Шығармаларының негізгі тақырыбы – адамгершілік, мейірім, махаббат бір сӛзбен айтқанда адами асыл құндылықтар. Қаламгердің қай туындысын оқысаңыз да терең ой тұңғиығына бойлайсыз. Мәселен «Адам баласы білмейтін үш нәрсе» әңгімесі. Жазушы аталмыш шығармада адамзаттың асылдығының, адамдығының негізі пенденің бір-біріне деген мейірім танытуында, махаббаты мен қамқорлығында екенін жеткізеді. Адам баласы бойындағы осы бір мейірімділік, махаббат сынды адал да асыл қасиеттерімен тірі, осы құндылықтарымен тірі. Қаламгер шағын ғана әңгімесі арқылы адамзатты ӛз жүрегіне үңілуге, асыл болмысына дақ түсірмеуге насихаттайды.