Авторы:Арипбаева Сандуғаш Джалдасбековна

Жамбыл облысы Жамбыл ауданы Гродеково орта мектебі жанынан ашылғын «Ақерке» шағын орталығы:

Вариативтік компонент: Ертегілер елінде

Тақырыбы: «Шалқан» ертегісі

Мақсаты:

Білімділік: «Шалқан» ертегісі туралы мағлұмат беру, шалқанға түсінік беру.

Дамытушылық: «Шалқан» ертегісіне сахналық қойылым көрсету.

Тәрбиелік: «Шалқан» ертегісін көрсете отырып, балаларға бір отбасының татулығын, бірліктерін көрсету.

Көрнекіліктер:  Шалқан ертегісінің кейіпкерлері фетрден жасалған. Ширма                                                                                         

Ұйымдастыру кезеңі:   Бүгінгі сахналайтын ертегіміз «Шалқан» ертегісі. Ролдерде ойнайтындар:
Атай: Жайлхан Ринат
Әжей: Сейтен Ақниет
Немере қызы: Аменгелді Рамина
Күшік: Сейлхан Төреғали
Мысық: Дурсунов Ислам
Тышқан: Оразалы Алихан
Автор: Ерте ерте ертеде, ешкі жүні бөртеде шал мен кемпір болыпты.
Бір күні атай шалқан екті де:
Атай: - Өс, шалқаным, тәтті боп өс! Өс, шалқаным, мықты боп өс!
Автор: Күндерден күн өтті, айлардан ай өтті. Шалқан өте үлкен, мықты болып өсті. Атай шалқанды әрі тартқылайды, бері тартқылайды, жұлып ала алмайды. Сөйтіп атай көмекке әжейді шақырады.

Атай:Кемпірім,кемпірім келіп көмектес.
Әже: Мен көмекке келдім.
Автор: Әжей атайдан, атай шалқаннан тартып, жұлып ала алмайды.
Әже: - Атасы, екеуміздің осыған күшіміз жетпейтін сияқты. Көмекке қызымызды шақырайық.Қызым,қызым келіп бізге көмектес

Автор: Сөйтіп көмекке қызын шақырады.

Қызы әжесінен, әжесі атайдан, атай шалқаннан ұстап тартады. Алайда еш нәтиже болмайды.
Қызы: - Бізге көмекке тағы біреу керек сияқты. Мен күшігімді шақырайын.Күшігім,күшігім келіп бізге көмектес.
Автор: Қызы көмекке күшігін шақырады. Күшігі қыздан, қыз әжесінен, әжесі атайдан, атай шалқаннан ұстап тартқылайды. Бірақ тағы да жұлып ала алмайды.
Күшік: Қанеки, біз көмекке мысықты шақырайық. Мысығым, мысығым келіп бізге көмектес.
Автор: Күшік мысығын шақырады. Мысық күшіктен, күшік қыздан, қыз әжейден, әжей атайдан, атай шалқаннан ұстап әрі тартқылайды, бері тартқылайды. Тағы жұлып ала алмайды.
Мысық: - Менің ойымша бізге тағы да көмек керек сияқты. Тышқан, тышқан бізге көмектесші.
Автор: Барлығы бірге шалқанды тартады. Сол кезде шалқанды жерден жұлып алады.
Әжей шалқанды қосып тамақ пісіреді. Бәрі тағамнан дәм татады. Тышқан тамақты жеп отырып, былай дейді:
Тышқан: - Бұл тағам өте дәмді екен. Егер келесі жолы тағы көмегім керек болса, мені шақырыңдар дейді.Бәрі бір дастарқан басында отырып

мәз-мейрам болады.

Саусақ жаттығуы: "Достық" жаттығуы.

Біздің топта ұлдар мен қыздар өзара дос (қолдың саусақтары өзара бірігеді)

Кішкентай саусақтар біз сенімен достасамыз (екі қолдың саусақтарын

бір-біріне тигізу)

Бір,екі,үш,төрт,бес( шынашақтан бастап, саусақтарды кезекпен бір-біріне тигізу)

Қайтадан санауды бастаймыз.

Бір,екі,үш,төрт,бес

Дидактикалық ойын: «Сиқырлы суреттер?» ойыны. 

Ойынның мақсаты: Балалардың логикалық ойлау қабілетін,ес,зейін,қабылдау процесстерін дамыту

Ойынның  құрал-жабыдықтары: «Шалқын» ертегісінің суреттер бөлінділері              

Ойынның мазмұны:Балалар алдарындағы үлгі бойынша бөлінділерден «Шалқын» ертегісінің суретін құрайды.

Қорытынды: Балаларды  мақтау, мадақтау. Сау болыңдар!