, педагогика саласында болып жатқан өзгерістердің ортасынан табылып,өз үлесін қосып келеді. Өз пәні бойынша бірнеше оқулықтардың,дидактикалық,әдістемелік,электрондық құралдардың авторы,сондай –ақ білім саласынан бөлек қоғамдық өмірге тікелей араласып,өз тәжірибесімен,еңбек жолымен бөлісіп, кейінгі ұрпаққа,жас мамандарға үлкен өнеге,өшпес мұра қалдырып келеді. Аягүл апай сынды ұстаздарымыз барда жас өркеннің болашағы жарқын болатынына мен кәміл сенемін.Ұстаздар еңбегі өлшеусіз деп тегін айтылмаған. Білімі мен бойларындағы барлық жақсылықты оқушыларына беретін мұғалім ғана жақсы тәлім-тәрбие беріп, шәкірттерін «Білім» деген үлкен теңізде жүздіре алады. «Өмір » деген үлкен болашаққа бағыт-бағдар беріп, дұрыс жолды таңдауға септігін тигізе алады. Оқушыларының бойына біліммен бірге адамгершіліктің нұрлы сәулесін құйып, бар жақсылыққа баулиды. Міне, ұстаз дегеніміз-балалар әлемінде тынбай еңбек етіп, балаға оларға тәрбие беру жолында өз өмірін, күш- жігерін ұсынған жан.