6 сынып

Мұғалім аты-жөні: Каримбаева Айгуль Бигамбетовна

Мерзімі 20.01.2017ж

«С.Сейфуллин атындағы гимназия» КММ

«ЗЕРДЕ» ИНТЕЛЛЕКТУАЛДЫ ТАНЫМДЫҚ ОЙЫНЫ

Мақсаты:

Оқушылардың география пәніне қызығушылығын арттыру, білімдерін қалыптастыру; Оқушылардың алғырлық, жылдамдық, тапқырлық, зияткерлік, сыни тұрғыдан ойлау, белсенділік сынды қасиеттерін дамыту; Өз бетінше ізденіспен шығармашылық тұрғыда жұмыс істеуге дағдыландыру. Өз ойларын еркін де сауатты, нақты жеткізу қабілеттерін арттыру.

Пәнаралық байланыс:

математика, бейнелеу, биология, дене шынықтыру

Қажетті материалдар

географиялық атлас карта, А3 форматы, түрлі- түсті қарындаштар, маркерлер, ермексаз, жетондар, желім,

Қымбатты  ұстаздар, оқушылар!  Бүгінгі  6- сынып оқушыларымен өткізілгелі отырған «ЗЕРДЕ» ИНТЕЛЛЕКТУАЛДЫ ТАНЫМДЫҚ ОЙЫНЫНА қош келдіңіздер!

«Қазір бой түзейтін заман емес, ой түзейтін заман» Н.Ә.Назарбаев

Көңілді тапқырлар, алғырлар,
Бар өнерін алдарыңа салады.
Кім білімді,көп оқыған болса егер,
Бүгінгі күн жеңімпазы болады.
Болсын дейміз жарысымыз жемісті,
Озып шықсын: кім білімді, кім күшті.
Жеңіп шығар әділдікпен жемісті,
Дейміз де, сайысымызды бастаймыз.- дей отырып, бүгінгі 6 сыныптар арасында болатын
«Зерде» атты интеллектуалды танымдық ойынын бастаймыз.

ОЙЫН ЕРЕЖЕСІ:

1.Таныстыру, үй тапсырмасы 2. «Кім жылдам?» ойыны 3.Координаталар әлемі. 4. Атаулар әлемі 5. Әріптер әлемі 6. Полиглот 7. «Құрастыру»

«Кім жылдам?» Әрбір топқа 5 сұрақтан қойылады, әрбір бір дұрыс жауап үшін 5 ұпай

1 топқа 1.Жер шары бетінің жалпы ауданы?
2. Әлемдегі көлемі бойынша ең үлкен арал?
3. Географияның атасы?
4. Жер қыртысының құрылымы нешеге бөлінеді? 5.Жердің су қабаты?

2 топқа 1. Нөлдік, яғни бастапқы меридиан қай қаладан басталады?
2. Материктік жер қыртысы қандай қабаттардан тұрады?
3. Ежелгі замандағы біртұтас материк?
4. Дүние жүзінде неше мұхит бар? 5.Жердің ауа қабаты?

1 топқа 1.Дүние жүзіндегі ең кіші материк?
2. Қай жылы Христофор Колумб Американы ашты?
3. Тау жыныстары нешеге бөлінеді? 4. Дүние жүзінде неше материк бар?
5.Жердің тас қабаты?

2 топқа 1. Жердің ішкі құрылысы неден тұрады?
2.Дүние жүзін тұңғыш айналып шыққан саяхатшы?

3. Көлемі бойынша ең үлкен материк?
4. Мұхиттық жер қыртысында қандай қабат болмайды?

5.Жердің тіршілік қабаты?

«Координаталар әлемі» Географиялық координаталарды анықтау әрбір топ белгілі бір материктерді таңдау арқылы жүзеге асады. әрбір бір дұрыс жауап үшін 10 ұпай.

Еуразия.
1. Калькутта қаласы 22° с.е, 89° ш.б
2. Фудзияма жанартауы 36° с.е, 139° шб
3. Қарағанды қаласы 49° с.е, 73° ш.б

Солтүстік Америка.
1. Мак-Кинли тауы 63° с.е, 151° б.б
2. Нью-Йорк қаласы 41° с.е, 74° б.б
3. Шаста жанартауы 42°с.е, 121° б.б

Оңтүстік Америка.
1. Аконкагуа тауы 32° о.е, 70° б.б
2. Рио-де –Жанейро қаласы 22° о.е, 43° б.б
3.Руис жанартауы 5° с.е, 76° б.б

Африка.
1. Марра тауы 13° с.е, 25°ш.б
2. Аддис-Абеба қаласы 10° с.е, 39°ш.б
3. Килиманджаро жанартауы 3° о.е, 38° ш.б

«Әріптер әлемі» Алдарыңызға ретсіз орналасқан бірнеше әріптер ұсынылады. Сол әріптерден сөз құрау керек, дұрыс тапқан үшін 10 ұпай алады.

1.АВЗРЯИАЛ – ЛАВРАЗИЯ 2.ЛАМГЕЛНА- МАГЕЛЛАН 3 ТАРКА- КАРТА 4.МТУЗИА - АЗИМУТ 5.ҰШҢЫҒМА- ШҰҢҒЫМА 6.ТСААШМБ - МАСШТАБ

1.ТВОЭРАК- ЭКВАТОР 2.СЛОГБУ- ГЛОБУС 3. ТАОКРОИДАН- КООРДИНАТА 4. ИАНМЕДРИ- МЕРИДИАН 5. АЛЛЬЛЕПРА- ПАРАЛЛЕЛЬ 6. ЯМИТАН- МАНТИЯ

«Атаулар әлемі»

«Географиялық эстафета» «Түбектер», «Шығанақтар», «Аралдар», «Бұғаздар» алдын- ала дайындаған атаулар кесінділерін арнайы бөлінген топтарға орналастыру. 5 минут ішінде неғұрлым көп географиялық нысандарды тапса, сонша ұпай алады. 1 дұрыс табылған атау5 ұпай

1- топ«Түбектер», «Шығанақтар» 2-топ«Аралдар , «Бұғаздар»

«Түймедақ» ойыны "

«Географиялық ассоциация" Оқушыларға әр түрлі ұғымдар беріледі, соларды саралап қарап қандай географиялық ұғымды білдіріп тұрғанын табулары керек. Ойлануға 30 секунд, әрбір дұрыс жауапқа 5 ұпай. Әр топ өз түймедақ гүлін құрастырады. Ойынға шақырылған топтың мүшесі бір күлтесін алады да, сұрағын дауыстап оқып сол бойда жауап береді, жауап бере алмаса, топ басшысы көмекке келеді. Оқушы өзі тапса 10 ұпай, көмекпен тапса 5 ұпай алады.

1.Толқын, қауіп - қатер, жылдамдық, апатты құбылыс, жер сілкіну. Цунами 2. Гренландия, Отты Жер, Мадагаскар, Хонсю Аралдар 3.Атлас, Аппалач, Анд, Карпат. Таулар 4.Мұхит, мұз, тау, "Титаник", қауіп-қатер Айсберг 5. Гольфстрим, Солтүстік Атлант, Бразилия

Жылы ағыстар 6.Тынық, Атлант, Үнді Мұхит

1.Тау, су, гүрілдеу, ғажайып көрініс, жыра

Сарқырама

2.Гвинея, Бискай, Парсы. Шығанақтар

3.Ганг, Евфрат, Хуанхэ, Дунай Өзендер

4.Ла-Манш, Беринг, Гибралтар Бұғаздар

5.Игуасу, Анхель, ВикторияСарқырамалар

6.Байкал, Балхаш, Зайсан Көлдер

«Полиглот» «Пазл жинағы»

Әр топ өзіне берілген пазлды құрастырады. Пазлды дұрыс жинаса, пазлда әртүрлі атаулар ағылшын тілінде берілген, соларды анықтап географиялық атауларды қазақшаға аудару. Пазлды жинау 5 минут 10 ұпай және әрбір дұрыс тапқан сөздер үшін 5ұпай беріледі.

Bay - Шығанақ

Sea- Теңіз

Earth- Жер

Mountain- Тау

Island - Арал

Peak - Шың

Ocean - Мұхит

Lake- Көл

Stream - Ағыс

Swamp - Батпақ

«Құрастыру»

«Жанартау» мен «Жердің құрылысы» модельдерін жасау ұсынылады. Модель жасауға ермексаз, бояу қарындаштар мен фломастерлер қолданылады:

Модель жасау кезінде оқушылар бір жағынан көзімен көріп қабылдаса,екінші жағынан модель жасаған кезде олардың өз беттерінше шығармашылық жасауында.

«Келешек-білімді ұрпақ қолында» екендігін Елбасымыз халқына Жолдауында атап көрсеткен болатын. Еліміздің ертеңі, тәуелсіз Қазақстанның кемел  болашағын келешекке жеткізер осынау озық ойлы ұрпағы бар елдің жалауы ешқашанда еңкеймек емес.  Алдағы уақытта да тек қана биіктерден көріне бер деген ізгі ниетпен біз «Зерде» интеллектуалды ойынымызды аяқтаймыз. Біздің білімдегі жеткен биіктеріміз бен қуаныштарымызға ортақ болған барлығыңызға да тек қана сәттілік тілейміз! Қорытындылау. Жеңімпазын анықтау. Марапаттау.