№31 «Күншуақ» мектепке дейінгі ұйымы

Тақырыбы: «Заманауи тәрбиеші»

(Эссе)

Тәрбиеші: Бақтыбаева М.Р

2021жыл

Мен Бақтыбаева Мөлдір Рзағұлқызы 1992 жылы 10 шілдеде Әйтеке би ауданы Ақкөл ауылында дүниеге келдім. Балалық шағым Ақкөл ауылында өтті. 1998 жылы алғаш мектеп табалдырығын аттап, Абай атындағы орта мектепте оқып білім алдым. Ең алғаш қолыма қалам ұстатқанҮнзила апайдан білім алған едім. Мектепті 2010 жылы «жақсы» деген бағамен бітіріп, Ақтөбе қаламсына оқуға түстім. Мамандығым тәрбиеші яғни, мектепке дейінгі оқыту және тәрбиелеу мамандығы. Тәрбиеші мамандығын таңдаған себебім: бұл менің бала кезіндегі арманым еді. Бала кезімде тәрбиешілерге қызығушылықпен қарап, тамсанушы едім. Міне, сол бала күнгі арманым орындалып , тәрбиеші мамандығын алып отырмын. Білім беру саласында қызмет еткендіктен алға қойған мақсатым- тәрбиеленушілерімді заман талабына байланысты тәрбиелеу. Ол үшін мамандығымызды шыңдай түсуіміз қажет. Тәрбиеші үнемі ізденісте болуы қажет. Сонымен қатар тәрбиеші мамандығы жан-жақты, ізденісті шеберлікті, икемділікті, тұрақтылықты, бауырмашылдықты, мейірімділікті қажет етеді. Сонымен қатар бүгінгі заманауи тәрбиеші тек қана кәсіби жетіліп қана қоймай, үнемі шығармашылықпен де айналысып отыруы керек. Ал шығармашылықпен жұмыс жасау үшін,кәсіби біліктілігін, яғни семинар, конкурстарға қатысқанымыз дұрыс.Тәрбиеші өздерінің кәсіби шеберлігі, біліктілігі, құзыреттілігі арқылы баланың бойына сіңірте біледі. «Егер бала бір нәрсеге ұмтылса, сол нәрсеге баланың денесі, жаны, ақылы,сезімі, қайраты-бәрі бірге жұмсалады.», дей келе, «ақыл, ішкі, сезім, қайрат қатынасатын болғандықтан үшеуін бірдей тең тәрбие қылу-тәрбиешінің міндеті»- деген ойды М.Жұмабаев анық айтып көрсеткен. Менің ойымша заманауи тәрбиеші:

-жаңа заман сұранысына байланысты оқу процесін түрлендіріп, жаңа әдіс-тәсілдерді меңгерген, жаңа жұмыс жасай білуге қабілетті, жан-жақты жаңа технологияларды меңгерген тәрбиеші болуы қажет.

«Ұстаздық еткен жалықпас, үйретуден балаға» деп Абай атамыз айтып кеткендей тәрбиеші мамандығы үнемі ізденістегі мамандық. Заманауи тәрбиеші- ізденуші, зерттеуші, технолог, өнертапқыш. Сондықтан да ол шығармашылықпен жұмыс істейтін жаңа формацияның жаңашыл ұстазы болуы керек.

Қорыта келе, заманауи талаптарға сай қызмет істеу үшін ең алдымен тәрбиеші өзінің теориялық, практикалық білімі үнемі жеткілікті,

сезімтал, ұшқыр ойлы, шабытты болуы тиіс.