Алтын күз әсем айналам

Мақала

«Алтын күз әсем айналам,еліне береке сыйлаған!»

Қазіргі таңда еліміздің барлық аймақтарында «Алтын күз» тақырыбында түрлі мерекелік іс-шаралар ұйымдастырылып жатыр. Баршамызға белгілі, күз маусымында Жер ананың адам баласына ұсынар мол ырыс-несібесі, диқандардың таңның атысы, күннің батысы тынбай еңбек етуінің арқасында қамбаға құйылады. Сондықтан да астық пісіп, қамбаға толғанда,оны жинап алу ісі дәл осы күз айларында жүзеге асырылатындықтан, осы маусымға халқымыз «Алтын күз» деп айдар таққан.

Бұл үлкен мерекеден біздің «Балдырған А» балабақшасы да қалыс қалған жоқ. «Ботакөз» ересек тобы да өз деңгейінде атап өтті. Бұл мереке жыл сайын атап өтілсе де, балаларға өте қызық,ынтық болып тұрады. Тәрбиенің негізі бірінші кезекте әрбір отбасында қаланатынын ескере отырып, «Ұяда не көрсе, ұшқанда соны іледі» деген қазақ халқының даналық қағидасын ұстанып, осы ұйымдастырылған іс-шара ата-аналардың тікелей қатысуымен өткізілді. Өйткені, жеке тұлғаның қалыптасуы ең алдымен отбасындағы үлгі-өнеге мен тәлім-тәрбиеге байланысты екенінде дау жоқ. Ата –аналар көбі жастар болғандықтан белсенді қатысты , сайыстың талаптарың орындап, балалардың үстіне мерекеге сай киім үлгілерін дайындап, қөкөністер мен жемістерден түрлі қол өнерлерін паш етті,сайыс аяғында белсенді ата-аналарды балабақша меңгерушісі Мұқанова Марина Азаматқызы «Алғыс хаттармен» марапаттады, балалармен бірге өткізген есте қаларлық қызықты кеш болды.

«Балдырған А» ЖШС

Балабақшасының тәрбиешісі

Жұманова Айдана Нұрлыбекқызы