Менің таңдауым – әлеуметтік қызметкер мамандығына түсті. Жалпы ол қандай мамандық және қандай қызмет атқарады? Менің пайымдауымша, әлеуметтік қызметкер өмірлік қиын жағдайда жүрген адамдарға, мүмкіндігі шектеулі жандарға, өзіне қызмет көрсете алмайтын, біреудің көмегіне мұқтаж жандарға қол үшін созады.

Әлеуметтік қызметкер мамандығында мен қиын жағдайға тап болған адамдарға көмектесу мүмкіндігімді көремін. Әлеуметтік қызметкер проблемалардың нақты шешімдерін ұсынып қана қоймайды, сонымен қатар адамдар мен әртүрлі ұйымдар, мемлекеттік органдар және қоғамдық топтар арасында өзіндік көпір қызметін атқарады. Материалдық немесе заңгерлік көмек көрсету ғана емес, сонымен қатар эмоционалдық қолдау көрсету, адамның өз қиындықтарында жалғыз емес екенін көрсету маңызды.