Ашық сабақ "Денсаулық еліне саяхат"

БҚО Тасқала ауданы, Тасқала ауылы

«Ақбөпе» аудандық бөбекжайы МКҚК

Жанакова Алтын Мусаевна

Тақырыбы: «Денсаулық еліне саяхат»

Мақсаты: Балалардың денесін шынықтыруға, денсаулығын нығайтуға, дұрыс өсіп қалыптасуға үйрету. Қызықты көңілді ойындарды пайдалану арқылы балалардың сабаққа деген қызығушылығын арттыру. Ептілік, икемділік дағдыларын қалыптастыру.Саяхат жасап,көңіл-күйлерін көтеру. Балаларды ұжымдыққа достық қарым-қатынасқа тәрбиелеу.
Қажетті құралдар: Арналған суреттер(сабын, сүлгі, су), герлер, көкөністер мен жеміс-жидектер.

Балалар қуанышты көңіл күймен, музыка ырғағына сәйкес жай жүреді.

Шаттық шеңбер:

Аспанымыз ашық болсын,

Күніміз жарық болсын,

Ауамыз таза болсын,

Суымыз мөлдір болсын,

Деніміз сау болсын.

Тосын сәт:

Есік қағылып,қонаққа Олжас деген бала келеді.

-Салематсыздар ма,балалар!

Мында не болып жатыр?

Бізде денсаулық күні болып жатыр.Денсаулық еліне саяхатқа бара жатырмыз.

Саяхатқа мені де ала кетіңізші, менің тамағым ауырып тұр.

Тәрбиеші: - Балалар біздің деніміз сау болу үшін біз не істеу керекпіз?

Балалар: - Спортпен айналасу, дәрімен жеу керекпіз, таза жүру керекпіз.

Тәрбиеші: - Олай болса балалар біз бүгін денсаулық еліне саяхатқа барамыз! Барамыз ба балалар?

Балалар: - Иә.

Ендеше балалар, Олжасты бірге ала кетейік.

І. Кіріспе:

Балалар қуанышты көңіл-күймен, музыка ырғағына сәйкес жай жүреді.

Музыка ырғағына сәйкес түрліше жүгіреді. Балаларды алға қарай жылжи отырғызып, қос аяқпен жеңіл секіртіп, белгі бойынша тоқтайды. Жан – жақты дамыту жаттығуларына дайындаламыз. (лентамен орындайды) Негізгі қимыл- қозғалыс жаттығуларын орындайды. Қос аяқпен секіріп, жаттығуларын аяқтайды.

Т: - Балалар қараңызшы біз қандай аялдамаға келдік?

Б: - « Жаттығу» аялдамасына

Т: -Ендеше балалар қолымызды екі жаққа созып, шеңбер болып тұрайық.

- Қолымыз белде, басымызды «оңға-солға» бұрамыз;

- Қолымыз иықта екі рет алға, екі рет артқа айналдырамыз;

- Екі қолымыз белде оңға, солға айналамыз;

- Қолымызды алға созып отырамыз;

Олжас: - Жарайсыздар балалар! Жаттығуды күшті жасайды екенсіз, менің денем қызып жақсы болып қалдым.

Т: - Ал, балалар ендеше екінші аялдамаға жол тартайық.

- Аю болып жүрейік;

- Қоян болып секірейік;

- Қасқыр болып ырылдап жүрейік.

II. Негізгі бөлім.

Т: - Балалар қараңызшы біз қандай аялдамаға келіп қалдық?

Б: - «Тазалақ» аялдамасы

Т: - Дұрыс айтасыз, балалар біз тазалық туралы қандай тақпақтар білеміз?

Сылдырлайды мөлдір су,

Мөлдір суға қолың жу.

Жуынсаң сен әрдайым.

Аппақ бетің маңдайың.

Су дегенің осы !

Тазалықтың досы!

Сабындасаң қолыңды.

Ашытады көзіңді,

Бола білсең төзімді,

Тап-таза етер өзіңді.

Сабын деген осы!

Тазалықтың досы!

Т: - Балалар сонымен таза жүру үшін біз қалай жүру керекпіз?

Б: - Деніміз сау болу үшін сабынмен ,сумен жуынып, таза киініп жүру керекпіз.

Т: - Жақсы балалар үшінші аялдамамызға сарбаздар болып барайықшы. Келдік балалар бұл қандай аялдама?

Б: - «Дәрумендер» аялдамасы

Т: - Иә, балалар бұл дәрумендер аялдамасында не көріп тұрмыз?

Б: - Көкөністер мен жеміс-жидектер.

Т: - Балалар бұл не?

Б: - Мынау қияр.

Т: - Қиярдың түсі мен пішіні қандай?

Б: - Жасыл, сопақша.

Қорытынды:

Сұрақ-жауап арқылы балалардың бүгінгі ұйымдастырылған оқу қызметінде алған білімдерін бекіту. Сол алған білімдерінің пайдасы туралы әңгімелеу.

Балаларға денсаулыққа пайдалы «С» дәрумені сыйлыққа беріледі.