Қазіргі заманғы мектеп білім беру жүйесі әрбір оқушының жан-жақты дамуына бағытталған. Бұл орайда «Эрудит» курсы оқушылардың интеллектуалдық қабілеттерін арттыруға, шығармашылық ойлауын дамытуға және жеке тұлға ретінде қалыптасуына ықпал етеді. «Эрудит» оқушыларға кең ауқымды білім алуға мүмкіндік береді. Курстың мазмұны әдетте пәндердің шеңберінен шығып, ғылым, өнер, тарих, әдебиет, математика және заманауи технологиялар сияқты әртүрлі салаларды қамтиды. Бұл оқушылардың жалпы эрудициясын арттырып, оларды әлемдік көзқарасы кең тұлға ретінде қалыптастырады.

4-сынып оқушыларына арналған «Эрудит» курсының авторлық бағдарламасындағы сабақтар мазмұнды және тиімді әдістемелік құрал болып табылады. Сабақ жоспарындағы материалдар оқушылардың математикалық қабілеттерін дамытып қана қоймай, шығармашылық тұрғыдан ойлауын жетілдіруге, пәнге деген қызығушылығын, білім сапасын арттыруға ықпал етеді.