Сабақтың тақырыптық негізгі жаттығуларын көрсетіп түсіндіру. Допты тоқтату. Допты тоқтату ойыншының допты өзі меңгеруіне және допты беру, алып жүру, қақпаға соғу секілді алдағы ойын іс- әрекеттерін жалғастыруына мүмкіндік береді . Допты тоқтату кезінде ең бастысы – ол ойыншының аяғынан кері серпіліп кетпеуі. Домалап келе жатқан допты табанның ішкі жағымен тоқттқанда дененің салмағы тірейтін аяққа түседі. Тоқтататын аяқ шамалы ғана ілгері шығарылады да , допқа тиген мезгілде тірейтін аяқ деңгейіне дейін кейін шегеріледі. Доптың инерциялық күші азайып, тоқтатылады. Ұшып келе жатқан допты аяқ жетпейтіндей жағдайда кеудемен тоқтатып , жерге түскен соң әрі қарай аяқпен теуіп алып кете береді.