Бұл мақалада басқару психологиясының өзекті бағыттарының бірі — эмоционалды күйді басқару мәселесі қарастырылады. Адамның ішкі сезімі мен сыртқы әрекетінің арасындағы тепе-теңдікті сақтау, оны тану және реттеу жолдары жан-жақты сипатталған. Авторлар эмоционалды күйдің жеке тұлғаның психологиялық саулығына, кәсіби дамуына және күнделікті қарым-қатынасына әсерін нақты мысалдар арқылы ашады. Мақалада Әл-Фараби атындағы Қазақ ұлттық университетіндегі «Басқару психологиясы» пәнінің аталған тақырыпты меңгерудегі рөлі баяндалған. Сонымен қатар, техникалық бағыттағы ғылыми жұмыс барысында эмоцияны басқарудың маңызы автордың жеке диссертациялық тәжірибесі негізінде көрсетіледі. Мақала эмоцияны саналы түрде басқарудың теориялық негізі мен практикалық маңызын үйлестіре отырып, заманауи тұлғаның дамуында шешуші рөл атқаратынын дәлелдейді.