Ақпараттық мәтін ұғымына тоқтала кетсек, ақпараттық мәтін – белгілі бір тақырып бойынша нақты деректерді, фактілерді, хабарламаларды немесе мәліметтерді бейтарап түрде жеткізетін мәтін түрі. Мұндай мәтіннің негізгі мақсаты – оқырманды ақпараттандыру, түсіндіру және хабардар ету. Ақпараттық мәтінде автордың жеке көзқарасы мен эмоциясы аз көрінеді, басты назар шынайы ақпаратқа аударылады. Ақпараттық мәтіндер ғылыми стильге, ресми-іскерлік стильге немесе публицистикалық стильге жақын болуы мүмкін. Олар логикалық жүйелілікпен, дәлдікпен және нақтылықпен ерекшеленеді.