Ашық сабақ: Жаңа технология мен жұмыс

7-мамыр Қарулы күштер мерекесі

(Ер-елінің қорғаны)

Тақырыбы: «Ұранды елдің ұрпағы қайсар»

Фан-фар

І-жүргізуші: Қайырлы күн, құрметті қонақтар, ардақты азаматтар, ұлағатты ұстаздар, қымбатты әріптестер! Мамырдың мамыражай күндерімен, майда желімен келіп жеткен 7-мамыр Отан қорғаушылар күні құтты болсын! (Бірге)

ІІ-жүргізуші: 1992 жылы 7-мамырда Елбасымыз «Қазақстан Қарулы күштерін құру туралы» жарлыққа қол қойды. Ал 1998 жылдан бастап бұл күн еліміздің күнтізбесіне Отан қорғаушылар күні ретінде тіркелді. Биыл Қазақстан Республикасының Қарулы күштеріне жыл.

І-жүргізуші: Жүрекке адалдықтың ескен гүлін

Ғажайып келешекке төккен нұрын

Ардақты ағаларға шын көңілден

Жолдаймыз алғыс пенен сәлем бүгін.

Құрметті ұстаздар «Ұранды елдің ұрпағы қайсар» Қазақстан Республикасының Отан қорғаушылар күніне арналған жиынымызды ашық деп жариялауға рұқсат етіңіздер.

Әнұран орындалады.

ІІ-жүргізуші: Алғашқы мерекелік құттықтау сөз кезегі, мектеп директоры Тасыбекова Ұлдамет Әбдіманапқызына беріледі.

Ән: «Жігітсіздер»

Орын: Мадина, Салтанат, Бүлдіршін

І-жүргізуші: Тілейміз таудай тілек ағамызға

Еліңіз жете берсін бағыңызға

Ағажан отбасыңмен аман болып

Жүре бер, ұзақ жасап арамызда!

ІІ-жүргізуші: Біздің елдің жігіттері – жігіттердің сырттаны

Кешегі өткен ақындар мен батырлардың ұрпағы

Біздің елдің жігіттері – жігіттердің төресі

Біздің елдің жігіттері – алып мұхит кемесі

Би : «Ән сал сарбаз»

( Салтанат, Разия, Айгүл,

І-жүргізуші: Армысыздар, кешіміздің асылдары

Жайнасын көңілімнің жасыл бағы

Сіздер үшін ән мен жыр өлең күй

Сіздер үшін алуан өнер шашулары – дей отырып ендігі кезекті сахналық көрініске береміз.

Көрініс

ІІ-жүргізуші: Мектеп кеме ес білімнің ескегін

Әнге толсын күйге толсын кештерің

Шын жүректен бақыт тілеп сарқылмас

Қол соғады барма әріптестерің-деп мектебіміздің жігіттеріне Нұржамал апай мен Фарида апай «Ризамын» әнін жолдайды.

І-жүргізуші: Қымбатты біздің ұстаз азаматтар

Ғыл иесі ғалым да ел қорғаған батыр да

Тілінен бал тамған ақын да, тегеуріні темір балқытқан жұмысшы да, егін салған дихан да, мал бағып терін төккен шопан да, бәрі-бәрі ұстаздан білім, тәлім алған, сондықтан да, ұлағатты ұстаздар, айбынды азаматтар сіздерге бүкіл адам баласы құрметпен бас иеді.

ІІ-жүргізуші: Ұстаздар жақсылықтың жол ашары

Қолыңда шәкіртіңнің болашағы

Өмірді алға қарай өрлететсін

Сіздер ғой Ұлы Отанның болашағы

Флешмоб (би) бірге соңында хор. «Алға қазақ жігіттері»

І-жүргізуші:

Күндеріңіз толсын гүлге желекке

Отбасында болсын ырыс-береке

Құттықтаймыз шын жүректен сіздерді

Өмір думан бақ келсін мереке

ІІ-жүргізуші:

Құрметті азаматтар, біздің мектептің ұстаздары жігіттері!

Өздеріңізге арналған мерекелік іс шарамыз аяқталды, көріп тамашалағандарыңызға көп рахмет!

Қош сау болыңыздар!