Мақалада интернетке тәуелділік құбылысы (интернет-аддикция) және оның жасөспірімдер мен жастардың психологиялық, әлеуметтік және физиологиялық дамуына әсері жан-жақты қарастырылады. Интернетке тәуелділіктің анықтамасы беріліп, Кимберли Янгтің әдістемесі мен тесті негізінде тәуелділіктің түрлері мен негізгі белгілері сипатталған. Зерттеулер нәтижесінде интернетті ұзақ және тұрақты пайдалану жасөспірімдердің уақыт пен құндылықтық бағдарларын бұрмалап, әлеуметтік және моральдық нормаларды елемеу тәуекелін арттыратыны анықталған. Сонымен қатар, психофизиологиялық зерттеулер дофаминергиялық жүйеде және мидың «марапаттау» механизмінде өзгерістер болатынын, когнитивтік функциялардың икемділігінің төмендеуін көрсеткен. Мақалада интернетке тәуелділік себептері, тәуекел топтары және оның әлеуметтік-психологиялық салдары жүйелі түрде талданады, бұл құбылыстың қазіргі қоғамда өзектілігін дәлелдейді.