№1 Успен жалпы орта білім
беру
мектебінің 10 сынып
оқушысы
Усенов Алишер
жетекшісі: қазақ тілі мен
әдебиеті
мұғалімі Арынова А.М.
Абай-дана, Абай-дара
қазақта
Биылғы жыл күллі қазақ елі үшін ерекше жыл,
Абай Құнанбайұлының 175 жылдық мерейтойына арналған жыл. Қазақ
халқының біртуар ұлдарының бірі, данышпан ақын, ойшыл, дана
ғұламаларының бірі Абай атамыз артында өшпес із қалдырды. Поэзия,
музыка, даналықта, қоғамдық-азаттық ой-пікір саласында өнегелі
шығармалар берген Абай Құнанбаев – қазақ елінің кешегі өмірін
зерттеймін деген жанға таңғажайып
тұлға.
Абай атамызды
қалай дәріптесек те аз, деп ойлаймын. Оның шынайы шығармашылығы
қазақ еліне ғана емес, дүние жүзіне де үлгі-өнеге болып табылады.
Абайдың адамдар мен оның ортасы, білім мен ғылым, дін мен дәстүр,
табиғат пен қоршаған орта, мемлекет пен билік, тіл мен
қарым-қатынас туралы айтқан ойлары мен пікірлері ғасырлар өтсе де,
маңызын жоғалтпайды. Себебі оның мұрасы барша адамзат баласының
рухани азығы болып табылады.
Ол «Біріңді
қазақ, бірің дос, көрмесең істің бәрі бос!» деген және тағы басқа
да өткір философиялық сындарымен халқын бірлікке шақырған. Оған
дәлел - әлі күнге дейін маңыздылығы мен құндылығын жоғалтпаған
қарасөз. Абай Құнанбаевтың қарасөздерінің жалпы саны қырық бес.
Олардың тақырыбы әр алуан, терең болып жазылғанымен, күллі қазақ
халқы үшін асыл сөз. Абай - отандық тарихымыз бен әдебиетімізде аса
көрнекті орын алады. Абай - қазақтың ұлттық жазба әдебиетінің
негізін қалаған дара тұлға. Қорыта айтқанда мен Сұлтанмахмұт
Торайғыровтың: «Асыл сөзді іздесең, Абайды оқы, ерінбе, адамдықты
көздесең, жаттап тоқы көңілге!» деп аяқтағым
келеді.