9 сынып қазақ тілі Т1

2-ТОҚСАН БОЙЫНША ЖИЫНТЫҚ БАҒАЛАУ СПЕЦИФИКАЦИЯСЫ

Жиынтық бағалауға шолу

Ұзақтығы: 40 минут

Оқылым-15 минут

Жазылым-25 минут

Тыңдалым мен айтылым бөлек тексеріледі

Балл саны: 30

Тапсырмалар түрлері

КТБ- көп таңдауы қажет ететін сұрақтар

ҚТ-қысқа жауапты қажет ететін сұрақтар

ТЖ-толық жауапты қажет ететін сұрақтар

Жиынтық бағалаудың құрылымы

Тоқсандық жиынтық бағалаудың нұсқасы 3 компоненттен тұрады:

Біріншісі-тыңдалым, айтылым және әдеби тіл нормаларын, екіншісі- оқылым және әдеби тіл нормаларын, үшіншісі – жазылым және әдеби тіл нормаларын тексеруге арналған

Тоқсандық жиынтық бағалау тапсырмаларының сипаттамасы

«Қазақ тілі Т1» пәнінен 2-тоқсан бойынша жиынтық

бағалау тапсырмалары

Тыңдалым мен айтылым

Тапсырма

1. Тапсырманы жұппен орындаңыз. Көтерілген мәселені өмірмен байланыстырып, мақсатты аудиториясы мен көркемдегіш құралдардың рөлін талдап, өмірлік мәселелермен байланыстырып, өз көзқарасыңызды сыни тұрғыдабаға беріп айтыңыз.

Өз жұбыңызды мұқият тыңдап, оның мәтіні бойынша маңызды деп санайтын

2 сұрақ қойыңыз. Талқылауға, пікіріңізді білдіріңіз. [10]

1-мәтін

Дархан Қыдырәлі: Құрметті Қасым-Жомарт Кемелұлы, Сіздің Президент лауазымындағы алғашқы сапарыңыз киелі Түркістаннан бас­талды. Біз де сұхбатымызды осы игілікті сапар жайынан бастағымыз келіп отыр…

– Иә, мен үшін бұл елеулі, маңызды сапар болды.

Түркістан тек қазақ халқының ғана емес, күллі түркі жұртының қасиетті мекені. Түркістан – сан ғасырлық адамзат шежіресінің куәгері және өркениет жауһары. 

Тұңғыш Президентіміз – Елбасы Нұрсұлтан Әбішұлы Назарбаев та осы киелі топыраққа жиі ат басын бұратынын білесіздер. 

Меніңше, мұның бірінші себебі – халқымыз үшін аса қастерлі саналатын мекенге тәу ету және ата-баба аруағына, аманатына деген құрмет болса, екінші себебі – Ұлы дала еліндегі кешегі, бүгінгі мемлекетшілдік дәстүрге, эволюциялық даму сабақтастығына деген адалдықта жатыр. Мұндай сакральды ұғым-түсінік пен дәстүрге адалдық тек өркениетті, өсіп-жетілген ұлттың ғана қолынан келеді деп ойлаймын. 

Соның біздің заманымыздағы жар­қын бір көрінісі – Елбасымыздың Түр­кістан облысын құрғаны. Өңірге киелі мекеннің атын бере отырып, Тұңғыш Президент тарихи әділеттілікті қалпына келтірді, мемлекеттің іргесін мығымдап, жалпыұлттық сәйкестік пен береке-бір­лігімізді еселеп нығайтты. 

Дархан Қыдырәлі: Сіз күні кеше облыс әкімдерімен өткен кеңесте әкім­дерге халыққа жақын болуды, жұрт­ты мазалаған мәселеге жедел жауап қа­йыруды тапсырдыңыз. Жалпы, елді бір ғимаратқа жинап, алдын ала сұрақ­тар дайындатып, есеп беру деген фор­матты да өзгертетін уақыт келген жоқ па?

– Әкімдердің есеп беру форматының ескіргені, баяндамаларының жадағай цифрларға құрылатыны, шын мәнін­де халықты жалықтырды және жұрт­шы­лық­тың сеніміне селкеу түсіреді деп ойлаймын. 

Байқасаңыздар, біздің кейбір шенеу­нік­терімізге жетпей жататыны – қара­пайымдылық, адами қарым-қатынастар. «Әкім бол – халқыңа жақын бол» деп халық бекер айтпайды. Оларға осы сөз бойтұмар болуы тиіс. 

Ал біздің шенеуніктер халықпен кабинетінің немесе қызметтік көлігінің терезесінен ғана араласқанды қош көре­тіндей. 

http://www.akorda.kz/kz/special/speeches/internal_political_affairs/in_interviews/kazakstan-respublikasynyn-prezidenti-kasym-zhomart-tokaevtyn-respublikalyk-egemen-qazaqstan-zhane-aiqyn-gazetterine-suhbaty

2-мәтін.

"НҰР ӘЛЕМ" БОЛАШАҚ ЭНЕРГИЯСЫ МҰРАЖАЙЫ

ЭКСПО-2017 көрмесі мұрасының туристік аймағының ең маңызды нысаны, әрине, «Нұр Әлем» павильон-мұражайы болып табылады. Айта кетер болсақ, шетелдік БАҚ-та елордамыздың жаңа символы туралы жиі айтылады. «Болашақ энергиясы» мұражайы Париждің Эйфель мұнарасы, Лондонның «Шыны сарайы» іспетті белгілі нысанға айналды. Бүгінде «Нұр Әлем» туристердің ең көп баратын объектілердің бірі болып табылады. Астаналықтар мен қала қонақтары көңіл көтеріп қана қоймай энергия туралы бірегей білім алып, оның пайда болуы және пайдалану әдістерін біле алады. Сондай–ақ, «Нұр Әлем» сферасы 2017 жылғы қараша айында ерекше қорғалатын мемлекеттік сәулет объектісі болып танылды.«Нұр Әлем» павильоны 8 қабатты бірегей сфералық нысан. Тақырыптық тұжырымдамасы «Болашақ энергиясы» мұражайы ретінде ұсынылды.

https://expo2017astana.com/kz/page_id=40

Оқылым

Тапсырма

2. Мәтінді оқыңыз, сұрақтарға жауап беріңіз, берілген тапсырмаларды орындаңыз.

EXPO-2017: Болашақ энергиясын дамыту

Астанада EXPO-2017 халықаралық мамандандырылған көрмесін өткізу Қазақстан үшін маңызды жалпыұлттық жобалардың бірі болып табылады. Аталмыш кең көлемді іс-шараны ұйымдастыру бастамасы Елбасы Нұрсұлтан Назарбаевқа тиесілі. 2012 жылдың 12 маусымында Париж қаласында ХКБ-нің (Халықаралық көрмелер бюросы) 151-Бас Ассамблеясында Астана қаласының ресми таныстыру рәсімінің басында Қазақстан Президенті делегаттарға арнайы

бейне-үндеу жіберді. Өз сөзінде Нұрсұлтан Назарбаев Астананың жеңіске жетуі жағдайында жобаның сәтті жүзеге асуы үшін бар күш-жігердің жұмсалатынына кепілдеме берді. Астананың ұсынған тақырыбы – «Болашақ энергиясы»  – баламалы қуат көздері мен «жасыл» технологияларға арналған. 2012 жылдың 22 қарашасында халықаралық бюроның 161 мүше-мемлекетінің жасырын дауыс беруі нәтижесінде Астана қаласы  EXPO-2017 Халықаралық мамандандырылған көрмесін өткізу орны деп тағайындалды. Астананың өтінішін 103 мемлекет қолдады. EXPO-2017 бұрынғы кеңес мемлекеттерінің бірінде өтетін жоғары деңгейдегі алғашқы көрме болмақ.Көрме 10-маусымнан 10- қыркүйекке дейін үш айға созылады. Оған әлемнің шамамен 100 мемлекет және 15-тен астам халықаралық ұйым қатысады деп жоспарлануда. Көрмеге 5 миллиондай келіп кетушілер болады деп күтілуде.EXPO-2017 тақырыбы – «Болашақ энергиясы»  әлемде қуатты үнемдеудегі ең үздік технологияларды, күн, жел, теңіз, мұхит және жылы су энергиялары секілді баламалы қуат көздерін пайдаланудың жаңа жасақтамалары мен  технологияларын тартуға мүмкіндік береді. Астана аталмыш саладағы үздік әлемдік жасақтамалар мен үрдістердің көрінісі үшін тиімді алаңға айналмақ. Сонымен қатар, көрме мемлекеттің ғылыми базасы мен өндірістік қуатының технологиялық жаһандануы және экономиканың жүйелік әртараптандыруы үшін қуатты түрткі болмақ. Себебі энергия – адам тіршілік әрекетін дамыту мен ынталандыру үшін жағдай туғызатын табиғи негіз. Энергия социумдар моделін сақтауды қамтамасыз етеді, яғни, көптеген аспектілерді біріктіретін түсінік ретінде ғаламзат, жекелей алғанда, адамзатқа қатысты қызықтырушы мәселелерді тудырады.

http://mfa.gov.kz/kz/content-view/expo-2017-razvivaya-energiyu-budushchego

Көрмеге келіп кетушілер шамамен қанша болады деп күтілуде?

А) Оған әлемнің шамамен 100 мемлекет және 15-тен астам халықаралық ұйым қатысады деп жоспарлануда.

Ә) Көрмеге 5 миллиондай келіп кетушілер болады деп күтілуде

Б) Көрмеге келіп кетушілер жаңа жасақтамалары мен  технологияларын тартуға мүмкіндік береді. [1]

«Болашақ энергиясы»  әлемде қуатты үнемдеудегі ең үздік технологиялары қандай жаңа жасақтамалары мен  технологияларын тартуға мүмкіндік береді?

А) Астана аталмыш саладағы үздік әлемдік жасақтамалар мен үрдістердің көрінісі үшін тиімді алаңға айналмақ

Ә) Энергия – адам тіршілік әрекетін дамыту мен ынталандыру үшін жағдай туғызатын табиғи негіз.

Б) «Болашақ энергиясы»  әлемде қуатты үнемдеудегі ең үздік технологияларды, күн, жел, теңіз, мұхит және жылы су энергиялары секілді баламалы қуат көздерін пайдаланудың жаңа жасақтамалары мен  технологияларын тартуға мүмкіндік береді. [1]

Сіздің өңірде қандай баламалы қуат көздерін пайдалануға болады.

Өз пікіріңізді жазыңыз.

_______________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________ [1]

3. Мәтіннен қажетті ақпаратты іріктеп, шын және жалған ақпаратты анықтаңыз.

[4]

4. Көтерілген мәселеге оқырманның қарым – қатынасын анықтайтын үш талқылау сұрағын құрастырыңыз. _______________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________­­­­­­ [3]

Жазылым

Тапсырма

5. Төмендегі тақырыптың біріне эссе құрылымы мен даму желісін сақтап, көтерілген мәселе бойынша екі жақты пікірді немесе жағдаятты талқылай отырып, өз ойыңызды салалас құрмалас сөйлемдердің мағыналық түрлерін ажыратып, түрлендіру арқылы дәлелдеп жазыңыз (аргументативті эссе)

1. Тәуелсіздік маған қандай құқықтар берді?

2. Біздің еліміздегі мектеп жасындағы баланың жалпы орта білім алуы міндетті ме?

[10]

________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________

Балл қою кестесі

Тыңдалым және айтылым

Тапсырма№

Балл

Грамматика мен лексиканы дұрыс қолдануы

Балл

770 ₸ - Сатып алу Материал ұнаса әріптестеріңізбен бөлісіңіз Ватсапта бөлісу Телеграммда бөлісу Фейсбукта бөлісу Сілтемені көшіру Ашық сабақ, ҚМЖ, көрнекілік, презентация жариялап табыс табыңыз! Материалдарыңызды сатып, ақша табыңыз. (kaspi Gold, Halyk bank) Соңғы бір жылда: 45 000 000 ₸ Авторлар тапқан ақша Толығырақ Ресми байқаулар тізімі Республикалық байқауларға қатысып жарамды дипломдар алып санатыңызды көтеріңіз! Тізімді көру Материал іздеу Сіз үшін 400 000 ұстаздардың еңбегі мен тәжірибесін біріктіріп, ең үлкен материалдар базасын жасадық. Төменде пәніңізді белгілеп, керек материалды алып сабағыңызға қолдана аласыз Барлығы 663 959 материал жиналған Пән Жүктелуде... Бағыт Жүктелуде... Сынып Жүктелуде... Іздеу Осы аптаның ең үздік материалдары Педагогтардың біліктілігін арттыру курстары Аттестацияда (ПББ) 100% келетін тақырыптармен дайындаймыз Аттестацияда (ПББ) келетін тақырыптар бойынша жасалған тесттермен дайындалып, бізбен бірге тестілеуден оңай өтесіз Өткен жылы бізбен дайындалған ұстаздар 50/50 жинап рекорд жасады Толығырақ