Балабақшамен қоштасу

Қош бол, балабақша!

Қымбатты ата-аналар, балабақша балапандары! Кеше ғана көздері жаутаңдап, балабақша табалдырығын аттаған кішкентай бүлдіршіндеріміз бүгін балабақшамен қоштасқалы тұр. Біздің балабақша-мәңгілік сәби күлкісі үзілмейтін бақытты шаңырақ.

1-жүргізуші: Өсті ақыл-ойларың,

Өсті, міне, ойларың.

Қуанышқа ортақпын,

Құтты болсын тойларың,-

деп балабақшамен қоштасатын түлектерді ортаға шақыралық:

Топтың сабырлы да ұяңдысы- Мұхаметжан Досжан

Білімді де жан-жақты қызымыз-Төлеу Айым

Сүйкімді жігітіміз-Трибус Дамир

1-жүргізуші: Өтті міне, сан сабақ

Бүгін үлкен салтанат

Балабақшамен қоштасып,

Мектеп өмірін бастамақ.

Оқулықпен достасып,

Уақытқа бол ұқыпты.

Оқып, жазып, санап сен

Мектептің бол шәкірті,- кезекті балабақша түлектеріне берейік

Досжан: Балабақша есігін

Үшке тола ашқанбыз.

Балапандай өсіріп,

Мәпелейді бақшамыз.

Айым: Бұл-екінші үйіміз,

Бір тұрғанбыз бәріміз.

Біз-осы үйдің гүліміз,

Біз-осы үйдің сәніміз.

Дамир: Балабақшам, қош енді,

Әр кез аман бол деймін.

Атам менен апамды,

Ертіп енді келмеймін.

Досжан: Мектепке ертең барамыз,

Оқимыз сауық құрамыз.

Қашықта та болмас арамыз,

Сіздерге келіп тұрамыз.

Айым: Бұл- құшағы тым ыстық,

Мектебіміз бастапқы.

Мұнда жақын туыстық,

Мұнда жақын дос таптық.

Дамир: Дайын,қағаз,қаламым,

Бояу таңдап аламын.

Ақ көгершін, көк аспан

Суретін мен саламын.

1-жүргізуші: Бишілерде өнер көп,

Билейді биді мәнерлеп.

Көңілді күйді көріңіз,

Өнерге баға беріңіз,-деп сендердің ізбасарларың, осы топтағы

балалардың өнерлерін тамашалайық.

-Ән «Балбөбектер» орындайтын хор.

Үлкендерді сыйлайтын,

Қолқанат боп тынбайтын

Біз балбөбек баламыз,

Еңбек сүйгіш боламыз.

Мектепке де баратын

Өнер- білім алатын

Біз балбөбек баламыз

Оқуда озат боламыз.

Достасуды білетін

Өз Отанын сүйетін

Біз балбөбек баламыз

Еңбек сүйгіш боламыз.

Дайым сергек жүретін,

Билеп, ойнап күлетін.

Біз балбөбек баламыз,

Шат көңілді боламыз.

1-жүргізуші: Бишілерде өнер көп,

Билейді биді мәнерлеп.

Көңілді күйді көріңіз,

Өнерге баға беріңіз,-деп балаларымыздың вальс биін қабыл алыңыздар.

Біз бақытты баламыз,

Үлкеннің тілін аламыз.

Оларға көмектесеміз

Келгенше шамамыз.

Біз бақытты баламыз,

Әсемдеп сурет саламыз.

Қорғайды бізді күллі әлем,

Әлпештеп ата - анамыз.

Біз бақытты баламыз,

Өссін деп ой - санамыз,

Үлкендерден үйреніп,

Үлгі өнеге - аламыз.

Біз бақытты баламыз,

Қағаз, қалам аламыз,

Тәрбиешіміз үйреткен

Әріптерді жазамыз.

Біз бақытты баламыз,

Мектепке енді барамыз.

Оқып білім аламыз

Секілді әпке, ағамыз.

Біз бақытты баламыз,

Балабақшаға барамыз.

Құрбылармен танысып,

Ойнап асыр саламыз.

Біз бақытты баламыз,

Би билеп, ән саламыз.

Құс болып қанат қағамыз,

Міне, былай, қараңыз.

Біз бақытты баламыз,

Түрлі өнер табамыз.

От боп лаулап жанамыз,

Міне, былай, қараңыз.

Біз бақытты баламыз,

Қолға қамшы аламыз.

Мініп ойыншық аттарға

Жоғары, төмен шабамыз.

Біз бақытты баламыз,

Ақпыз, сары, қарамыз.

Тату тәтті достармыз

Қыл өтпестей арамыз.