Мақсаты: қиянат жасамау құндылығының мәнін ашып, адамның сыртқы сұлулығы мен ішкі жан сұлулығының үйлесімділігін түсіндіру.

Міндеттері:

- оқушыларды сыртқы сұлулық пен жан сұлулығын тани білуге, айналаға кішіпейіл болуға үйрету;

- оқушыларды сұлулық пен әсемдікке баулып,қамқорлық қасиетін дамыту ;

- оқушыларды мейірімділікке, тәрбиелеу.

Ресурстар:(түрлі-түсті бояулар,әуен)

Сабақ барысы:

1. Ұйымдастыру кезеңі: 5 «Т» сақталуы

2. Тыныштық сәті. «Нұрға бөлену» (үнтаспадан баяу әуен қосылып тұрады).

Ыңғайланып отырып, денелеріңізді түзу ұстаңыздар.

Елестетіп көріңіз: Күн нұры сіздің төбеңізден өтіп, кеудеңізге қарай бойлап барады. Кеудеңіздің орта тұсында гүл түйнегі орналасқан. Гүлдің түйнегі нұрдан баяу ашылып келеді. Балғын және таза әсем гүл сіздің әр ойыңызды, әр сезіміңізді, эмоцияңыз бен тілек- қалауыңызды шайып, жүрегіңіздің қауызын ашты. Нұр сәулесі сіздің бойыңызға ақырын тарай бастағанын елестетіңіз. Ол біртіндеп күшейе түсуде. Оймен осы нұрды қолдарыңызға түсіріңіз. Сіздің қолдарыңыз нұрға бөленіп, сәуле шашуда. Қолымыз тек жақсы, ізгі істер істейді және баршаға көмектеседі. Нұр аяқтаңызға тарады. Аяқтарыңыз нұр сәулесін шашуда. Олар сізді тек жасау үшін жақсы жерлерге апарады. Олар нұр мен махаббат құралына айналады.

Одан әрі нұр сіздің аузыңызға, тіліңізге тарады. Тіліңіз тек шындықты және жақсы, ізгі сөздер ғана айтады. Нұрды құлақтарыңызға бағыттаңыз, құлақтарыңыз тек жақсы сөз бен әсем әуенді ғана естиді. Нұр көздерімізге де жетті, көздеріміз тек жақсыға қарап, бәрінен жақсылықты ғана көреді. Сіздің басыңыз түгелдей нұрға бөленіп, басыңызға тек ізгі, сәулелі ой келеді. Осы нұрды бүкіл әлемге бағыттаңы.

Үй тапсырмасын тексеру

18-19 беттегі 4-сабақта берілген Б. Айтуқызы «Ерік-күшің мықты болсын» атты мәтінді оқу берілген.

Мәтін бойынша сұрақтар:

- Думанның ісі неге оңға баспады?

-өзіне талап қоя білу дегенді қалай түсінесіңдер?

- өздерің кімнен ақыл сұрайсыңдар?

Ескерту

Дәйексөз

Сабақтың дәйексөзі ретінде Мұхтар Әуезовтың айтқан нақыл сөзін оқушыларға ұсыну.

Адам өзінің жанын ұсақ уайым, болымсыз қам-қаракет дертімен былғанудан сақтауы керек.

     Дәйексөздің мағынасын қалай түсінесіңдер?

Берілген дәйексөзді оқушылар бәрі бірігіп оқиды.

Мұғалім оқушылардың жауабын тыңдаған соң қорытындылайды.

Әңгімелеу

Тамыр

(өсиет әңгіме )

Бір орманның жанындағы өзеннің жиегінде ағаштар өсетін еді, олар күшті және биік өсуге және әдемі гүлдері мен қалың жапырақты болулары үшін бар күштерін жұмсайтын.
Әлбетте, олардың тамырды дамытуға күштері қалмады, олар үшін биіктік пен сұлулық маңыздырақ болып көрінді…
Сол өздерінің биіктігімен және үлкен гүлдерімен тамсандырған ағаштардың арасында гүлсіз, кішкентай лавр ағашы өсетін.
Ол бар күшін тамырға жұмсады.
Барлығы оның үлкен әрі әдемі гүлдері, алып бойы болмағандықтан, мазақ етіп күлетін.
«Лавр! Сен бар күшіңді несіне тамырға жұмсайсың, бізге қарасаңшы. Біз бәріміз үлкен жапырақтармыз, хош иісті гүлдерміз, бізді биіктігіміз үшін мақтайды».
Ал лавр болса былай жауап беретін:
«Мен одан да өз күшімді тамырыма жұмсаймын: өсемін және маған мұқтаж болғандарға өз жапырақтарымды беремін».
Бірақ бәрібір де басқалары оған күлуден жалықпады.
Бірде қатты жел соғып, сол ағаштар тамырлары әлсіз болғандықтан кұлап қалды. Ал лавр болса, тек бір-екі жапырағын ғана жоғалтқаны болмаса, аман қалды.
Сол кезде ғана, басқалары қиын сәттерде бізді сыртқы келбетіміз бен түріміз емес, тамырымыздағы, жүрегіміздегі, жан-дүниеміздегі күшіміз сақтап қалатынын түсінді.

Талқылау сұрақтары:

- өсімдіктер, мен ағаштар нені маңызды деп санады?

- лавр ағашынан қандай қасиеттерді байқадыңдар?

- лавр ағашы өзінің өсуінде неге көбірек мән берді?

- сыртқы сұлулығы мен ішкі жан сұлулығы үйлесімді адам ретінде кімдерді айтар едіңдер?

Шығармашылық жұмыс. Топтық жұмыс. Үш топқа бөлу.

А.С. Пушкиннің «Сказка о мертвой царевне и о семи богатырях» мультфилімінен үзінді көрсету.

І-топ: ертегідегі кейіпкерлерге салыстырмалы сахналық көрініс қою.

ІІ- топ: кейіпкерлердің мінездерін табиғат құбылыстарына балап түсіндіру.

ІІІ- топ: жағымсыз кейіпкерді анықтап, оның бойындағы жаман қасиеттерді түзету үшін жоспар құру.

Топпен ән айту.

Жақсы адамдар

Әні мен сөзі: А. Оралов

Сендер аман болыңдар жақсы адамдар,

Жақсы адамдар – бұзылмас тас қамалдар.

Табаныңның астында жатады әлі

Пенделіктен өресі аспағандар

Қайырмасы:

Жақсы адамдар, жақсы адамдар,

Сендер аман болыңдар жақсы адамдар.

Жақсы адамдар, жақсы адамдар,

Сендер аман болыңдар жақсы адамдар.

Жақсы адамдар.

Жақсы көрем сендерді жақсы адамдар,

Жүрегіңде өйткені аппақ ар бар.

Сендер жайлы шырқалар асқақ ән бар,

Жолы болсын ақ ниет бар адамдар!

Қайырмасы:

Жақсы адамдар, жақсы адамдар

Күйіп кетсін көре алмас бәтшағарлар

Жақсы адамдар, жақсы адамдар,

Жолы болсын ақ ниет бар адамдар!

Жақсы адамдар.

Сендер жайлы шырқалар асқақ ән бар,

Жолы болсын ақ ниет бар адамдар!

Сендер аман болыңдар жақсы адамдар,

Қарап өтсін сендерге басқа жандар.

Қайырмасы:

Жақсы адамдар, жақсы адамдар

Қарап өтсін сендерге басқа жандар

Жақсы адамдар, жақсы адамдар

Қарап өссін сендерге басқа жандар

Жақсы адамдар.

Жақсы адамдар, жақсы адамдар,

Сендер аман болыңдар жақсы адамдар.

Жақсы адамдар, жақсы адамдар,

Сендер аман болыңдар жақсы адамдар.

Жақсы адамдар.

Үй тапсырмасы. 33-34 беттердегі 5-сабақта берілген М.Ауезовтың «Тоғжан ауылында» мәтінін оқу. Дәптердегі 2 тапсырманы орындау.

Сабақтың соңғы тыныштық сәтi. Баяу музыка қойылады.

Балалар, бүгінгі сабақтан білімімізді ойға түйіп, алған жақсы қасиеттерді жүрегімізге сақтайық. Рахмет! Сау болыңдар.