Ашық сабақ Төрт түлік мал 3 сынып

Ұзақ мерзімді жоспардың тарауы:

Жанды табиғат

Сынып: 3

Қатысқандар:

Қатыспағандар:0

Сабақтың тақырыбы:

Төрт түлік мал

Осы сабақта қол жеткізілетін оқу мақсаттары (оқу бағдарламасына сілтеме)

3О.3.3.3.1 Мәтіннің жанрын (әңгіме,тұрмыс-салт жырлары, бата, мақал-мәтелдер) ажырату,

баяндау/ сипаттау мәтіндерін анықтау.

3Ж.3.4.1.1 Тірек сөздер, сызбалар, суреттер, символдарды қолдана отырып, мәтін құрастыру постер құру.

3Т.Б. 3.5.1.2 Өз бетінше шағын мәтіннен көптік/ тәуелдік/септік/жіктік жалғаулы сөздерді ауызша және жазбаша тілде қолдану.

Сабақ мақсаттары

Барлық оқушылар орындай алады:

«Төрт түлік мал» мәтінінің жанрын ажыратады, сипаттау мәтіндерін анықтайды.

Тірек сөздерді қолдана отырып,постер құрастырып, жазады.

Өз бетінше мәтіннен көптік жалғаулы сөздерді сөз тіркестерінде қолданады.

Оқушылардың көпшілігі орындай алады:

Төрт түлік тақырыбы бойынша диалог құрастырады

Кейбір оқушылар орындай алады:

«Төрт түлік мал» тақырыбына бес жол өлең жазады

Бағалау критерийі

«Төрт түлік мал» мәтінінің жанрын ажыратады, сипаттау мәтіндерін анықтайды

Тірек сөздерді қолдана отырып, постер құрастырады.

Өз бетінше мәтіннен көптік жалғаулы сөздерді сөз тіркестерінде қолданады.

Тақырып бойынша диалог құрастырады.

«Төрт түлік мал» тақырыбына бес жол өлеңді жазады

Тілдік мақсаттар

Оқушылар орындай алады:

Мәтінінің жанрын ажыратып, сипаттау мәтіндерін анықтайды.

Тірек сөздерді қолдана отырып, постер құрастырады.

Өз бетінше мәтіннен көптік жалғаулы сөздерді сөз тіркестерінде қолданады.

Тақырып бойынша диалог құрастырып,

«Төрт түлік мал» тақырыбына бес жол өлеңді жазады

Пәнге қатысты сөздік қор мен терминдер:

түйе,шұбат,төрт түлік мал,шөл, торпағым

Диалог құруға/шығарма жазуға арналған пайдалы тіркестер:

ақ сүт, төрт түлік, үй жануарлары, жануарлардың пайдасы

Талқылауға арналған сұрақтар: :

Қандай үй жануарларды білесің?

Төрт түлік малды ата?

Сиырдың пайдасы қандай?

Төрт түліктен қандай өнім алынады?

Не себепті төрт түлік малды асырайды?

Құндылықтарға баулу

«Мәңгілік ел» жалпыұлттық идеясының

«Жалпыға бірдей еңбек қоғамы» тармағы.

Оқушыларды төрт түлік малдың қасиетін білуге тәрбиелеу.

Пәнаралық байланыс

Тарих, өлкетану

Алдыңғы оқу

Төрт түлік малдың түрлерін біледі

Жоспар

Жоспарланған

уақыт

Жоспарланған жаттығу түрлері

Ресурстар

Сабақтың басы

7мин

2мин

3мин

I.Ұйымдастыру кезеңі.

Ынтымақтастық орта қалыптастыру.

«Сен қайдасың?» әдісі арқылы оқушылар іс-қимыл арқылы амандасады.

-Сәлем достым(қол беріп амандасады)

-Сен қалайсың?(иықтарын қағады)

-Қайда болдың? (құлақтарын тартады)

-Мен сені сағындым (қолдарын жүрекке қояды)

-Сен келдің! (қолдарын жаяды)

-Жақсы болды (қатты құшақтайды)

2.Топқа бөлу.Оқушыларды пазлдар арқылы үш топқа бөлу, оқушылар үстелдің үстінде жатқан «түйе», «жылқы», «сиыр» бейнеленген суреттерді таңдап, үш топқа бөлінеді.

1 – топ: Жылқы

2 – топ: Сиыр

3 – топ: Түйе

Қызығушылықты ояту үшін «Ыстық микрофон» әдісі арқылы өткіземін.

Интебелсенді тақтада көрсетілген суреттер арқылы, үй жануарларын еске түсіреді. Суреттер бойынша әр топ берілген сұрақтар бойынша жауап берді.

-Суретте нелерді көріп отырмыз?

-Үй жануарларына не жатады?

-Үй жануарларының адамға қандай пайдасы бар?

-Олар неге үй жануарлары деп аталады?

-Осы суреттерге қарап сабағымыздың тақырыбы қандай болады?

Мұғалім сабақтың тақырыбы, мақсаттары мен бағалау критерийлерімен таныстыру.

Сабақтың ортасы-26 мин.

8мин

10мин

8 мин

1 тапсырма. Ж

«Данышпан үкі» әдісі арқылы оқулықтан мәтінді оқиды, мәтіннің жанрын ажыратады, мәтіннен үй жануарларын сипаттап, анықтайды.

Дескрипторлар:

• Мәтінді оқы.

• Жанрын ажырат.

• Мәтіннен үй жануарын сипаттап, анықта.

ҚБ. «Шапалақ» әдісі» (оқушылар бір бірін бағалайды)

2 тапсырма. ТЖ

«Коллаж» әдісі арқылы тірек сөздерді қолдана отырып, постер құрастырып, жазады.

Тірек сөздер: ақ сүт,үй жануарлары, қымыз,шұбат, ет, пайдалы жануар, жайлауда жайылады, ірімшік, айран,

Дескрипторлар:

• Тірек сөздерді қолдан.

• Постер құрастыр, жаз.

ҚБ. «Мадақтау» арқылы (топ бір-бірін бағалайды).

3 тапсырма. ЖЖ «Түртіп алу» әдісі арқылы өз бетінше мәтіннен көптік жалғаулы сөздерді сөз тіркестерінде қолданады.

Тақырып бойынша диалог құрастырады (көпшілігі).

Керекті сөздер: түйе,шұбат,төрт түлік мал,шөл,пайдалы.

«Бес тармақ» әдісі бойынша

бес жол өлең жазады (кейбіреуі).

Керекті сөздер: түйе, шұбат, шыдамды, өнімді.

Дескрипторлар:

• Көптік жалғаулы сөздерді тап.

• Сөз тіркестерінде қолдан.

• Диалог құрастыр.

• Бес жол өлең жаз.

ҚБ. «Бағдаршам» арқылы (жұпта бір-бірін бағалайды).

мәтін

Сабақтың

соңы 7 мин

4 мин

3 мин

Ойын «Жануарларды тап та көрсет»

Балалардың байқампаздық қасиеті,есте сақтау қабілеттерін дамыту,шапшаңдыққа баулу. Тақтада көрсетілген жануарлардың төлдерін сызық сызу арқылы сабақты бекіту

Дескрипторлар:

-Жануарларды көрсет.

-төлдерді сыз

ҚБ «Бас бармақ» (жұп бір- бірін бағалайды)

Кері байланыс:

«Ет тартқыш» әдісі арқылы

«Төрт түлік» тақырып бойынша алған керекті ақпараттарды чемоданның тұсына жазса, ал әлі де оқуым керек, толықтыруым керек дегендері болса, еттартқыштың тұсына жазады. Сонымен қатар керек емес болған, артық дүниені қоқыс жәшігінің тұсына жазады. Осылайша мұғалім өткен сабақтан қандай білім алғанын біледі.

-Чемодан (маған қажет)

-Еттартқыш (қайта қарастыру қажет)

-Қоқыс жәшігі (маған қажет емес)

Өз көңілді күйлерін бейнеленген стикерге сабақтан алған әсерлері мен ұсыныстарын жазу тапсырылады.