Алтын күз!

МКҚҚ №161 бөбекжай –балабақшасы

«Алтын күз келді бақшама»

(тақырыптық оқу қызметі)

Кіші «Ботақан» тобы

Тәрбиеші : Нарынкулова.А.Т

2021-оқу жылы.

Алтын күз келді , бақшама!

Мақсаты : Балаларды күз мезгілінің ерекшелігімен ұғындыру .Күз өнімдерімен таныстыру, олардың ағзаға пайдасын түсіндіру ,білімдерін кеңейту.

Тәрбиеші :

Сәлеметсіздер ме қонақтар ,балалар.Бүгінгі біздің тақырыптық оқу қызметіміздің тақырыбы" Алтын күз келді , бақшама» олай болса шаттық шеңберіне тұрайық :

Тербеледі ағаштар ,

Алдымнан жел еседі .

Кіп-кішкентай ағаштар ,

Үлкен болып өседі .

Тәрбиеші :Жарайсыңдар балалар(орындарына отырғызу)

Суретке қарап әңгімелеу .Күн қысқарып ,түн ұзарады .Аспаннан бұлттар қаптап , жаңбыр жие жауа бастайды екен.Құстар жылы жаққа ұша бастайды .Ағаштардың жапырақтары сарғайып ,жерге түседі .Шөптер қурай бастайды екен.Егіншілер астығын жинайды .Жеміс –жидек . көкөністер піседі екен.

-Балалар қазір жылдың қай мезгілі ?

-Күз мезгілі .Дұрыс атасыңдар

-Күз мезгілінде неше ай бар екен?

-3 ай .Қыркүйек , қазан ,қараша.

-Дұрыс айтасыңдар .Қазір қазан айы екен.

-Күз мезгілінде жапырақтардың түсі қандай болады?

-Сары , қызыл.Түске боялады .

-Ауа- райы қандай болады ?

-Күн суытып , жаңбыр жие жауа бастайды екен.

-Жыл құстары қайда ұшып кетеді екен?

-Жылы жаққа ұшып кетеді .

Ой ,Балалар тыңдайықшы , біреу есікті қағып тұр ма ?Тук.тук.тук.

Әуенмен Күз Ханшайымы кіреді :

Тәрбиеші : Қарсы алайық бәріміз ,

Жасымыз бен кәріміз .

Қырдан келіп қыдырып

Алтын күз бірге нұр төгіп .Күз ханшайымын қарсы алайық.

Сәлеметсіз бе ? Күз Ханшайымы.

Күз Ханшайымы:Сәлем менің достарым,

Өмірге көп қосқаным .

Сыйлығына қаныңдар .

Молшылыққа кенеліп ,

Шаттық әнге салыңдар.

Тәрбиеші :Ал, төрлетіңіз Күз Ханшайымы сіз келіп көңіліміз көтеріліп қалды , солай емеспе балалар ?

-Балалар –иә .

Олай болса осы Күз Ханшайымына арналған тақпақтарымызды айтып берейік:

Айша : Қызыл,сары алтын көк ,

Алуан алуан жапырақ.

Күзгі бақта күлімдеп ,

Көз тартады жадырап ,

Сезімай : Берекесін сыйлауға ,

Өлкемізге күз келді .

Жемістерін жинауға

Шақырады біздерді .

Алуа :Құт береке астық толы қоймамыз ,

Алтын күзді біз тойлаймыз.

Әмір :Жапырақты тасалап ,

Өсетін жері бақша –бақ.

Күрең қызыл шіркін- ай,

Менің атым құлпынай .

Әділет:Пісіп тұрған алманың,

Жерге сілкіп түсірме ,

Ісіп кетер маңдайың.

Бәрекелді балалар, недеген керемет айттыңдар .

Балалар барлығымыз орнымыздан тұрып

Музыка әуенімен бой сергітіп ,жаттығу жасап алайық:

Сергіту сәті : «Көңіл күй»

Күз Ханшайымы : Ой неткен өнерлі баласыңдар , сендердің өнерлеріңді көріп тамсанып отырмын .Менің сендермен бір ойын ойнағым келіп тұр:

Ойын : «Қандай жеміс?»

Ойын шарты :балалар жемістердің суреттерін көрсетіп , қандай жеміс екенін сұрайды .

Жұмбақ жасыру .Жапырақты бояды ,

Атырапты бояды .

Бояп-бояп барлығын,

Сап сарығып тастады .(Күз)

Көктен жауып түседі ,

Жерге келіп түседі ,

Жер оны ішеді .(Жаңбыр)

Жарайсыңдар балалар!

Шығармашылық жұмыс балалармен.

Педагогтің балаларға түсіндіріп, көрсетуі. Дайын салынған суретке дәстүрден тыс технология әдісімен ( саусақпен сурет салу) ағаштың жапырақтарын саусақты бояуға малып алу арқылы салу.

Күз Ханшайымы : Рахмет балалар. Өнерлі балалар екенсіңдер .

Сендерге зор денсаулық тілеймін .Жүздеріңнен күлкі кетпесін . Ал енді мен қайтайын, сендер сияқты балапандар күтіп қалды мен соларға барайын . Сендерге жомарт күзден жеміс-жидектер беріп кетемін .Тәтті-дәмді дәруменді жемістердің дәмін көріңдер. Келесі кездескенше сау болыңдар !

Тәрбиеші : Күз Ханшайымы сізге де көп-көп рахмет .

Келер жылға дейін асыға күтеміз сізді (музыка әуенімен Күз Ханшайымы шығып кетеді ).

Тәрбиеші :Балалар бүгінгі біздің «Алтын күз, келді бақшама» атты тақырыптық оқу қызметіміз ұнады ма?

-Күз мезгілінде қандай құбылыстар болады екен?

-Жапырақтар сарғайады .Күн суытады .

-Құстар қайда кетеді ?

-Жылы жаққа ұшып кетеді.

-Бізге қонаққа кім келді ?

-Күз Ханшайымы келді .

Балалар сендерге рахмет .Бәрің жақсы қатыстыңдар .Ал кәнеки орнымыздан тұрып қонақтармен қоштасайық.Сау болыңыздар.