Бүгінгі таңда білім беру жүйесінің басты мақсаттарының бірі – оқушылардың бойында ұлттық сана-сезімді, ұлттық рухты қалыптастыру. Бұл тұрғыда әрбір пән мұғалімі өз сабағы барысында ұлттық құндылықтарды дәріптеп, оны пән мазмұнымен шебер ұштастыра білуі қажет. Әсіресе, нақты ғылымдардың бірі – математика сабағында ұлттық құндылықтарды қолдану – оқушылардың пәнге деген қызығушылығын арттырып қана қоймай, олардың дүниетанымын кеңейтеді, туған еліне деген сүйіспеншілігін арттырады.