"Зерде" интелектуалды ойын

Сабақтың тақырыбы: «Зерде» ( ителектуалдық ойыны).  

 Сабақтың мақсаты:                                                                          

 а)ойын арқылы сыныпта алған білімдерін тереңдете түсу;

ә)ойын арқылы ойлау,есте сақтау қабілеттерін,ой-өрістерін дамыту;     

б) білімділікке,алғырлыққа,шапшаңдылыққа тәрбиелеу.

І.Кіріспе:

Құрметті ұстаздар мен оқушылар ,қонақтар 3 б сынып оқушыларының  «Зерде» интелектуалдық сайысына қош келдіңіздер!

Білімменен тәнті етеді тектілер,

Мұратына білім қалды жеткізер.

Бар ізгілік тек біліммен алынар,

Білімменен аспанға жол салынар,- дей келе «Зерде» интеллектуалды ойынын бастайық

«Білекті бірді жығады, білімді мыңды жығады» демекші біз сайысымыздың қатысушыларын ортаға шақырамыз.

1-топ «Білімділер» олармен бәйгеге түсетін 

2-топ «Тапқырлар»

3 топ «Алғырлар» қарсы алдарыңызда!

Достық пен бірлікті етіп тұлға,

Жеңіске жеткен едің талай сында.

Қара қылды қақ жарып әділ қазым,

Еңбегін тапқырлардың әділ сына – деп әділ қазы алқаларын сайлап алайық

Сонымен бүгінгі біздің сайысымыздың әділ қазылар мүшелерімен таныс болыңыздар:

Мектеп директоры: Б.А.скакова

Оқу ісінің меңгерушісі: Э.С.Қабдолдаева

Бастауыш сынып мұғалімі: Р.А.Карижанова

Тәрбие ісінің меңгерушісі:Р.Баймухамбетова

 «Ақыл-арымас, Алтын-шірімес» дегендей бүгінгі ойында сендерге тек қана сәттілік тілеймін.Сонымен сайысымызды басталық.

 І.Кезен «Таныстыру»

Әр топ басшысы өз тобының мүшелерімен таныстырып шығып,ұрандарын бірігіп айтады.

«Білімпаздар» Білім басқа бітеді,қына тасқа бітеді.

«Тапқырлар» Оқыған -озар,оқымаған-тозар.

«Алғырлар» оқу инемен құдық қазғандай

Жарайсындар балалар!

Сайысымыздың ІІ-ші кезеңі :

«Білгенге-маржан» деп аталады.Бұл кезенің шарты артқа қарап тұрып сақа лақтыру, сол сақа түскен ұяшықта берілген сұрақтарға 1 минут ішінде лезде жауап беру керек.

Дұрыс жауап берсеңіздер1 ұпайға ие боласыздар.

Қызыл түсті ұяшықтың сұрақтары / қазақ тілі пәнінен/ 
1. Көп тілді білетін адам кім? (полиглот)
2. Дауысты дыбыстар қалай бөлінеді? (жуан, жіңішке, ашық, қысаң, еріндік, езулік)
3. Сөз таптарын атап бер (зат есім, сын есім, сан есім, есімдік, етістік, үстеу, шылау, одағай, еліктеу сөздер)

4.Сан есімнің сұрақтарын ата (неше? қанша? нешінші?)

5.Зат атын білдіретін сөздерді қалай атаймыз? (зат есім)

6.Қандай,қай? Сұрақтары қай сөз табына қойылады? (сын есім)

7.Етістік дегеніміз не?

8.Сөз құрамын ата (түбір, жұрнақ,қосымша)

9.Сөйлем мүшелері неше бөлінеді? (2 тұрлаулы,тұрлаусыз)

10.Тұрлаулы сөйлем мүшесін ата (бастауыш,баяндауыш)

11Зат есім қандай сөйлем мүшесінің қызметін атқарады? (бастауыш)

12Етістік қандай сөйлем мүшесінің қызметін атқарады? (баяндауыш)

13.Қай жағдайда бастауышпен баяндауыштың арасына сызықша қойылады? (бастауыш та, баяндауыш та зат есімнен болса )

14.Қазақ тілінде қанша дыбыс бар (40)

15.Қатаң дауыссыз дыбыстарды ата (қ,к,п,с,т,ф,х,һ,ч,ш,щ)

16.Ұяң дауыссыздарды ата (б, в, г, ғ, д, ж, з,)

17.Үнді дауыссыз дыбыстарды ата. (р, л, н, м, ң, й, (у))

Жасыл түсті ұяшық / математика пәнінен/

Математика керек әр күнге,
Математика керек әркімге.
Есеп қажет өмірде,
Есепсіз білім білім бе?!
1.Көбейтудің компоненттерін ата /көбейткіш,көбейткіш,көбейтіндінің мәні/

2. Ауылда 3күн, 3түн боран соқты. Неше тәулік боран болды? /3 тәулік/
3. 5 пен 7 –нің көбейтіндісі нешеге тең /35/

4. 48-нің 6 –ға бөліндісі /8 /

5.ең кіші екі таңбалы сан /10 /

6. ұзындық өлшем бірліктерін ата /мм,см,дм,км,/

7.ең кіші үш таңбалы сан /100/

8. көлемді қалай табамыз? / ұзындығын енін және биіктігін көбейтеміз/

9.жылдамдықты қалай табамыз? /қашықтықты уақытқа бөлеміз/

10. Таразы табақшасына 2 аяғымен тұрғанда тырна 2кг болады. Бір аяғымен тұрса, онда оның массасы қандай болады? /2 кг/

11.уақытты қалай табамыз? /қашықтықты жылдамдыққа бөлеміз/

12 ең үлкен үш таңбалы сан /999/

13. Бір бірімен жарысқа Төрт аю, бір арыстан Екі қой мен бір түлкі Бәрі нешеу кім білді?/сегіз/
14. қашықтықты қалай табамыз? / жылдамдық пен уақытты көбейтеміз/

15. ең үлкен екі таңбалы сан 99

16. Бөлудің компонентін ата /бөлінгіш, бөлгіш, бөліндінің мәні/

17. масса өлшем бірліктерін ата / гр,кг, ц, т./

Қара түсті ұяшық / дүниетану пәнінен/

1. Ата Заң қашан қабылданды? (1995 жылы 30 тамызда)
2. Тәуелсіздік күні ( 1991 ж 16 желтоқсанда)
3. «Алтын адам» Қайдан табылды (Есік обасынан (қорған))
4. Қазақстан қанша мемлекетпен шеттеседі (5 - Ресей, Қытай, Өзбек, Қырғызстан, Түркменстан)
5. Қазақстанда қанша облыс бар (14)
6. Қазақстанның негізгі пайдалы қазбаларын ата(көмір, тұз, алтын, хром,мұнай)
7. Астананы көшіру туралы шешім қай жылы қабылданды? 1997 жылы;

8. Қазақ тілі – мемлекеттік;

9. Республикада заң шығару ісімен: Парламент айналысады.

10.Әлем қазақтарының жалпы съезінің атауы: құрылтай

11.Қазақ хандығы қай уақытта құрылды. 15 ғасырда

12.Қай ханның кезінде қазақ тарихындағы алғашқы заң жинағы «Жеті жарғы» Тәуке хан

13.Атақты күрішші- Б)Ыбырай Жақаев

14.Қазақ жерін Жоңғарлардан түпкілікті тазарту жолындағы күресті кім басқарды? Абылай хан

15.Алтын адам қай жерден табылды? Есік қаласы

16.Үш жүздің басын қосып ,қуатты мемлекетке айналдырған қай хан? Тәуке хан

17.Тәуке хан өз төңірегінде Ұлы жүзден ..... .... ,Орта жүзден ................., Кіші жүзден ....................................... кеңесші ретінде қызметке тартты.

Сары түсті ұяшық / орыс тілі пәнінен/

Әр сөздің тек аудармасын айту.

1.папа –әке

2.мектеп – школа

3.мұғалім – учительница

4.дәптер – тертадь

5. кітап – книга

6. күнделік – дневник

7. күн – солнце

8. қарындаш- карандаш 
9. знания – білім
10. природа – табиғат 
11. ум – ақыл
12. воздух – ауа 
13.шеше-мама
14. небо – аспан 
15. сөмке-сумка
16. Родина – отан 
17. Мудрость – даналық

Қоңыр түсті ұяшық / әдебиеттік оқудан/

1. Ыбырай Алтынсарин кім?
2. 5 дос пен 5 дұшпанды ата.
3. Еңбек туралы мақал - мәтел айт.
4. Ертегілер қалай бөлінеді(қиял ғажайып, жан - жануарлар туралы, тұрмыс - салт)

5.Қазақтың атақты палуаны кім?(Қажымұқан)

6.Аңыз дегеніміз не?
7. Көкорай шалғын, бәйшешек............... үзінді қай шығармадан алынған? Жаз

8.Кешкі ауыл көрінісі қай шығармада берілген? Кеш

9.Жүн балақ сөзінің мағынасын тап. әлжуаз,әлсіз,ынжық

10.Шыбынсыз жаз мәтінінің авторы кім? С.Мұқанов

11.Дала өлеңінде ақын мына бірінші шумақты

Құшағын ашқан кең дала

Төсін ашқан анадай ........................... кімге теңейді? анаға

12.Б.Емельяновтың «Бүркіт» шығармасындағы бүкіл ауылдың аштықтан аман алып қалған не? қарт бүркіт

13.Мал шаруашылығына байланысты қандай шығармамен таныссың? Малсақ бала

14. Мәтін неше бөлікке бөлінеді үш

15.Қойшылар қойдың жүні арқылы нені болжаған ауа райын

16. Дала өлеңінің авторы кім? С.Сейфуллин

17.–Қой келді балам,

Қозы келді балам.......... үзінді қай шығармадан алынған? Малсақ бала

Көк түсті ұяшық / жалпы сұрақ /

Жалпы сұрақ
1. Қазақ халқының қасиетті сандарын ата(3, 7, 9, 40)
2. Үш Бәйтеректі ата. (Ілияс Жансүгіров, Бейімбет Майлин, Сәкен Сайфуллин)
3. Үш арсызды ата (күлкі, тамақ,ұйқы)
4. Бес арысты ата
(Ахмет Байтұрсынов, Міржақып Дулатып, Мағжан Жұмабаев, Шәкәрім Құдайбердіұлы, Жүсіпбеп Аймауытов)
5. «Жеті атаңды» білесің бе?
6. Қазақтың музыкалық аспаптарын ата (домбыра, қобыз,...)
7. Абайдың неше қара сөзі бар? (45+1)
8. Әнұранның авторларын тап бер. (Ж. Нәжмединов, Н. Назарбаев)
9. Сен неше жастасың?
10. Тұңғыш қазақ ғарышкері кім? (Тоқтар Әубәкіров)
11. Мектеп директордың аты жөні кім?

12.ең кішкентай құс

13. Ақпараттық құралдарды ата.

14.сынып жетекшіңнің аты жөнін ата

15.мектепте ең кіші жастағы оқушылар қай сыныпта оқиды.

16.Оқушылардың білім деңгейін анықтау тест,бақылау, диктант

17.Таң алдында шығатын жарық жұлдыз

ІІІ-кезең / логикалық математика курсы бойынша/

«Кім тапқыр?» бұл кезеңнің шарты:

Бұл кезең үш тапсырмадан тұрады.

А) Таяқшалармен тапсырмасы. Дұрыс жауап 5 ұпай

1 топ 5 таяқшадан 2 үшбұрыш құрастыр

2 топ 7 таяқшадан 3 үшбұрыш құрастыр

3 топ 5 таяқшадан бірдей 4 үшбұрыш құрастыр

Ә) Зейінге байланысты тапсырма дұрыс жауап 3 ұпай

Сайыскерлерге кемпірқосақ көрсетеді.Сайыскерлер кемпірқосақтың түстерін бір көргеннен естерінде сақтап қалулары қажет.30 секунттан кейін кемпірқосақты төңкеріп қояды. Топ мүшелері есте сақтаулары бойынша кемпірқосақтың суретін салады.

Б) Логикалық есептер.Дұрыс жауап 5 ұпай.

Суреттер бойынша есептерді шешу.

Логикалық математикадан тапсырмалар

IV-кезең «Сөз құрамақ» / Қызықты грамматика курсынан/

Бұл кезең екі бөліктен тұрады. Сіздерге жұмбақ жасырамын,соны тапсаныздар бірден 4 ұпайға ие боласыздар.

А) Жұмбақтың жауабын кестеден секіре отырып көрсету.

Беті көп,көзі жоқ.Тілі жоқ, сөзі дөп. (кітап)  

Сүйіп көрем оны мен ,Талай нәрсе үйренем (балапан)

4 жеңешем көйлегін, кезектесіп киеді. (Жылдың төрт мезгілі) не арнап өлеңдер жазған кім? А.Құнанбаев

Ә) «Сөзтуым» Кемпірқосақ сөзінен бірнеше сөз жаса

Б) сандарға қатысты 6 сөзді тап /1 минут ішінде/

V-кезең «Он саусақ »

Әр топқа бірнеше материалдар беріледі.Сол материалдардан бір зат құрастыру./3 минут ішінде/

1 топ. Кірпі құрастырады.

2 топ гүл жасау

3 топ ваза жасау

Сайыскерлердің қорытындысын шығарғанша көрермендерге викториналық сұрақ:
Шөпте қояндар тығылып отыр, тек 10құлағы ғана көрініп тұр. Қанша қоян тығылып отыр?
Отбасында жеті қыз және әр қайсысында бір-бірінен інісі бар. Отбасында неше бала бар? /8/
Астана қай өзеннің бойында орналасқан?
Өсімдік мүшелерін ата?
Осыменен біздің сайысымыз ақтық мәреге жетті.Қазылар алқасы өз шешімдерін талқылағанша біздер менен сіздер болып

«Дос болайық бәріміз» әнін орындайық.

Қазылар алқасына сөз беріліп,марапаттаулар болады.