Баяндама Шингожаева Мейрамгуль Болатовна

Алматы облысы, Ақсу ауданы, «Б.Садырбайұлы атындағы орта мектеп,мектепке дейінгі шағын орталығының к м м

бастауыш сынып мұғалімі

Шыңғожаева Мейрамгүл Болатқызы

Мұғалімнің кәсіби дамуы білім беруде бастауыш сынып оқушыларының шығармашылығын дамытудың негізі

Еліміздің болашақ жастарына жоспарға сай білім беру- бүгінгі күннің басты талабы. Осы талапты орындау мақсатында ұстаздарға жүктелер міндет орасан зор. Дегенмен,кемел көкжиекке білімсіз жету еш мүмкін емес.«Мұғалім үнемі ізденуде болғанда ғана мұғалім. Ал ізденісін тоқтатысымен ол өзінің мұғалімділігінен айырылады » , деген екен Ушинский.

Қазіргі заман мұғалімнен тек өз пәнінің терең білгірі болуы емес, тарихи танымдық, педагогикалық – психологиялық сауатттылық саяси экономикалық білімділік және ақпараттық сауаттылық талап етілуде.Ол заман ағымына сәйкес білім беруде жаңалыққа жаны құмар, шығармашылықпен жұмыс істеп, оқу мен тәрбие ісіне еніп, оқытудың жаңа технологиясын шебер меңгерген жан болғанда ғана білігі мен білімі жоғары жетекші тұлға ретінде ұлағатты саналады.

Қазақстанның тәуелсіз мемлекет ретінде қалыптасуы орта білім беру жүйесінің дамуымен тығыз байланысты. Қай халықтың, қай ұлттың болсын толығып өсуіне , рухани әрі мәдени дамуына басты ықпал жасайтын тірегі де, түп қазығы да – мектеп.

Мектеп ұстаздары үшін нәтижеге жету шәкіртінің білімді болуы ғана емес, білімді өздігінен алуы және алған білімдерін қажетіне қолдану болып табылады. Бүгінгі бала – ертеңгі жаңа әлем. Бүгінгі күні ақпараттар ағымы өте көп. Ақпараттық ортада жұмыс жасау үшін кез келген педагог өз ойын жүйелі түрде жеткізе алатындай , коммуникатифті және ақпараттық мәдениеті дамыған , интерактивтік тақтаны пайдалана алатын, онлайн режимінде жұмыс жасау әдістерін меңгерген мұғалім болуы тиіс. Заман талабына сай жаңа технология әдістерін үйрету, бағыт – бағдар беруші – мұғалімдерміз. Оқушылардың жаңа тұрмысқа,жаңа оқуға, жаңа қатынастарға бейімделуі тиіс. Осы үрдіспен бәсекеге сай дамыған елдердің қатарына ену ұстаздар қауымына зор міндеттер жүктелетінін ұмытпауымыз керек.

Мен сонау 1994 жылдан бастап бастауыш сынып мұғалімі қызметін атқарып келемін. Қазіргі таңда еңбек жолында жүргеніме 23 жыл. Осынау жылдарда алдымнан көптеген шәкірттерді білім нәріне сусындатып қана қоймай , адамгершілігі мол , шығармашыл тұлға ретінде қалыптасуына өз үлестерімді қосқаным рас .

Еңбек жолын бастағанда көптеген тың жаңалықтарды игеріп , шығармашыл , ізденімпаз ұстаз ретінде қалыптасуыма бірден – бір жол ашылды.

Заман талабына сай келешек ұрпақтың сұранысын қанағаттандыратын еліміздегі білім беру процесіне енген жаңартылған білім беру бағдарламасы бойынша мектеп мұғалімдері өз білімдерін көтеруде.Мен де жыл сайын курстарға қатысып білімімді жетілдіріп келемін. Орыс педагогі К.Д.Ушинский айтқандай, қазіргі заман талабына сай, әр мұғалім, өз білімін жетілдіріп, ескі бірсарынды сабақтардан гөрі, жаңа талапқа сай инновациялық технологияларды өз сабақтарында күнделікті пайдаланса, сабақ тартымды да, мәнді, қонымды, тиімді болары сөзсіз. Бұл жөнінде Қазақстан Республикасы «Білім туралы» Заңының 8-бабында «Білім беру жүйесінің басты міндеттерінің бірі – оқытудың жаңа технологияларын енгізу, білім беруді ақпараттандыру, халықаралық ғаламдық коммуникациялық желілерге шығу» деп атап көрсеткен. Елбасымыз Н.Ә. Назарбаев жолдауында айқандай: «Болашақта өркениетті дамыған елдердің қатарына ену үшін заман талабына сай білім қажет. Білім сапасын арттырудың кілті ұстаздардың қолында .

Жаңашыл мұғалімінің  бойында ізденімпаздықты, шығармашылдықты көре білу, ойлаудың ерекшелігі мен икемділігі, қиялындағы сипаттай білу қабілеттілігі, сыни ойлауға және өзіндік бағалау деңгейі басым болуы керек. Осындай бірлік компоненттеріне бағытталған біліктілік арттыру жүйесіндегі әрекет мұғалімнің кәсіби дамуындағы міндеттерді шешу үшін қажет деп ойлаймын.

Ал қазір ХХI ғасырда жаңартылған білім беру бағдарламасы еніп , ұстаздар қауымы алдындағы шәкірттерін жан – жақты білімді , үш тілді меңгере білетін жеке тұлға ретінде қалыптастыруда. Бұл бағдарлама оқушының өз ойын еш бүкпестен ашық білдіруге , өзін – өзі бағалауға , алға қарай ұмтылуға , белгілі бір критерий бойынша тапсырмаларды орындауға , өз ішкі уәжін өлтірмеуге , сыртқы уәжге құрметпен қарауға , әр пәннің өзіне тән терминалогиясымен нақтылы сөйлеуге , АКТ яғни интернет құрамдарын тиімді пайдалануға , функционалдық сауаттылығын жетілдіруіне және де тыңдалым , айтылым , оқылым , жазылым дағдыларының біршама қалыптастыруына , өз бойындағы құндылықтарды дамытуға , үш тілдік саясатты ерте бастан меңгеруге , алдыңғы білім мен қазіргі білімді ұштастыра алуына , мотивациясының жоғалып кетпеуіне тиімді әдіс-дәсілдерді пайдалана отырып , сабақта қызықты әрі тартысты өтуіне , өз ықпалдастығын тигізе отырып , біз жан – жақты , барлық ақпараттардан хабардар , кез – келген ситуациялардан қиналмай шығатын , өмір бойы оқудан жалықпайтын тұлғалар тәрбиелеуде бұл жаңартылған бағдарламаның оқушыларға және де ұстаздар қауымына берері ұшан теңіз.  Білім әлеміндегі оңтайлы өзгерістер сапалы білімге жетелейді. Себебі, осы оңтайлы өзгерістер білім сапасының артуына, оқушылардың саналы іс-әрекетпен дербес, белсенді жұмыс атқаруына, мұғалімдердің де жаңаша  қызмет етуіне жол ашады.Сонымен қатар әр сабағымды оқушылардың жас ерекшелігін ескере отырып, жаңа технология элементтерін пайдалануды жөн көрдім.Нәтижесінде оқушылардың пәнге деген қызығушылықтары арта бастады.

Пайдаланған әдебиеттер:

1.Қазақстан Республикасында білім беруді және ғылымды дамытудың 2016-2019 жылдарға арналған мемлекеттік бағдарламасы

2. Бастауыш мектеп. №7. 1993жыл.

№2 2008 жыл № 5 2008 жыл

3.Қазақстан мұғалімі 16.04 2008 жыл

4. Тұрғанбаева Б А Дамыта оқыту технологиялары.Алматы 2000 жыл