Математика сабағы тек теориялық білім берумен шектелмей, оқушылардың шешім қабылдау, логикалық ойлау, есептеу дағдыларын дамытуға бағытталған. Сол мақсатта қолданбалы есептер жинағы маңызды рөл атқарады. Мұндай жинақ оқушыларға тек формулаларды жаттаудан гөрі, нақты өмірлік жағдайлармен байланысты есептерді шешу арқылы пәнге қызығушылықты арттыруға мүмкіндік береді. Қолданбалы есептер оқушылардың практикалық ойлау қабілетін, логика мен математикалық сауаттылығын дамытуға бағытталған. Сонымен қатар, олар оқушыны зерттеуші және шешім қабылдаушы тұлғаға айналдыруға ықпал етеді.

Қазіргі білім беру жүйесінің басты міндеттерінің бірі – оқушыларды ХХІ ғасыр талаптарына сай даярлау. Цифрландыру мен жасанды интеллекттің (ЖИ) дамуы мұғалімдердің оқыту әдістемесіне жаңа көзқарас қалыптастыруды қажет етеді. Осы тұрғыда математика пәні жасанды интеллекттің теориялық негізін құрайтын басты пән ретінде ерекше маңызға ие.