Қазіргі таңда ұлттық құндылықтарды жас ұрпақтың бойына сіңіру – білім беру жүйесінің маңызды бағыттарының бірі. Музыка сабағы – оқушылардың рухани дүниесін байытып, ұлттық сана-сезімін қалыптастыратын қуатты құрал. Ән, күй, терме, жыр сияқты ұлттық музыкалық мұралар арқылы оқушылар туған жерге, халқына, мәдениетіне сүйіспеншілікпен қарауды үйренеді. Сондықтан бұл әдістемелік құрал мектептегі музыка сабақтарында ұлттық құндылықтарды жүйелі және заманауи тәсілдер арқылы дәріптеуді көздейді.