Бұл мақалада «Қазақ тілі мен әдебиеті пәнін оқытудағы тиімді әдіс- тәсілдер» атты әдістемелік құралдың оқу үдерісінде қолданылуы маңызы туралы айтылады. Заманауи білім беру үрдісінде оқушының белсенділігін арттыру, шығармашылық қабілетін дамыту және тілдік құзыреттілігін қалыптастыру үшін оқытудың интерактивті, саралап оқыту, сын тұрғысынан ойлау технологиясы, топтық және жұптық жұмыс түрлері сияқты әдістердің тиімділігі көрсетіледі. Сонымен қатар, ақпараттық-коммуникациялық технологияларды, ойын элементтерін және жобалық оқыту тәсілдерін кіріктірудің сабақ сапасына оң әсері талданады..

Мақалада қазақ ұлттық руханиятының негізін қалаушы әрі ұлт ұстазы ретінде танылған Ахмет Байтұрсынұлының өмірі мен ғылыми-ағартушылық мұралары қарастырылады. Ахметтану саласындағы зерттеулердің негізгі бағыттары талданып, оның тіл білімі мен әдебиеттанудағы рөлі айқындалады. Сонымен қатар, мақалада 9-сыныптарда қолданылатын "Ұлт ұстазы — Ахмет Байтұрсынұлы" бағдарламасының әдіснамалық негіздері, мазмұны және перспективалары қарастырылған. Мұндай зерттеу қазақ тілді білім беру жүйесінде ұлттық көркемдік, рухани және ғылыми құндылықтарды қалыптастыруда маңыздылыққа ие.