6 СЫНЫП ҚАЗАҚ ТІЛІНЕН 2-ТОҚСАН БОЙЫНША ЖИЫНТЫҚ БАҒАЛАУ СПЕЦИФИКАЦИЯСЫ

Ұзақтығы: 40 минут

Оқылым – 15 минут

Жазылым – 25 минут

Тыңдалым мен айтылым бөлек тексеріледі Балл саны: 30

Тапсырмалар түрлері

Көп таңдауы бар сұрақтар

Қысқа жауапты қажет ететін сұрақтар Толық жауапты қажет ететін сұрақтар

Жиынтық бағалаудың құрылымы

Тоқсандық жиынтық бағалаудың нұсқасы 3 компоненттен тұрады: Біріншісі - тыңдалым, айтылым және әдеби тіл нормаларын, екіншісі - оқылым және әдеби тіл нормаларын, үшіншісі - жазылым және әдеби тіл нормаларын тексеруге арналған.

6 сынып қазақ тілінен II тоқсан бойынша жиынтық бағалау тапсырмаларының сипаттамасы

6 сынып қазақ тілі пәнінен 2-тоқсан бойынша жиынтық бағалау тапсырмалары

Тыңдалым мен айтылым тапсырмалары

1. Мәтінді тыңдаңыз, өз жұбыңызда талқылап, жалпы және нақты сұрақтар құрастырып, жауап беріңіз. Жауабыңызды шынайы өмірмен байланыстырыңыз.

2.Сөз тіркестер мен термин сөздерді орынды қолданып, жұбыңызбен ой бөлісіп, көтерілген мәселені талдап, диалог құрастырыңыз.

[10]

Астана-болашақтың қаласы

Біздің мемлекетіміздің бас қаласы – Астана. 1830 жылы Астана Есіл өзенінің жағасында казак-орыс әскерлері негізін қалаған бекіністен бастау алады. 1862 жылы  Ақмола қала мәртебесін алды. 1961 жылы наурыздың 20-сында  қалаға Целиноград атауы берілді. 1992 жылы бұрынғы Ақмола атауы қайтарылды.

1997 жылы қазанның 20-сында Н.Ә.Назарбаев «Ақмола қаласын Қазақстан Республикасының астанасы деп жариялау» туралы Жарлыққа қол қойды.   1998 жылы маусымның 10-ында тәуелсіз Қазақстанның жаңа астанасының салтанатты ашылу рәсімі өтті. 1998 жылы Президенттің Жарлығымен  Ақмола қаласы – Астана қаласы болып өзгертілді.

Аз уақыттың ішінде Астана қаласы көрікті қалаға айналды. Мұнда әсем, зәулім ғимараттар салынып жатыр.  Әсем Есілдің оң жағасында салынып жатқан жаңа Астананың сұлулығы ерекше. «Бәйтерек» ғимараты астана тұрғындарын, алыс, жақын шетелдерден келген қонақтарды таң қалдырады.

Астана – болашағы үлкен қала.   1998 жылы  ЮНЕСКО-ның шешімі бойынша Астана қаласына «Бейбітшілік қаласы» деген жоғары атағы беріліп, медальмен марапатталды.http://sabaq.kz/7590/астана-болашақтың-қаласы

Оқылым

Тапсырма

Мәтінді оқып, берілген сұрақтарға жауап беріңіздер.

[10]

Францияда өткен Халықаралық көрмелер бюросының кезекті, 152-ші сессиясында «ЭКСПО-2017» көрме­сін Қазақстанда ұйымдастыру жөнінде шешім қабыл­данғаны белгілі. Дауыс б­еруші 161 елдің 103-і Қазақстанды таңда­ған. Бұл жаңалыққа Астанадағы біраз жұрттың бөркін аспанға ата қуанып жат­қанын теледидардан көрдік. Дегенмен аты әдемі бұл көрменің сипаты қандай болатынын екінің бірі біле бермесе керек. Осыған орай оқырман назарына ол жөнінде танымдық мақала ұсынып отырмыз.
ЭКСПО атауы – өзінің аты айтып тұр­ғандай, «экспонат»,- деген сөзден шыққан. Қазақ­ша­ла­сақ, жәдігер болады, яғни ол – жер жүзін мекендеген барша халықтардың өмірдің түрлі саласында қол жеткізген жетістіктерін, жәдігерлерін көр­сететін алаң. Онда ЭКСПО-ның ке­зекті таңдаған та­қырыбына орай жұрттың бұ­рынғы-соңғы жеткен жетістіктері көпшілік назарына ұсынылады.

Мысалы, 1862 жылы Лондонда бол­ған ЭКСПО-да жұрт алғашқы тігін маши­на­сымен танысқан. 1876 және 1893 жыл­дар­дағы Филадельфия мен Чикаго (АҚШ) ЭКСПО-сында жұрт назарына тұңғыш телефон аппараты және алғашқы әлектр қуатымен жарықтандыру жүйесі ұсы­ныл­ған. Ал енді бүгінде әлем жұртшылығы қолданып жүрген «телевидение» деген сөзді қолданысқа 1900 жылы Париждегі көрме кезінде орыс инженері Константин Перский­ ендірген екен.

Бекітілген тақырыбына қарай көрмелерге қолөнер, бейнелеу өнері, өнеркәсіп, жаңа технология туындылары, түрлі пайда­лы қазбалар мен олардан алынған өнім­­дер де қойылады. Адамзатты алаңдатып отырған экология, урбанизация сияқ­ты жаһандық проблемаларға қа­тысты жаңалықтар да осында талқыға түседі. Қысқасы, он­да жұртшылық назарына ұсынылатын дүниелердің ауқымы кең. Атал­ған іс-шара­ға бүкіл әлемнен түрлі ма­мандар, өнертап­қыштар, кәсіпорындар қатысады. http://bilim-all.kz/article/1893-Ekspo-kormesi

1. Францияда Халықаралық көрмелер бюросының сессиясында ЭКСПО көрмесінің Қазақстанда өткізілуін қанша ел жақтады? [1]

А) 152 В)103 С)161 Д) 131

2. ЭКСПО сөзінің қазақша баламасын көрсетіңіз

[1]

А) экспонат В) құндылық С) жәдігер Д) естелік

3. Мәтіннің стиль түрін ажыратып жазыңыз

[2]

______________________________________________________________________________________________________________________________________________

4. Мәтіннің мазмұнын қысқаша баяндап, тілдік ерекшелігін салыстыру.

[3]

_____________________________________________________________________________________________________________________________________________________________________________________________________________________

5. Мәтіннің көркемдік сөйлеудің құрлымдық және жанрлық ерекшелігін анықтап, ажыратыңыз. [3]

____________________________________________________________________________________________________________________________________________________________________________________________________________________________________________________________________________________________

Жазылым

Төменде көрсетілген екі тақырыптың біреуін таңдап, «келісу, келіспеу» эссесін немесе өмірбаян жазыңыз. Жазылым жұмысында тақырыпты ашып, абзацтарды жүйелі құрастырып, пунктуациялық нормаға сай және көнерген сөздер мен эвфемизм, дисфемизм, табу сөздердің қолдану аясын түсініп жазыңыз.

[10]

1. «Астана- болашақтың қаласы» тақырыбында өз ойларыңызды келісу не келіспеу себептерін айқын көрсете отырып жазыңыз.

2. Төмендегі тізімінен қазақ елінің тарихи тұлғаларының біреуін таңдап, жанрлық ерекшелігіне сай өмірбаян жазыңыз.

Ә. Бөкейханов., А. Құнанбаев., Б. Момышұлы

Балл қою кестесі

Тыңдалым және айтылым

Оқылым

Жазылым

Оқулық: Қазақ тілі 6 сынып авторлары Б.А. Әрінова, Г.М. Раева, Г.С. Кәрімова, Л.К. Жұмекенова

Алматы «Атамұра» 2018 ISBN 978-601-331-134-0