Мақалада психология ғылымындағы «резильенттілік» феноменінің мәні мен оны зерттеу бағыттарының эволюциясы қарастырылады. Шетелдік, ресейлік және қазақстандық ғалымдардың еңбектерін салыстыра отырып, автор резильенттіліктің тұлғаның күйзелістен кейін қалпына келу және бейімделу қабілеті ретіндегі мәнін ашады. Шетелдік зерттеулерде бұл ұғым тұлғаның бейімделу процесінің негізгі механизмі ретінде қарастырылса, ресейлік еңбектерде «өмірге төзімділік» және «өмірге қабілеттілік» ұғымдарымен ұштасады. Қазақстандық психологияда резильенттілік зерттеулері әлі бастапқы сатыда болып, әдістемелік бейімдеу жұмыстары жүргізілуде. Жалпы, мақалада резильенттілікті зерттеу психологиядағы өзекті және болашағы бар бағыт ретінде сипатталады.