Қазіргі уақытта білім беру жүйесі Қазақстан патриоттарын, құқықтық демократиялық және әлеуметтік мемлекет азаматтарын тәрбиелеуді қамтамасыз етеді. Рухани-адамгершілік тәрбие кез- келген мемлекет пен халыққа қажет. Алайда, бұл тәрбие әдептілік пен өнеге көрсету арқылы жүзеге асырылуы және адамгершілікке баул у ерте жастан басталуы тиіс. Мектепке дейінгі жас шығармашыл тұлғаны, мінезді қалыптастырудың айрықша кезеңі болып табылады.

Бүкіл білім беру жүйесін қайта құру процесі мектепке дейінгі тәрбие мен оқытуды ұйымдастыруға жоғары талаптар қояды және бұл процеске жаңа, тиімдірек психологиялық-педагогикалық тәсілдерді іздеуді күшейтеді. Мектепке дейінгі білім беруді дамыту және оның жаңа сапалық деңгейге көшуін инновациялық нысандарды, әдістерді, құралдарды және инновациялық технологияларды дамытпай жүзеге асыру мүмкін емес. Бағдарлама «Мектепке дейінгі тәрбие мен оқытудың, бастауыш, негізгі орта, жалпы орта, техникалық және кәсіптік, орта білімнен кейінгі білім берудің мемлекеттік жалпыға міндетті стандарттарын бекіту туралы» заңға (Қазақстан Республикасы Оқу-ағарту министрінің 2022 жылғы 3 тамыздағы № 348 бұйрығы.), «Бала құқықтары туралы конвенцияға» және отандық ғалымдардың әзірлемелеріне сәйкес құрастырылған.