Қазіргі кезеңде техникалық және кәсіптік білім беру жүйесі ел экономикасының нақты сұранысына жауап беретін кадр даярлаудың негізгі алаңына айналды. Мемлекет басшысы Қасым-Жомарт Тоқаев жариялаған «Цифрландыру және жасанды интеллект жылы» білім беру саласына жаңа мазмұн, жаңа талап және жаңа жауапкершілік жүктейді. Бұл бастама – тек технологиялық жаңғырту емес, ол басқару мәдениетін, педагогикалық ойлауды және кадр даярлау философиясын қайта қарауды қажет ететін кешенді үдеріс.