Ашық сабақ математика

Іс-әрекет кезеңдері

Тәрбиешінің іс-әрекеті

Балалардың іс-әрекеті

Мотивациялық қозғаушы

Шаттық шеңбері:

Ауадан қуат алайық,

Алақанға салайық.

Күннен қуат алайық,

Күннен алған жылуды,

Жүрегімізге салайық.

Жүректегі жылуды,

Бір-бірімізге сыйлайық.

Балаларды орман

Ормандағы құстарды, ағаштарды, жануарларды, гүлдерді көрсету.

Ізденуші ұйымдастырушы

Балалар орман біздің байлығымыз, онда ағаштар өте көп, онда жануарлар мен құстар мекендейді, Біз орманды қорғауымыз керек.

Балалар ,сендер орманға саяхатқа барғыларың келеме?

Біз орманға бару үшін немен барсақ екен, орманға біз жаяу жете алмаймыз. Олай болса біз орманға көлікпен барайық.

Ой, біз орманға да келіп қалыппыз ғой.

(Тәрбиеші орман туралы сұрайды) Балалар, орманда бір дыбыс естілетін сияқты, бұл не болды екен. Балалар, бұл ормандағы жануарлардың дыбысы ғой. Олар бізді орманға кіргізу үшін бізге бірнеше тапсырмалар дайындап қойыпты, сендер сол тапсырманы орындай аласыңдар ма?

1-тапсырма аюдың тапсырмасы:

Тақтадағы үйдің үстіне қоянды, жанына кірпіні, сол жағына қонжықты қой деп тапсырма беру.

2- тапсырма түлкінің тапсырмасы:

Партаға биіктіктері әртүрлі емен ағашының суреттерін қойып, сның ішінде биіктігі бірдей ағаштарды параққа жапсыруға тапсырма беру.

3-тапсырма: Қасқырдың тапсырмасы:

Жоғарыда-төменде» 

Ойынның мақсаты: жоғары–төмен ұғымдарын пысықтау. Байқағыштықты, зейін, қиялды дамыту. 
Ойынның құрал-жабдықтары: құстардың, жануарлардың суреттері. 
Ойынның мазмұны: Бала қораптың ішінен бір суретті алып, атын атап, орнын анықтап үлкен суретке бекітеді. Мысалы, ұшақ жоғарыда аспанда ұшады, балық төменде су ішінде жүзеді. 

Сергіту сәті:

Бойды сергек тік ұста,

Емін-еркін тыныста.

Оң қолыңды соз алға,

Қол ұшына қарада,

Үшбұрыш сыз ауада.

Сол қол босқа тұрмасын,

Шеңбер жасап тынбасын.

Логикалық есептер шығару.

Бес алманың үшеуін,

Досың сұрап алады.

Айтшы сонда нешеуі,

Өз қолыңда қалады.

Санамақ

Бір дегенім бесік,

Шықтым содан өсіп,

Екі дегенім елім,

Өзен, тауым, көлім.

Үш дегенім үміт,

Үміт артар жігіт.

Төрт дегенім төрім,

Төзе білем өзім.

Бес дегенім бақыт,

Бағалайтын уақыт.

Дидактикалық ойын: «Қандай пішін жетіспейді?» 

Мақсаты: Геометриялық пішіндерді атай білуге үйрету. Қай пішін жетіспейтінін тапқызу. 
Көрнекілік: Геометриялық пішіндер. (Қораптан алу) 
Барысы: Тақтаға геометриялық пішіндер қойылады. Балаларға көздеріңді жұмыңдар деп, бір пішінді алып қояды. Балалар қай пішін жетіспейтінін табады. 

Саусақпен санап үйренейік

Бес кәмпитім көп еді,

Бір кәмпитім атаға,

Бір кәмпитім әжеге,

Бір кәмпитім мамаға,

Бір кәмпитім папаға,

Өзіме де жетеме.

Тәулік бөлігіне арналған «Бұл қашан болады» дидактикалық ойыны.

 
Ойынның мақсаты: тәулік бөліктері жайлы білімдерін бекіту; тәулік бөліктерін атауға, ажыратуға жаттықтыру. 
Ойынның құрал-жабдықтары: суреттер 
Ойынның мазмұны: Балалар кезектесіп суретті алып, тәуліктің қай бөлігі екенін айтады, сол сурет бойынша әңгіме құрайды. 

Балалар, сендер ормандағы жануарлардың барлық тапсырмасын өте жақсы орындадыңдар, сендерге ормандағы аңдар өте риза болды. Енді біз ормандағы аңдарды, құстарды білетін болдық.

Балалар, біздің балабақшаға қайтатын уақытымыз болды. Ендеше біз көлігімізге отырып өзіміздің балбақшаға қайтайық.

1 Тапсырманы қою стерлка

Рефлексивті коррекциялаушы

Оқу іс-әрекетін қорытып, балаларды мадақтау. Енді балалар , біз бүгінгі оқу іс-әркекетімізде қайда саяхатқа бердық?

-Орманда біз нелерді көрдік?

-Біз кімдердің тапсымасын орындадық?

-Біз қандай ұғымдармен таныстық?

Жарайсыңдар , балалар, біз кеңістікті бағдарлай отырып, үстіне қою, жанына қою,екі затты биіктігі бойынша салыстырдық.

Енді ғажап сөздерді екі тілде айтайық:

Орман-лес, жоғары-вверх, төмен-вниз.