Сыныбы: 8

Тақырыбы: Үшқырлы ойық өрнек

Мақсаты:

1.Білімділігі:Оқушыларға үшқырлы ойық өрнек туралы жалпы мағұлмат

беру.

2.Дамытушылығы: Үшқырлы ойық өрнек туралы ой-өрісін дамыту

3.Тәрбиелігі:Оқушыларды ұқыптылыққа, тазалыққа, үнемділікке,

икемділікке тәрбиелеу.

Көрнекілік: Плакаттар

Құрал-жабдықтар: Құралдар жиынтығы

Сабақ түрі: Жаңа сабақ

Сабақ әдісі: Түсіндіру, сарамандық жұмыс.

Сабақ барысы:

І.Ұйымдастыру кезеңі

а)оқушыларды түгендеу

ә)сабаққа дайындығын тексеру

ІІ.Жаңа сабақ

Геометриялық үшқырлы ойық өрнекті (үшбұрышты ойық) орындау технологиясы:

1.Теңбүйірлі үшбұрыштардан құралған өрнектің төбесін ойықтың түбіне қарата ою.

2.Шаршы ішіндегі тең қабырғалы үшбұрыштардың төбелерін қйыұтың ортасына қарай тереңдете ою.

3.Тең қабырғалы үшбұрыштардың табандарын батыра ою.

Ал үшбұрыш ағаш талшығының ұзына бойына паралелль түссе, пышақты бас бармақтың көмегімен демеп қана көлбеу тереңдігін оңай алуға болады. Ағаш талшығын кесуде ойық ішінде пышақ өзіңе қарай немесе өзіңнен әрі қарай жүргізіледі. Геометриялық үшқырлы өрнектің қарапайым түрін меңгергеннен кейін үшбұрыштарды әр алуан түрде композициялық бейне құрастырып панно ойып шығаруға болады.

Тегіс тақтаның бетіне өрнек салуды, шығыңқы етіп мүсіндік бейнелердің жартылай көмегін мүсіндеуді, яғни ағашқа бедерленетін барельфті бедерлі ою деп атайды.

Мөлтек ағаштан тұтас шабылатын келі – келсап, аяқ – табақ, саптыаяқ, ожау сияқты бұйымдарды жасау тәсілін жұмырлап ою дейді.

Бедерлеп оюдың өзін де орындалу тәсілдеріне қарай бірнеше түрге ажыратуға болады. Егер тақтаға өрнек жосығы тіліп түсірілсе – жосықтау деп, ал қашау ізі тік салынса – қиып ою деп, қашау жүзі көлбеу салынып, нұқи ойылса – кертіп ою деп аталады.

Ағашқа ою салған кезде, жөке ағашын пйдаланған дұрыс. Ол жұмсақ әрі өңі біркелкі. Жөке болмаса, қаттырақ қайың да оюға ыңғайлы.

Ағаш бұйымдарын көркемдеп өңдеу мынадай шаралар арқылы жүзеге асырылады:

-бұйымның негізін талаптарға сай тазалау;

-бұйымның барлық бөліктеріне өрнектерді жоспарлау (жоспарланған өрнектердің үлгілерін жасау);

-өрнектерді кесу;

-бұйымдарды бояу, оған әр беру;

-боялған бұйымды тазалау;

-бұйымды лактау.

ІII. Машықтық жұмыс

Оқушыларды машық барысында тақтай бетіне геометриялық өрнек салып ойып дайындау, қадағалап жүру түсінбеген жерлері болса түсіндіру.

IV.Сабақты қорытындылау, бағалау

V.Жұмыс орнын жинау