«Жәндіктер әлемінің пайдасы» элективті курсы – бастауыш сынып оқушыларына жәндіктердің табиғаттағы маңызды рөлін таныстыруға арналған бағдарлама. Курста оқушылар жәндіктердің адам өміріне және экожүйеге тигізетін пайдасын ғылыми-танымдық деңгейде меңгереді. Түрлі жәндіктерді бақылап, олардың топырақ құнарлығын арттыру, тозаңдандыру, табиғатты тазарту сияқты қызметтерін тәжірибе арқылы зерттейді. Өз ойларын дәлелдеп айтуға, зерттеушілік дағдыларын дамытуға үйренеді. Бағдарлама оқушылардың экологиялық мәдениетін қалыптастыруға, табиғатқа жанашырлықпен қарауға бағытталған.