1-сыныптың қабылдау әдісіне арналған ойын, тапсырмалар

Қабылдау әдісіне арналған ойын, тапсырмалар

1. Есте сақтау қабілетін анықтау

Суретті мұқият қара. Шаршылардағы үшбұрыштардың орналасуын есіңе сақта. Келесі бетке осы тапсырманы бұлжытпай орында.

2. Қабылдаудың тұтастығын тексеру.

Балаға таныс заттар бейнеленген суреттер ұсынылады. Оның әрбір суретке мұқият қарауы және жетіспей тұрған бөлікті атауы сұралады.

3. « Сөйлемдерді еске сақта» әдістемесі

Балаға сөйлемдер оқыңыз. Мысалы:

1. Күзде жаңбыр жауады.

2. Балалар ойнағанды жақсы көреді.

3. Бақта алма мен алмұрт өседі.

4. Аспанда самолет ұшып барады.

5. Бала өзінің әжесіне көмектеседі.

Баланың есінде қалған сөйлемін қайталауын сұраңыз. Бұл жерде ең бастысы – әр сөйлемнің мағынасын беру, сөзбе – сөз қайталау міндетті емес. Егер бірінші ретте бала барлық сөйлемдерді қайталай алмаса,оларды қайтадан оқыңыз.

4. « Фигураларды аяқта» қабылдау дәлдігін дамыту жаттығуы.

Балаларға аяқталмаған, сызықпен бейнеленген түрлі геометриялық фигуралардың суреттерін көрсетеді, бірақ олар аяқталмаған. Оны бланың аяқтауын өтінесіз.

5. Үлгідегідей суреттерді тап және оны айналдыра сыз.

Үлгі:

Қабылдау қабілетін дамытуға арналған ойындар

1. « Ине мен жіп»

Жүргізуші:

-Мен ине боламын, ал сендер жіпсіңдер.

-Сендер менің артымнан бір-бірлеріңнің белдерінен ұстап тұрыңдар. Қазір бәріміз алдымызда тұрған кедергілер арасынан үзілмей жүгіреміз. Кім жіпті үзсе, сол ойыннан шығады.

2. « Бұл қашан болады?»

Жыл мезгілдеріне байланысты суреттер көрсетіледі. Сол суреттер ішінен керек суретті көрсетіп әңгімелеп береді.

Кесте, құрал – жабдықтармен жұмыс

1. Айлардың аттарын ата.

2. Жыл мезгілін түстерге сәйкес ата.

3. Әр мезгілде неше ай бар?

4. Бір айда неше апта бар?

5. Қазір қандай жыл мезгілі және қандай ай?

3. « Кім қалай дыбыстайды?»

Ойынға қатысатын балаларды топтарға ( ит, тауық, жылқы) бөледі. Жүргізуші белгі берген уақытта ит тобындағы балалар итше үріп, дыбыстау керек. Дәл сол сияқты тауық, жылқы, мысық топтары да өз топ атауларын қорғап шығады. Соңында жүргізуші өзі белгі берген уақытта барлық топ бірдей өз дыбыстарын шығарады.

Есте сақтау қабілетін дамытуға арналған ойындар

1. «Төрт құбылыс»

Балалар шеңбермен тұрады. Жүргізуші «су» десе қолдарын алдарына созады «ауа» тдегенде жоғары көтереді, «от»- дегенде екі қолын айналдырады. «Жер»- дегенде қолдарын түсіредщі. Кім шатасса сол ойыннан шығады.

2. «Орныңды тап»

Балалар шеңберге тұрады. Әр бала өзінің жанындағы баланы есінде сақтап, қарап алуы керек, жүргізушінің бірінші белгісі бойынша, бөлменің жан-жағына тарап кетеді (белгі шапалақтау) . Екінші белгі бойынша шеңберге, бастапқыда қай орында, кімнің қасында тұрғанын есінде сақтап, қата шеңбер түзеді. Өзт орнын тапқан балалар мадкақталады, таба алмағандар ойыннан шығады.

«Сөзіңді есіңде сақта»

Тәрбиеші балаларға бірнеше қосарлы сөздерді оқиды. Балалар мұқият тыңдау ұсынылады. Бірінші сөзді тәрбиеші өзі айтады, балалар келесі сөзді есіне сақтап қайталайды. Осылайша қалған сөздерді түгел айтып шығу керек.

1. Көктем-жаңбыр.

2. Жаз-күн шықты.

3. Күз-тұман түсті.

4. Қыс-қар жауды.

5. Аспан-бұлт.

6. Су-балық.