Ашық сабақ Қыстырма сөздер 3 сынып

Мұғалімнің аты-жөні:

Ермухамбетова Жанар Закарьяновна

Пән/Сынып:

3-сынып

Қай аптаның нешінші сабағы

6-апта 22-сабақ

Тарау немесе бөлім атауы:

Жақсыдан үйрен, жаманнан жирен

Сабақтың тақырыбы:

2. Қыстырма сөздер (Оқулық 47 бет, «Атамұра» баспасы, 2018ж.)

Оқу мақсаты:

3.1.3.1 түрлі жағдаяттағы (қоғамдық ортада) қатысымдық əрекеттерде өз сөзін жүйелі түрде жоспарлап, тілдік нормаларды сақтап сөйлеу;

3.3.7.1 қаратпа, қыстырма сөздерді ажырату жəне тыныс белгілерін дұрыс қою.

Бағалау критериі:

Өз ойын жүйелей отырып, диалогке қатысады. Тілдік нормаларды сақтап сөйлейді.

Қыстырма сөздерді ажыратады . Қыстырма сөздердің тыныс белгілерін қояды.

Саралап оқыту тапсырмалары

Ұжымдық жұмыс

Жаңа тақырыптың түсіндірілуі

Бірлескен жұмыс (1,2 тапсырма)

Тапсырманы ұсыну және дұрыс жауапты ұсыну арқылы үйрету

Жеке жұмыс

Тапсырманы ұсыну, оқушылар өз бетімен орындауы

Уақыты

Кезеңдері

Тапсырма

Тапсырманың мақсаты

Бағалау

Ресурстар

1 минут

Ұйымдастыру

-Сәлеметсіздер ме, балалар!

Сабағымыздың тақырыбы: «Қыстырма сөздер»

Бүгінгі сабақта:

Білетініміз:

• «Қыстырма сөздер» туралы.

Меңгеретініміз:

• Қыстырма сөздерді ажырата аласың;

• Қыстырма сөздердің тыныс белгілерін қоюды үйренесің.

Презентация Слайд 1-2

8 минут

Жаңа сабақ

(Оқулық 47 бет, «Атамұра» баспасы, 2018ж.)

12- жаттығу. Өлеңді мұқият тыңда.

Жақсы мен жаман

– Жақсы деген немене?

– Әдеп пенен өнеге:

Үлкендерді сыйлауың,

Ақыл сөзін тыңдауың.

– Жаман деген немене?

– Жаман деген жақсы емес,

Жей қоятын тәтті емес:

Жақсы істерді көрмеуің,

Кішіге көмек бермеуің.

Абдырахман Асылбековтен

Өзіңді тексер!

• Өлең не туралы? Өлең мазмұнын өз сөзіңмен айтып бер.

а) Жақсы және жаман әдеттер туралы

• Жақсы мен жаман қылықтар туралы талқылайық.

Талқылау барысында қыстырма сөздерді пайдаланамыз.

Үлгі: Меніңше, үлкендерді сыйлау – жақсы қасиет.

- жақсы қасиет.

Меніңше,

көмектесу

еріншектік

- жаман қасиет.

Сірә,

өтірік айту

Бәлкім,

еңбекқорлық

-Бұл жерде қыстырма сөздер: меніңше, сірә, бәлкім.

Қосымша:

Мүмкін, қамқорлық, адалдық, әдептілік, мейірімділік – жақсы қасиеттер.

Сірә, ренжіту, сыйламау, мақтаншақ, жалқаулық- жаман қасиеттер.

• Өлең мазмұнын ашатын мақалдарды тауып айтыңыз.

а) Жақсыдан үйрен,

Жаманнан жирен.

ә) Жақсының жақсылығын айт - нұры тасысын,

Жаманның жамандығын айт - құты қашсын.

Жаңа тақырыпты меңгеру

Бағалау критерий-лерін ұсыну.

Жақсы мен жаманды ажырата алады

1.Қыстырма сөздерді орынды қолдана алады.

2.Жақсы қасиеттерді атайды.

3.Жаман әдеттерді атайды.

4.Өлең мазмұнын ашатын мақалдарды айтады.

Презентация Слайд 3

Слайд 3

Слайд 4

Слайд 5

8 минут

Тәжірибе

(Оқулық 47 бет, «Атамұра» баспасы, 2018ж.)

14- жаттығу. Сөйлемдерге тиісті тыныс белгіні қойып, көшіріп жазып, өз мұғаліміңізге жіберіңіз.

1. Ол шынында да жақсы бала. 2. Рас ол өте көп

біледі. 3. Бұл тапсырманы орындамағансың-ау сірә.

• Қандай тыныс белгісін қойдыңыз? Неліктен?

1. Ол шынында да, жақсы бала. 2. Рас, ол өте көп

біледі. 3. Бұл тапсырманы орындамағансың-ау, сірә.

Өзіңді тексер!

Қыстырма сөздің тыныс белгісі.

а) нүкте

ә) үтір

б) сұрақ белгісі

• Ойыңды дәлелдеуді үйрен:

Бұл – қыстырма сөз, өйткені …

- Сөйлемдегі ойға сөйлеушінің әр алуан көзқарасын

білдіретін сөздер болғандықтан. Мысалы: сену, мақұлдау, күмәндану т.б.

- Қыстырма сөздің тыныс белгісі – үтір.

Қыстырма сөз:

-сөйлем басында келсе, одан кейін;

-сөйлем ортасында келсе, екі жағынан;

-сөйлем соңында келсе, алдынан үтір қойылады.

Жаңа тақырыпты тәжірибе арқылы меңгеру

1.Сөйлемдерге тиісті тыныс белгіні қоя біледі.

2.Ойын дәлелдей алады.

Презентация

Слайд 6

Слайд 7

Слайд 8

3 минут

Бекіту

15 – жаттығу.

Бауыржан түскі үзілісте асханаға барды. Адам

көп екен. Кезекте тұрғандардың арасына кимелеп кіріп

кетті. Кезекте тұрғандар реніш білдіріп, Бауыржанға

жаратпаған кейіп танытты. Бірақ Бауыржан түк естімегендей тұра берді. Бауыржанның орнында сен болсаң, не істер едің?

Өзіңді тексер!

а) Мүмкін, кешірім сұрап, кезекке тұру керек.

ә) Меніңше, реніш білдіріп, сыныпқа кетіп қалу керек.

б) Бауыржан сияқты түк естімегендей тұра беру, меніңше, дұрыс емес.

• Қыстырма сөздерді тап.

• Неліктен ол қыстырма сөздер деп ойлайсың?

Сабағымызды қорытындылайық. Өзіңізді өзіңіз бағалаңыз. Әр сөйлем бойынша өзіңізге смайлик арқылы баға беріңіз:

• Қыстырма сөздерді ажырата білдім;

• Қыстырма сөздерді сөйлемде дұрыс пайдалануды үйрендім;

• Қыстырма сөзді үтір арқылы анықтауды үйрендім.

Сабақ аяқталды. Сау болыңыздар!

Тақырыпты меңгергенін анықтау

1.Берілген мәтінге өз ойын білдіреді.

2.Қыстырма сөздерді табады.

Презентация

Слайд 9

Слайд 10

Слайд 11