«Асанқайғының жерге айтқан сыны» аңызы Туған жерің – Жерұйығың

Ұзақ мерзімді жоспардың тарауы:

Таза, мінсіз асыл сөз

Мектеп: А.Тайманов атындағы №34 МГ

Күні:

Мұғалімнің аты-жөні:

Утегалиева А.Ж.

Сынып: 5

Қатысқандар:

Қатыспағандар:

Сабақтың тақырыбы

«Асанқайғының жерге айтқан сыны» аңызы

Туған жерің – Жерұйығың

Осы сабақ арқылы

жүзеге асатын оқу

мақсаттары

Б\С.3 - шығармадағы эпизодтар арқылы тарихи құндылығын анықтау

А\И.2.4 - көркем шығармадан алған әсерін сипаттап авторға хат, өлең жазу

Сабақ мақсаты:

аңыздағы құндылықтарға қатысты эпизодтарды анықтайды, авторға хат жазады.

анықталған эпизодтар негізінде аңыздың тарихи құндылығын дәлелдейді, өз әсерін хат жазу арқылы жеткізеді.

авторға хат, өлең жазуда өз сезімдерін, көзқарасын мәтіннен дәлелдер келтіріп, қазіргі өмірмен байланыстыра баға береді.

Бағалау критерийлері

Аңыздағы эпизодтар арқылы тарихи құндылығын анықтай алады;

Алған әсерін сипаттап, хат, өлең жазады

Ойлау деңгейі:

Талдау, бағалау

Тілдік мақсат

Пəнге қатысты сөздік қор мен терминдер: аңыз, әңгіме

Диалогтер мен жазу үшін қолданылатын тіркестер:

Шөбі шүйгін, құтты қоныс, «қой үстінде бозторғай жұмыртқалайтын» қоныс, Желмаясына мініп, нұрлы өлке - Жерұйық

Талқылауға арналған сұрақтар:

Халық арманынан туған жер қалай аталады?

Құндылық дегенді қалай түсінесің?

Аңыздың тарихи құндылығы неде?

Құндылықтарға баулу

Туған жерге, атамекенге сүйіспеншілік

Пəнаралық байланыс

Қазақстан тарихы

АКТ қолдану дағдылары

Интербелсенді тақта

Тақырып бойынша алдыңғы білім

Асан қайғының тарихи тұлға екенін, Жерұйық атамекен ұғымдары туралы білетін біліміне сүйенеді.

Сабақтың жоспарланған

кезеңдері

Сабақтағы жоспарланған жаттығу түрлері

Ресурстар

Сабақтың басы

5 минут

1минут

1. Ширату жаттығуы. Шарты: Қағаз қиындыларына туған жер, атамекен туралы мақал-мәтелдердің бөлімдері жазылады, оқушылар соларды құрастыру арқылы үш топқа бөлінеді.

2. «Болжау әдісі»

- Берілген мақал-мәтелдерден қандай ой түйдіңдер?

- Жерұйықты қалай елестетесіңдер?

ҚБ Мұғалімнің мадақтау сөздері

Жарайсыңдар! Өте жақсы! Керемет!

Қағаз қиындылары

мақал-мәтелдер

Туған жер – тұғырың,

Туған ел – қыдырың.

Атамекен — анаң екен,

Қысылғанда панаң екен.

Атамекен туған жер:

кір-қоңыңды жуған жер,

кіндігіңді кескен жер,

кісі болып өскен жер.

Сабақтың ортасы

15 минут

5 минут

7 минут

3 минут

Ж/Т «Әдеби шеңбер»

«Әдеби шеңбер» әдісі арқылы оқушылар рөлге бөлінеді, әрқайсысына тапсырма беріледі.

Тапсырма. Таңдаған рөліңізге байланысты берілген тапсырманы орындаңыз.

1-тапсырма.

1-оқушы-талқылаушы.

1. «Асан қайғының жерге айтқан сыны» әңгімесі бойынша 3-4 сұрақ құрастыр.

2. Сыныппен бөлісе алатындай өз тобыңмен бірлесе жауаптарыңды жазыңдар.

2-оқушы-белгілеуші.

1. Аңыздың тарихи құндылығын дәелдейтін 3-4 бөлігін белгіле.

2. Бөліктерді өз тобыңа дауыстап оқы және оның тарихи құндылығын талқылаңдар. Оқулық бойынша бетін, кейбір маңызды тіркестерді жазып, сыныппен бөлісуге бір немесе екеуін таңдаңдар.

3-оқушы-байланыстырушы.

1. «Асан қайғының жерге айтқан сыны» мен шынайы өмір арасындағы байланыстарды тап.

2. Тобыңмен бөлісіп, бірлесе талқыла.

4-оқушы-қорытындылаушы.

1. «Асан қайғының жерге айтқан сынын» оқып, мазмұнын қорытындыла (басы, ортасы, соңы).

2. Маңызды жерлерін атап көрсетіп, қорытындылап жаз.

5-оқушы-суреттеуші.

1. «Асан қайғының жерге айтқан сыны» әңгімесі бойынша сурет сал (таяқшаларды, мультфильм бейнелерін, диаграмма, сызбаларды қолдан).

2. Салған суретіңе топпен бірлесе сараптама жасап, мағынасын түсіндіруге дайындалыңдар.

Дескриптор:

- «Асан қайғының жерге айтқан сыны» әңгімесі бойынша 3-4 сұрақ құрастырады;

- Аңыздан тарихи құндылығын дәелдейтін 3-4 бөлігін анықтайды;

- шынайы өмір арасындағы байланыстарды табады;

- мазмұнын қорытындылайды (басы, ортасы, соңы);

- әңгіме бойынша сурет салады.

Топтардың өзара бағалауы

ҚБ «Басбармақ» әдісі

(Саралау. Тапсырма әдісі бойынша тапсырмалар жеңілден күрделіге қарай беріледі)

Ж. 2-тапсырма. «Екі түрлі түсініктеме күнделігі» әдісі.

• бірінші бағанға аңыз сюжетіндегі өзіңізге әсер еткен үзіндіні жазыңыз.

• екінші бағанға үзіндіден алған әсеріңізбен бөлісіп, Асан қайғыға хат немесе бір шумақ өлең жазыңыз.

• бағалау критерийіне сай үздік жұмысты «Автор орындығына» ұсыныңдар

Бағалау критерийі:

• аңыз мазмұнынан ерекше әсер еткен үзіндіні таңдау;

• алған әсерімен бөлісу;

• алған әсерін шағын хат немесе бір шумақ өлең түрінде жазу.

Топта үздік шыққан жұмысты «Автор орындығында» оқиды.

ҚБ «Екі жұлдыз , бір тілек » әдісімен бір –бірін бағалайды

Сабақтың соңы

4 минут

Кері байланыс. Өзін - өзі бағалау

«Мақсаттар кестесі» әдісі.