Ашық сабақ. Қолтық ойындысын әдіппен өңдеу, 1 курс

Инклюзивті топта өндірістік оқыту сабағының жоспары Сабақ жоспары

№10 Жеке сұраныс бойынша барлық тігін түрлерін орындау. Сабақ тақырыбы: Қолтық ойындысын әдіппен өңдеу.

Сабақ мақсаты: Білімдік:оқушыларды қатаң технологиялық реттілікті сақтай отырып қолтық ойындысын әдіппен өндеу дағдысын қалыптастыру. Дамытушылық: оқушылардың кәсіби жылдамдық дағдысын дамыту Тәрбиелік:оқушыларды дайындаған бұйымдардың сапалы болуына үлкен жауапкершілікпен қарауға тәрбиелеу, мамандығына шығармашылық қызығушылығын арттыру.

Сабақ нысаны үлгісі:фронталды - топтық (оқушылар бір уақытта бірдей тапсырмаларды орындайды, өндірістік оқыту шеберінің барлық топқа басшылық жасауға мүмкіндігі болады)

Сабақтың түрі: еңбек тәсілдері мен операцияларын орындау сабағы.

Сабақта пайдаланған әдістер:

1. Ауызша баяндау- әңгімелеу, түсіндіру.

2. Демонстрациялық- үлгілер мен слайд көрсету.

3. Репродуктивті- еңбек тәсілдерін көрсету, бейнеролик,

4. Топшамалармен жұмыс

5.Сабақтың оқыту құралдарымен жабдықталуы:

Интерактивтік тақта

үлгілер

нұсқау картасы

слайдтар

манекен

ине, оймақ,

JUKI, JAKI, 51 кл машиналары

Әр түрлі жилеттердің үлгілері сабақтың мотивациясына

арналған- 5 дана.

Дайын жилеттің үлгісі – 1 дана.

Балалар жилетінің қолтық ойындысын әдіппен өңдеу кезеңдерінің

үлгілері- 6 дана.

Пәнаралық байланыс: тігін өндірісін жабдықтау, киім дайындау технологиясы, тігін өндірісінің материалтануы.

Сабақтың барысы:

I. Ұйымдастыру бөлімі: 3 мин

1. Оқушылармен амандасу.

2. Сабаққа қатыспаған оқушыларды белгілеу.

3. Жұмыс орындарын сабаққа дайындау.

II. Кіріспе нұсқау: 40 мин Оқушылардың жаңа тақырыпты қабылдауына дайындық Үй тапсырмасын қайталанған соң, жаңа тақырыпқа көшеміз

1. Қазір біздер қандай бұйым түрін тігіп жатырмыз?

2. Жилет кімдерге арналған?

3. Жилеттерді қандай мата түрлерінен дайындайды?

4. Жилет қандай пішім бөлшектерінен тұрады?

5. Иық тігісі неге екі машиналық тігімімен орындалады?

6. Тік және көлденең орналасқан бүкпелер қалай үтіктеледі?

7. Әдіп деген не?

8. Қатырма не үшін қажет?

«Көз қималына арналған» ойын

Берілген суретке қарап, жауап беріңіз. Қанша сары дөңгелектер, көк үшбұрыштар, қызыл төртбұрыштар және ақ ромбтар көрдіңіз?

Жаңа материалды түсіндіру.

Жилеттердің түрлері (сурет)

Жилетті әртүрлі вариантта пайдаланады, себебі ол ер адамдардың классикалық костюмі тройканың бір бөлігі.

XX ғасырдан бастап жилет арнайы киім ретінде пайдаланыла бастады, жасақтау(обмундирование)киім ретінде пайдаланды. Әскери адамды жилетсіз, күзетшіні, полицейскийді бронежилетсіз, рафтерді қорғайтын жилетсіз, МАИ қызметкерін сигналдық жилетсіз елестете алмаймыз.

Жағасыз, жеңсіз бұйымдарда мойын ойындысының қиықшасы және қолтық ойындысы шеттіктеу тігісімен өңделеді. Әдіпті мойын ойындысының әлде қолтық ойындысының формасымен пішеді. Жилеттің бағытымен әдіп сәйкес келуі керек.

Қауіпсіздік ережелерін қайталау.

Жұмыс кезінде қандай құралдар керек болады?(оймақ, қайшы, іс машинасы, үтік).

Енді қаупсіздік ережелерін қайталайық.

Жұмысты орындаған соң, сіздер топшаманы толтырасыз, өзіңізге және құрбыңызға баға бересіз.

Жұмысыңыз біткен соң, мен сіздерді бағалаймын.

Топшамалармен жұмыс «Орындалған үлгінін сапасын бағалау»

III. Ағымдық нұсқау: Жұмыс орнын қарау кезіне 4cағат 30мин

Қызметшілер орнын тексергенде, мынаған назар аударыңыз;

Қауіпсіздік ережелерін сақтау

Жұмыс орнын ұйымдастыру

Еңбек тәсілдерін технологиялық реттілігімен орындау.

IV. Қорытынды нұсқау: 20-25 мин

Өткен материалды бекіту

Тапсырманы қалай орындағанымызды тексерейік.

1. Біз бүгінгі сабақта немен айналыстық?

2. Қолтық ойындысын қалай өңдедік?

3. Қандай қиындықтармен кездестік?

4. Бағалау

Рефлексия

1.Сабақта не үйрендік?

2. Қандай жұмыстарды орындадық?

3. Бір- бірімізге ризашылығымызды білдірейік.

Үй тапсырмасы – Қолтық ойындысын әдіппен өңдеу тақырыбын қайталау

Сабақ аяқталды. Сау болыңыз.

Пайдаланылған әдебиеттер .

1.Силаева М.А. "Жеке тапсырыстар бойынша бұйымды тігу"

Москва- 2002ж.

2.Труханова А.Т. "Әйелдермен балалардың жеңіл киімдері технологиясы"

Москва- 2001 ж.

3.Б. Дүрманов, Х. Өтешова, Г. Байділдаева "Тігінші, пішуші, модельер"

Астана-2011ж. "Фолиант " баспасы

4.Қ. Кучарбаева, Т. Амреева, Г. Чмекеева "Киім пішу мен тігу"

Астана- 2010ж.