Қазіргі таңда негізгі мектепте ағылшын тілін оқыту бірқатар өзекті мәселелермен бетпе-бет келуде. Олардың қатарына оқу-әдістемелік базаның жеткіліксіздігі, мұғалімдердің біліктілік деңгейінің әркелкілігі, оқушылардың мотивациясының төмендігі мен тілдік орта тапшылығы жатады. Сонымен қатар, оқу бағдарламасының шамадан тыс теорияға құрылуы мен коммуникативтік тәсілдердің жеткіліксіз қолданылуы да оқыту сапасына кері әсер етуде. Бұл мәселелерді шешу үшін жаңартылған білім беру мазмұнын тиімді енгізу, мұғалімдердің кәсіби дамуын тұрақты қамтамасыз ету, заманауи технологиялар мен интерактивті әдістерді кеңінен қолдану маңызды. Сондай-ақ, оқушылардың тілдік тәжірибесін арттыратын тілдік орта қалыптастыру – ағылшын тілін меңгерудің басты кілті болып табылады.

Бұл мақалада ағылшын тілін үйрену барысында мотивацияның рөлі мен оның негізгі түрлері қарастырылады. Сонымен қатар, мотивацияны қолдау және арттыруға бағытталған әдіс-тәсілдерге де тоқталамыз. Мотивация, жалпылама түрде, жеке тұлғаны белгілі бір мақсатқа жетуге ынталандыратын ішкі немесе сыртқы күш ретінде анықталады. Тіл үйрену контексінде мотивация оқу процесінің сапасы мен жетістігіне тікелей әсер етеді.