5-сыныпқа арналған сабақ жоспары

Кіріспе 

Адамның өмір тіршілігінің жаһандану үдерісінде, жоғарғы технологиялар мен ақпараттану ғасырында мектептегі информатика пәні оқушылардың ақпараттық коммуникациялық және ақпараттық – есептеуіш технологиялар, сандық білім беру ресурстары, қашықтықтан оқыту технологиялары саласындағы білімін, білігі мен дағдыларын меңгертуді және ақпараттық мәдениетін қалыптастыруды қамтамасыз етуді көздейді.

5 – сыныпқа информатиканы оқытудың мақсаты – информатиканың теориялық негіздері бойынша негізгі білім жүйесін, әртүрлі ақпаратты өңдеуде ең қарапайым программамен жұмыс жасауды және ақпаратты өңдеу түрлерін меңгертуді көздейді.

Оқытудың міндеттері:

• Операциялық жүйелер (ОЖ) және ОЖ-нің стандартты қосымшаларын меңгеру;

• Ақпараттық технологияларды өңдеуде мәтіндік (текстік), графикалық, сандық, ақпарат түрлерін игеру;

• Пәнге деген қызығушылығын, зияткерлік және шығармашылық қабілеттерін дамыту;

• Техникаға ұқыптылықпен қарауға тәрбиелеу;

• Информатика саласындағы негізгі түсініктер мен білімдерді қалыптастыру;

• Оқушылардың алгоритмдік ойлау қабілетін дамыту,
  оқушыларға ақпараттық мәдениет негіздерін қалыптастыру;

• Компьютерді әртүрлі тәжірибелік есептерді шешуге қолдануды үйрету;

• Оқушылардың қызығушылықтарын компьютерлік-ақпараттық технологиялар және ақпаратты өңдеу әдістерін арттыру;

• Жаңа ақпараттық қоғамда өмір сүретін жеткіншек ұрпақтың бойында адамгершілік және құқықтық негіздерді қалау;

Ұсынылып отырған  5 – сыныпқа арналған сабақ жоспары мұғалімдерге, жас мамандарға көмек ретінде берілген.

Бірінші сабақ оқушыларды жұмыс істеудің дұрыс, әрі қауіпсіз әдістері мен тәсілдерін игертуге бағытталған техника қауіпсіздігі ережелерін сақтауға арналады. Бұл жоспарда мұғалімдерге дайын бақылау сұрақтары мен тест жұмыстары берілген.

           Сағат саны:  аптасына 1 сағаттан,  барлығы  34 сағатты құрайды.

Түсініктеме  хат 

Қазақстан Республикасы Білім және ғылым министрінің 2013 жылғы  3 сәуірдегі №115 бұйрығымен,  Қазақстан Республикасы Үкіметінің 2012 жылғы 23 тамыздағы №1080 қаулысымен бекітілген орта білім берудің  мемлекеттік жалпыға міндетті стандарты басшылыққа алынды. Жалпы білім беретін  мектептің 5 – 9 сыныптарына арналған «Математика және информатика»  білім саласы пәндерінің оқу бағдарламалары – Астана, Қазақстан Республикасы Білім және ғылым министрінің 2013 жылғы 3 сәуірдегі 115 бұйрығына 34-қосымша.

5-сыныпқа арналған «Информатика» курсының бағдарламасы Мемлекеттік білім беру стандартына сәйкес құрылған. Бұл оқулықта берілген материал оқушының теориялық материалды игеруін бақылауды, сондай-ақ берілген тапсырмалар дәріс өткізуді жеделдетіп, берік білім беру мен дағдының қалыптасуын қамтамасыз етеді.

Негізгі орта білім беру деңгейінде білім алушы:

1.Кіріспе (1 сағат):
техника қауіпсіздігі және жұмыс орнын ұйымдастыру.
2. Ақпарат және ақпараттық үдерістер (3 сағат):
информатика, ақпарат, ақпараттардың алуан түрлілігі және оларды өңдеудің тәсілдері;
ақпарат саны, ақпарат өлшем бірлігі.
3. Компьютер (9 сағат):
компьютер, компьютердің негізгі құрылғыларының міндеттері және мүмкіндіктері;
пернетақта;
программалық қамтамасыз етудің жалпы сипаттамасы және жіктелуі, операциялық жүйе ұғымы, операциялық жүйені басқарудың негізгі тәсілдері және объектілері;
файлдар, бумалар және белгішелер, бумалар мен белгішелерді құру, атын өзгерту,
объектілерді іздеу, объектілерді көшірмелеу, орнын ауыстыру және жою, ақпаратты жазу және санау, ақпаратты тасымалдаушылар.
4. Ақпараттық-коммуникациялық технологиялар (17 сағат):
қарапайым графикалық редакторы, суретті ашу, сақтау, графикалық редактордың сурет салу құралдары, суреттің үзінділерін ерекшелеу, суреттің үзінділерімен жұмыс, масштаб, графиктік ақпаратты өңдеу (бейнелерді масштабтау, трансформациялау), баспаға дайындау, баспадан шығару;
қарапайым мәтіндік редакторы, редактор интерфейсі, мәтінді теру ережесі, мәтін бойымен жылжыту, мәтіннің үзіндісін ерекшелеу, мәтінді пішімдеу және редакциялау, қаріп, абзац, графиктік және мәтіндік ақпараттарды өңдеу, аралас құжаттарды құру;
калькулятор, блокнот;
дыбыстық ақпаратты өңдеу, дыбысты жазу.
5. Жобалық іс-әрекет (4 сағат).

Тақырыптық жоспар

5- сынып