Ұлы Отан соғысынан кейінгі жылдары халықтың әлеуметтік тұрмыс жағдайы төмен дәрежеде болды. 1947 жылы желтоқсанда карточкалық жүйе мен республика еңбекшілерін азық-түлікпен және өнеркәсіп тауарларымен мөлшерлі қамтамасыз ету жойылды.1946 жылы КСРО-ның бірқатар аудандарын ашаршылық жайлады. 1939-1959ж аралығында Қазақстанда демографиялық дағдарыс орын алды. Кеңес үкіметінің көші-қон саясатының салдарынан, қазақтардың өз жеріндегі үлесі Қазақстан халқының 1/3-ін құра алмаған нашар жағдайға түсті. 1950ж бастап бірқатар жүргізілген әлеуметтік шараларға байланысты 1960-1962 жылдары «демографиялық жарылысқа» әкелді.