Ауыл тарихы Мырзашөлдің өткеніне үңілсек өңірді кешенді игеру жобасын Георгий Константинович Резинкоф жасады. Өз заманындағы озық көзқарастағы білімді ғұлама- император Мырзашөлді игеру - тарихта белгілі орын алатынын құжаттар арқылы растайды. 1911-1916 жылдары Резинкоф мырзашөл алқабын суландыру құрылыстарының жобалау, іздестіру тобын басқарды. Сырдарияға тоған салып, ағын судың алдын бөгеу мәселесін шешіп дария суын көтерді. 1918 жылы В.И.Ленин Түркістан өлкесін суландыруға 50 сом қаражат бөлу осы жұмыстарды ұйымдастыру туралы декретке қол қойды. 1918 жылы осы аймақтың барлық мекемелерінде Кеңес үкіметі орнап, мырзашөлді игеру одан әрі жалғасын таба бастады. Суармалы жерлердің ауқымы да көбейе түсті. Иіржар «Мақтарал» ауданындағы К-18 су реттегіш төңірегінде ауыл шаруашылығы және суармалы жерлердің игерілуі нәтижесінде 14 колхоз құрылды. Солардың ішінде «1-Май», «Октябрь», «Ворошилов», «Интернационал», «Еркінабад», «Алғабас колхозы» да бар. 1928 жылы Мақтарал ауданында « Алғабас» колхозы ұйымдастырылды. «Алғабас» колхозы ұйымдастырылған кезден бастап , мақта егіп одан мол өнім алуымен бүкіл елімізге таныла бастады. Осы ауылды ұйымдастырушылардың бірі . Оны одан әрі қарай көркеюіне үлес қосқан кісілердің бірі-Жұмабеков Мүсәлі Жұмабекұлы . Ол 1905 жылы өмірге келген. 1928 жылы Түркістаннан Мақтаралға көшіп келді. Партия шақыруымен еңбекшілердің жағдайын көтеруге, егістік жерлерді игеруге, мақта шаруашылығын одан әрі дамыту мақсатында 1932 жылдан бастап, «Алғабас» колхозының правление бастығы болды. 1963 жылдан ауыл советінің председателі қызметіне көтерілді. 1964-1965 жылдары товарлы - мал фермасында меңгеруші, 1965-1972 жылдар арасында С.Сейфуллин қазіргі «Береке» жалпы орта мектебінде шаруашылқ бөлімін басқарды. Үкімет пен Партия көп жылдар істеген еңбегін бағалап «Ленин» және «Отан» соғысының» 1-ші дәрежелі орден, медальдарымен, бірнеше Құрмет грамоталарымен марапатталды. Адал еңбегі үшін Сталиннің өз қолынан грамота алған. Қазақ ССР компартиясының бірінші съезіне, Қазақстан Коммунистік партиясының 40 жылдық мерекесіне қатысты. Ұлы Отан соғысы кезінде майданға азық-түлік киім-кешек дайындауға халықтың бірлігін, тұтастығын сақтауға аянбай еңбек етті. 1976 жылы 71 жасында ұзаққа созылған аурудан дүниеден өтті. Оның ерен еңбегін есте сақтау үшін қазіргі кезеңде Алғабас ауылының орталық көшесіне сол кісінің есімі берілген. Соғыс жылдарында Алғабас колхозы көптеген ұлттар мен ұлыстардың құт мекеніне айналды. Күштеп қоныс аударылған грек, неміс, азербайжан, татар,т.б ұлттарды қазақтар өз туған бауырларындай қарсы алып, қиыншылықтарымен бөлісті. Оларды тамақ пен киім-кешекпен қамтамасыз етті. Ұлы Отан соғысы жылдарында ауылдың көптеген азаматтары елді қорғауға аттанды. Олардың арасында О.Алдыбаев, Ш.Абдуллин, С.Кульчиков, И.Біржекеев, Н.Кесікбаев, М.Мамедов, А.Гаджиев, Т.Изкенов, Ж.Бакенов, Ә.Намазбаев т.б азаматтар соғыстағы ерліктері үшін орден, медальдармен марапатталып елге аман - есен оралғаннан соң, Алғабас колхозыныың өркендеуіне көп үлес қосты. Соғыс кезеңіндегі ауылдан кеткен азаматтардың ерлігін ұмытпау мақсатында 1975 жылы Москвадан арнайы тапсырыспен архитекторлар Ұлы жеңістің 30 жылдық мерекесіне байланысты ескерткіш салынып, 9-Мамыр Жеңіс мерекесіне салтанатты түрде ашылды. Алғабас колхозын 1958-1986 жылдары Ұлы Отан соғысының ардагері Оразғали Алдыбаев басқарды. 1958 жылы ол аудандық партия коммитетінің нұсқауымен Алғабас колхозына басқарма болып келді. 1966 жылы мақтаның әрбір гектарынан 22 центнерден мақта алынса, бұл көрсеткіш 1977 жылы әр гектардан 43 центнерге көтерілді. Осындай еңбектегі табыстары үшін оған Социалистік Еңбек ері атағы берілді. 1970-1980 жылдары Алғабас ауылында 10 жылдық мектеп, балалар бақшасы, монша, медпункт, магазин жаңа үлгіде салынды. Көшелерге тас жол төселді. Алғабас колхозының ауыл шаруашылығында жеткен жетістіктері КСРО астанасы - Москва қаласындағы «ВДНХ»-да Бүкілодақтық Халық шаруашылық көрмесінде алтын әріптермен жазылды. Ауыл шаруашылығында көптеген азамттар, мақта бригадерлері: Кульчиков. С, Тұрсынханов. Ш, Мырзабеков. М, Алтынбеков. Ә, Өмірбаев. Д, Иізкенов. Т. т.б азаматтар еңбектеріндегі жақсы нәтижелері үшін орден, медальдармен мемлекет тарапынан марапатталып отырды. Көптеген механизаторлар: Швайгерд. И, Жұмаев. Ш, Мырзақұлов . Ө, Елшібаев. Б, Жораев . Қ, Қарақұлов. Ж, Алмұхамедов. А. т.б азаматтар мақта саласында аянбай еңбек етіп , мемлекет тарапынан орден, медальдармен марапатталды. Мақта саласында колхозшы Шайханова Ұлжалғас 1974 КСРО-ға депутат болып сайланды. Механизатор Жумаев Ш, мақта саласындағы жетістіктері үшін «ВДНХ»-да Бүкіл одақтық Халық шаруашылық көрмесінен «Москич» жеңіл автокөлігімен марапатталды. Сондай- ақ мал шаруашылығында ферма меңгерушілері: Мырзабеков М, Қалиев Ж, Көпеншеевтердің басшылығымен ірі қара басын мыңға дейін жеткізді. Сауын сиырдан мол сүт алуда малшылар Бер И, Қолдашев Қ, сүт тасушы Қалиев Оспан белгіленген жоспардан артығымен тапсырып, бірнеше марапаттарға және бағалы сыйлықтарға ие болды. Сауыншылар Ермұханбетова Злиха, Кенжаева Злиха. т.б да азаматтар мал шаруашылығында аянбай еңбек етті. Ауыл шаруашылығында жоғары нәтижелерге жетуде оларды ұйымдастыруда сол кездегі партия ұйымын Ұлы Отан соғысының ардагері Абдуллин Ш. еңбегін ерекше атап өтуге болады. 1986-1933 жылдары аралығында Алғабас колхозын Тұрашев Н, Абдуллин Қ, Қорғанбаев Т, басқарды. 1993 жылы мемлекеттік жекешелендіру саясатына байланысты Алғабас колхозы жеке шаруашылықтарға бөлініп кетті. Жеке шаруашылықтардың ішінде Қалиев М. Басқарған шаруашылық мақтадан жақсы көрсеткіштерге жетіп жүр. Жеке шаруашылықтар еліміздің көркеюіне аянбай еңбек етіп жүр.
«Береке» жалпы орта мектебі» коммуналдық мемлекеттік мекемесі
Тақырыбы:
Дайындаған: З.Калиева
ҚР Білім және Ғылым министірлігінің стандартымен жасалған
22 Желтоқсан 2017
474
0 рет жүктелген
